Smart Start Learning Center
Share
27/07/2026
မင်္ဂလာပါ ကလေးတို့ရေ ဒီအပတ်မှာတော့
🐡🐠 ငါးကလေးတွေက ဘယ်လို အိပ်သလဲ ဆိုတဲ့ ဒီမေးခွန်းလေးကို အတူတူအဖြေရှာကြည့်ရအောင်.
ပထမဆုံးကလေးတို့သိရမှာက
ငါးကလေးတွေက တို့လူတွေ တိရစ္ဆာန်တွေ အိပ်သလိုမျိုး မျက်လုံးမှိတ်ပြီးမအိပ်ကြပါဘူး။ ဘာလို့လဲဆိုတော့ ငါးတွေရဲ့ မျက်လုံးပေါ်မှာ တို့လူတွေလိုမျက်ခွံမပါတဲ့အတွက် မျက်လုံးမှိတ်ပြီး မအိပ်ကြတာပါပဲ။
🐠🐠🦈
ဒါဆိုဆက်ပြီး ငါးကလေးတွေရဲ့ အိပ်စက်တဲ့ အလေ့အထ ပုံစံတွေကို လေ့လာကြည့်ရအောင်။
၁။ မျက်လုံးဖွင့်ပြီး အိပ်ကြတယ်
ငါးတွေမှာ မျက်ခွံမပါတဲ့အတွက် အိပ်နေတဲ့အချိန်မှာလည်း မျက်လုံးက ပွင့်နေဆဲ ဖြစ်ပါတယ်။ ဒါကြောင့် သူတို့ အိပ်နေလား၊ နိုးနေလားဆိုတာကို မျက်လုံးကြည့်ပြီး ခွဲခြားဖို့ ခက်ပါတယ်။
၂။ ဘယ်လိုပုံစံနဲ့ အိပ်ကြသလဲ?
ငါးအမျိုးအစားပေါ် မူတည်ပြီး အိပ်တဲ့ပုံစံ ချင်း မတူကြပါဘူး။
🔶 ငြိမ်နေခြင်း:
အများစုကတော့ ရေအောက်ထဲမှာ ဒါမှမဟုတ် ရေကန်အောက်ခြေနားမှာ ငြိမ်ငြိမ်လေး မျောနေတတ်ကြပါတယ်။
🔶 ပုန်းအိပ်ခြင်း:
ငါးအသေးလေးတွေကတော့ ရန်သူ့ရန်ကနေ ကာကွယ်ဖို့ ကျောက်ဆောင်ကြား၊ သန္တာကျောက်တန်းကြား ဒါမှမဟုတ် ရေမှော်ပင်တွေကြားထဲမှာ ပုန်းပြီး အိပ်တတ်ကြပါတယ်။
🔶 ရွေ့လျားရင်း အိပ်ခြင်း:
ငါးမန်းလိုမျိုး ငါးအချို့ကတော့ အသက်ရှူဖို့အတွက် ရေထဲက အောက်ဆီဂျင်ကို ပါးဟက်ထဲ အမြဲဖြတ်စီးဆင်းနေအောင် လုပ်ရပါတယ်။ ဒါကြောင့် သူတို့က အိပ်နေရင်းနဲ့တောင် ဖြည်းဖြည်းချင်း ဆက်ပြီး ကူးခတ်နေတတ်ကြပါတယ်။
၃။ သူတို့ အိပ်နေမှန်း ဘယ်လိုသိနိုင်မလဲ?
🔸ငါးကလေးတွေ အိပ်နေပြီဆိုရင် အောက်ပါ လက္ခဏာတွေကို တွေ့ရတတ်ပါတယ်။
🔸ရေကူးတာကို ရပ်လိုက်ပြီး တစ်နေရာတည်းမှာ ငြိမ်ငြိမ်လေး မျောနေမယ်။
🔸ပတ်ဝန်းကျင်က လှုပ်ရှားမှုတွေကို တုံ့ပြန်မှု အရမ်းနှေးသွားမယ် (အနားကို အစာ သွားကျွေးရင်တောင် ချက်ချင်း သတိမထားမိတတ်ပါဘူး။
🔸ပါးဟက် လှုပ်ရှားမှု (အသက်ရှူနှုန်း) က ပုံမှန်ထက် နှေးကွေးသွားတတ်ပါတယ်။
😯😯😯
စိတ်ဝင်စားစရာ အချက်ကတော့
ငါးတွေလည်း လူတွေလိုပဲ ညဘက်မှာ အိပ်တဲ့အကောင်ရှိသလို၊ နေ့ဘက်မှာ အိပ်ပြီး ညဘက်မှ အစာရှာထွက်တဲ့ အကောင်တွေလည်း ရှိပါတယ်။
ဒါဆို ကလေးတို့လည်းအိမ်မှာ ငါးမွေးထားတယ်ဆိုရင် ညဘက် မီးပိတ်လိုက်တဲ့အခါ သူတို့လေးတွေ ရေကန်အောက်ခြေမှာ ငြိမ်ကျပြီး အိပ်သွားတာကို သတိထားကြည့်ကြနော်။
26/03/2026
"Myanmar Armed Forces Day"
March 27, 2026
Category
Telephone
Website
Address
Pyinmana
Alerts
Be the first to know and let us send you an email when Smart Start Learning Center posts news and promotions. Your email address will not be used for any other purpose, and you can unsubscribe at any time.