Legal Professional Group

“အမွေမှုတွင် အပြီးသတ်ဒီကရီချမှတ်ရာ၌ အမွေဆိုင်တို့၏ ရပိုင်ခွင့်တို့ကို သတ်သတ်မှတ်မှတ် ဖော်ပြရန် လိုပေသည်။ မူလရုံးအမှုတွင် အချင်းဖြစ်မြေ၏ မည်သည့်အတိုင်းအတာ၊ မည်သည့်အစိတ် အပိုင်းကို တရားလိုအား ခွဲဝေပေးကြောင်း အပြီးသတ်ဒီကရီ၌ သတ်မှတ်ဖော်ပြရန် လိုပေသည်။ သို့မှသာ ထိုဒီကရီကို အတည်ပြုသည့်အခါ တရားလိုအနေဖြင့် မိမိအတွက် သတ်မှတ်ပေးသည့်အခွင့်အရေးကို ရရှိရန်အလို့ငှာ တရားရုံးက တရားမကျင့်ထုံးဥပဒေပုဒ်မ ၅၁ တွင် ဖော်ပြထားသည့်နည်းလမ်းများ အနက် မည်သည့်နည်းဖြင့် ဒီကရီကို အတည်ပြုပေးရန်ဖြစ်ကြောင်း အတိအလင်းဖော်ပြ လျှောက်ထား နိုင်မည်ဖြစ်သည်။ အချုပ်ဆိုရသော် အပြီးသတ်ဒီကရီတွင် တရားလို၏ရပိုင်ခွင့်သည် ရုပ်လုံးပေါ်ပြီး ဖြစ်စေရမည်။ ပဏာမဒီကရီနှင့် မခြားနားသော ဒီကရီသည် အပြီးသတ်ဒီကရီ မမည်ပေ”ဟု

ဦးမြတ်ကျော် နှင့် ဦးသိန်းမောင် ပါ -၅

(၁၉၈၄ ခုနှစ်၊ မြန်မာနိုင်ငံတရားစီရင်ထုံး၊ စာ-၃၀၂။)

တွင်စီရင်ထုံးပြုထားပါသည်။

"ဇာရီပြုလုပ်ရာ၌ တရားနိုင်သည် ဒီကရီတွင် မပါသောမြေကို ယူခြင်း ဒီကရီတွင် ဖော်ပြထားသည်ထက်ပို၍ ယူခြင်းပြုလျှင် တရားရှုံးသည် မြေကို ပြန်ရရန် ယင်းဇာရီ၌ပင် တရားမကျင့်ထုံးဥပဒေပုဒ်မ-၄၇အရ လျှောက်ထားရမည်ဖြစ်ပြီး ထိုသို့မှားယွင်းပေးလိုက်မိသော မြေကို ပြန်ရရန် သီးခြားတရားတစ်ထုံး မစွဲနိုင်"ဟု

ဦးဇော်ဝင်း ပါ-၂ နှင့် ကိုနောင်ဝင်းနောင် ပါ-၃
(၂၀၁၀ပြည့်နှစ်၊မြန်မာနိုင်ငံတရားစီရင်ထုံး၊စာ-၃၇)တွင်

စီရင်ထုံးပြုထားပါသည်။

“လိမ်လည်မူကို အကြောင်းပြု၍ ဒီကရီတစ်ရပ်ကို ပယ်ဖျက်ပေးရန်အတွက် တရားစွဲဆိုနိုင်ရန် ထိုဒီကရီကို အခြေခံသည့် သက်သေခံချက်သည် မမှန်ကန်ကြောင်း တရားလိုက ပြဆိုရုံမျှဖြင့် မလုံလောက်ပေ။မိမိ၏ ပျက်ကွက်မူ (သို့မဟုတ်)လျစ်လျူရှုမူကြောင့် မဟုတ်ဘဲ တရားပြိုင်(ယခင်အမူတရားလို)၏ တမင်လိမ်လည်လှည့်ဖြားမူကြောင့် မိမိသည် ယင်းလိမ်လည်မူကို ယခင်အမူတွင် ဖော်ထုတ်ခွင့်မရခဲ့ကြောင်း သက်သေပြရမည်။ဆုံးဖြတ်ပြီးသော ပြသာနာများကို ထပ်မံအရေးဆိုခွင့်မရနိုင်ချေ “ဟု

ဒေါက်တာအဗ္ဗုဒူလ်ရင် ပါ-၂

နှင့်

ပန်ဒစ်တိုင်ရမ်နှင့်အခြားသူများ

အေအိုင်အာ၊၁၉၃၇၊ရန်ကုန် စာမျက်နှာ-၅၃၄

အမူတွင် ဆုံးဖြတ်ထားပါသည်။

စည်းကမ်းသတ်ကာလ
———————————

“လိမ်လည်လှည့်ဖြား၍ ရယူထားသော ဒီကရီကို ပယ်ဖျက်ပေးစေလိုကြောင်း စွဲဆိုသည့်အမူသည် ကာလစည်းကမ်းကတ်အက်ဥပဒေ ပထမဇယား အမှတ်စဉ်-၉၅နှင့် သက်ဆိုင်သည် “ဟု

ဆိုင်ရမ်လားလ်မန်ဒါးလ် နှင့် နီမိုနီဒက်(စ်)

(ကာလကတ္တားအတွဲ-၃၄၊စာ-၂၄၁)တွင်

ဆုံးဖြတ်ထားပါသည်။

ရုံးခွန်
——-

ရုံးခွန်အက်ဥပဒေပုဒ်မ -၇(၄)(ဂ)အရ တောင်းဆိုသောသက်သောခွင့်အပေါ် ဇယား(၁)အပိုဒ်(၁)ပါနူန်းထားအတိုင်း ထမ်းဆောင်ရပါသည်။

“လိမ်လည်ရယူသွားသည်ဆိုသော ဒီကရီတွင် အမူသည်အဖြစ် မပါသူက ထိုဒီကရီကို ပယ်ဖျက်ပေးရန် တရားစွဲဆိုခွင့် မရှိ”ဟု

အေအိုင်အာ ၁၉၄၃၊ဘုံဘေ ၂၈၃ တွင်

ဆုံးဖြတ်ထားပါသည်။

"တရားလို ပေးပို့သောနို့တစ်စာ တရားဝင် မဝင် အဆိုအ​ချေအရ အငြင်ပွားနေလျှင် အမူကိုဆုံးဖြတ်ရန် အရေးပါသော ဥပဒေပြသာနာဖြစ်ခြင်းကြောင့် တရားမကျင့်ထုံးဥပဒေအမိန့်-၁၄၊နည်း-၁ နှင့်၃ တို့အရ ငြင်းချက်ထုတ်ပေးရန် လိုအပ်သောအချက်ဖြစ်ကြောင်း ထင်ရှား၍"နို့တစ်စာ တရားဝင်ပါသလား"ဟူသော ငြင်းချက်ကို ထုတ်ပေးရခြင်း" ဖြစ်သည်ဟု

ဒေါ်ညွန့်ညွန့်ခင် နှင့် ဒေါ်အိမ်ကြည်

{၁၉၉၀ခုနှစ်၊မြန်မာနိုင်ငံတရားစီရင်ထုံး၊စာ-၂၂(၂၄)}တွင်
စီရင်ထုံးပြုထားပါသည်။