Chindwin Times
Share
The Chindwin Times (CT) news agency was initiated on 10th October 2020 in Homalin. Aims and Objectives:
- To establish international standard journalism.
- To establish freedom of the press, Democracy, and Human Rights in Myanmar.
- To provide all-out information about the Chin people and other related areas.
- To make the Chin free for media and information.
09/02/2023
စစ်အုပ်ချုပ်ရေးကြေညာထားသော ချင်းပြည်နယ်မြို့နယ် ၇ မြို့နယ်မှာ လူ ၅ ဦးထက် ပိုမစုရနှင့် ညမထွက်ရအမိန့် ထုတ်ပြန်
စစ်အုပ်ချုပ်ရေး ကြေညာထားသော ချင်းပြည်နယ်မြို့နယ် ၇ မြို့နယ်မှာ လူ ၅ ဦးထက်ပိုမစုရနှင့် ည ၆ နာရီမှ မနက် ၆ နာရီအထိ အပြင်မထွက်ရအမိန့်ကို အနောက်မြောက်တိုင်းစစ်ဌာနချုပ်တိုင်းမှူး ဗိုလ်ချုပ်သန်းထိုက်က ထုတ်ပြန်လိုက်သည်။
03/08/2022
ဟားခါးမြို့နဲ့ ထန်တလန်မြို့အကြား စစ်ကောင်စီတပ်ဖွဲ့နဲ့ ချင်းကာကွယ်ရေးတပ်ဖွဲ့တို့ တိုက်ပွဲပြင်းထန်နေ
ချင်းပြည်နယ်၊ ဟားခါးမြို့နှင့် ထန်တလန်မြို့အကြား သီးမြစ်တံတားပြင်ရန် ချီတက်လာသည့် စစ်ကောင်စီတပ်နှင့် ချင်းကာကွယ်ရေးတပ်ဖွဲ့တို့ တိုက်ပွဲများဖြစ်ပွားနေပြီး တိုက်ပွဲမှာပြင်းထန်သည်ဟု ချင်းအမျိုးသားတပ်မတော် CNA ထံမှ သိရှိရသည်။
“အခုတိုက်ပွဲဖြစ်နေတာက သီးမြစ်တံတားကို ပြင်ဖို့ လုပ်နေတဲ့ စစ်ကြောင်းအပြင် တခြားလမ်းကြောင်းကနေ ဝိုက်ပြီး အနောက်ကနေဝင်တိုက်ဖို့ ကြိုးစားနေတယ် အဲဒီကနေ ချင်းကာကွယ်ရေးတပ်ဖွဲ့တွေ စိုးမိုးတဲ့ နေရာတွေကို တိုက်ခိုက်ပြီး CNF ရဲ့ ဌာနချုပ်ကိုပါ ခြိမ်းခြောက်ဖို့ လုပ်ဆောင်နေတယ်လို့ ယူဆတယ်” ဟု CNA ပြောရေး ဆိုခွင့်ရှိသူ ဆလိုင်းထက်နီက မဇ္စျိမကို ပြောသည်။
ဩဂုတ်လ ၁ရက်နေ့ ဟားခါးမြို့ဖက်မှ သီးမြစ် အောက်ဖက်ပိုင်းသို့ စစ်ကြောင်းထိုးလာသော အင်အား ၇၀ခန့်ရှိသည့် စစ်ကောင်စီတပ်နှင့် ညနေ ၃ နာရီမှ ညနေ ၆ နာရီအထိ တိုက်ပွဲပြင်းထန်ခဲ့ကြောင်း ဆိုသည်။
ယင်းတိုက်ပွဲတွင် ဟားခါးမြို့ရှိ (၂၆၆) တပ်ရင်း မှ လက်နက်ကြီးများဖြင့် ပစ်ကူမှုများ ပေးနေပြီး ချင်းကာကွယ်ရေးတပ်ဖွဲ့များအနီးကပ် တိုက်ခိုက်၍ မရသကဲ့သို့ စစ်ကောင်စီတပ်များလည်း ရှေ့မတိုးနိုင်ဘဲ စစ်ကြောင်းတန့်နေကြောင်း သိရသည်။
အဆိုပါတိုက်ပွဲကို CAN ၊ CDF-Zophei, CDF-Hakha ,CDF-Thantlang တို့မှ ပူးပေါင်း တိုက်ခိုက်နေခြင်းဖြစ်ပြီး စစ်ကောင်စီတပ်မှ အကျအဆုံးများရှိနိုင်ပြီး အရေအတွက်ကို အတည် ပြု၍မရသော်လည်း ချင်းပူးပေါင်းကာကွယ်ရေး တပ်ဖွဲ့ဘက်မှ အထိအခိုက်မရှိကြောင်း ဆိုသည်။
ဟားခါးမြို့ပြင်တွင် စစ်ရေးတင်းမာနေချိန် ဩဂုတ်လ ၂ရက်နေ့ ညပိုင်းက ချင်းကာကွယ်ရေးတပ်များမှ မြို့အတွင်းရှိ စစ်ကောင်စီတပ်ဖွဲ့ဝင်များ တပ်စွဲထားသည့် နေရာနှစ်ခုအား ဝင်ရောက်တိုက်ခိုက်ခဲ့ကြောင်း သိရသည်။
စစ်ကောင်စီတပ် လက်အောက်ခံ ရဲစခန်းနှင့် ရပ်ကွက်(၆)လမ်းဆုံတွင် တပ်စွဲထားသော စစ်ကောင်စီတပ်အား ဝင်ရောက်တိုက်ခိုက်ခဲ့ခြင်းဖြစ်ပြီး စစ်ကောင်စီတပ်မှ အထိအခိုက် အကျအဆုံးအား မသိရှိရသော်လည်း ချင်းကာကွယ်ရေးတပ်ဖွဲ့ဖက်မှ အထိအခိုက်မရှိကြောင်း ဆိုသည်။
ချင်းပြည်နယ်အတွင်း ယခုလတ်တလော စစ်ရေးလှုပ်ရှားမှုများသည် စစ်ကြောင်းထိုး နယ်မြေရှင်းလင်းရေး ပြုလုပ်ရန်သာမက စခန်းဖွင့် အထိုင်ချပြီး ချင်းကာကွယ်ရေး တပ်ဖွဲ့များအား ဖြိုခွင်းရန် လုပ်ဆောင်နေကြောင်း ဆလိုင်းထက်နီမှ သုံးသပ်ပြောဆိုသည်။
ဟားခါးမြို့မှ စစ်ကြောင်း သုံးကြောင်းဖြင့် ထန်တလန်မြို့နယ်အတွင်းသို့ ဖြန့်ကြက် စစ်ကြောင်းထိုးနေပြီး ဂန့်ဂေါမြို့မှတစ်ဆင့် ရေဇွာလမ်း - ဟားခါးလမ်းပိုင်း ၊ မတူပီ - ဇိုးတုန်လမ်းပိုင်း ၊ ကလေးမြို့မှတဆင့် ကလေးမှ ဝေဘူလ ဖလမ်းလမ်း ၊ ကလေး မြို့မှ သိုင်းငင်း တီးတိန်လမ်း များအား ပိတ်ဆို့ပြီး ချင်းကာကွယ် ရေးတပ်ဖွဲ့များအား ရှင်းလင်းရန် စစ်ကောင်စီတပ်မှ ၎င်းတို့၏ တပ်ဖွဲ့ဝင်များထံ ညွှန်ကြားထားသည်ကို သိရှိထားရကြောင်း ဆိုသည်။
ချင်းပြည်နယ် ဗျူဟာနှစ်ခုဖြစ်သော ဟားခါးနှင့် မတူပီ တို့မှတစ်ဆင့် နယ်မြေများစိုးမိုးမှုကို အဓိက ညွှန်ကြားလုပ်ကိုင်သွားမည်ဖြစ်ပြီး ၂၀၂၃ ရွေးကောက်ပွဲအတွက် ကြိုတင် ပြင်ဆင်မှု တစ်စိတ်တစ်ပိုင်းဖြစ်နိုင်ကြောင်း သုံးသပ်ထားသည်။
လတ်တလောအခြေအနေတွင် စစ်ကောင်စီတပ်သည် သီးမြစ်တွင် အခြေချနိုင်ရန် စစ်တပ်အင်အားများ ဖြည့်တင်းလျက်ရှိနေပြီး ဟားခါးမြို့နှင့် ထန်တလန်မြို့အကြား တိုက်ပွဲများ အချိန်မရွေးဖြစ်ပွားနိုင်သဖြင့် မိဘပြည်သူများအနေဖြင့် ခရီးသွားလာခြင်း မပြုကြရန် ချင်းကာကွယ်ရေးတပ်ဖွဲ့များမှ သတိပေးထားသည်။
Credit-Mizzima
13/05/2022
ချင်းအမျိုးသားတပ်ဦး-CNF ၏ ယမန်နေ့ မေလ ၁၂ ရက်နေ့ တိုက်ပွဲသတင်းထုတ်ပြန်ချက်...
Click here to claim your Sponsored Listing.
Category
Contact the business
Website
Address
Homalin
02052
Opening Hours
| Monday | 09:00 - 17:00 |
| Tuesday | 09:00 - 17:00 |
| Wednesday | 09:00 - 17:00 |
| Thursday | 09:00 - 17:00 |
| Friday | 09:00 - 17:00 |