Ambientalistat e Rinjë

Me një maratoni të aktiviteteve është përmbyllur Java e Rinisë, përkatësisht në ditën e rinisë. Aktivitetet filluan me një vizitë tek kryetari i Komunës së Kacanikut, z.Besim Ilazi. Të rinjët shoqëroheshin nga Kordinatori për rini z. Fatmir Caka. Kryari Ilazi uroi të rinjët me rastin e ditës së tyre. Tubimi kryesor u mbajt tek Shtëpia e Kulturës. Në këtë eveniment u bë inaugurimi i Parkut Rinor nga Kryetari i Komunës së Kacanikut z. Besim Ilazi dhe z. Shade Oëollavi, përfaqësuese e USAID-it. Parku rinor ishte një ide e të rinjëve e përfshirë edhe në planin e veprimit të KVRL-së, ndërsa gjeti një përkrahje financiare nga USAID-i, përkatësisht programi DEMI dhe nga Komuna e Kacanikut.
Pas këtij inaugurimi të rinjët kishin përgaditur një program të shkurtër artisitk. Ishte grupi Muzikantët e Rinj, që performuan para të rinjëve dhe mysafirëve të tjerë, me një minikoncert me muzik të zgjedhur. Poashtu përfaqësueses nga USAID-i iu dorëzua një pikturë nga Kryetari i Komunës. Pas këtij evenimenti u mbajt një program i shkurter përkujtues në nderim të aktivistit dhe profesorit të ndjerë Shkodran Raka. Me këtë rast u mbajt një minut heshtje nga të rinjët. Më pas u lexuan edhe disa vargje kushuar aktivistit nga vet autorja Ariana Caka. Pas kësaj një delegacion i të rinjëve të prirë edhe kësaj here nga kordinatori për rini z. Fatmir Caka vizituan për ngushëllime familjen e të ndjerit Shkodran Raka. Meqenëse ai ishtë muzikant dhe donte shum kitarën, familjes se të ndjerit iu dhurua një pikturë me motive arti, përkatësisht një kitarë. Pas këtij evenimenti përkujtues, aktivitetet rinore vazhduan me sport. U zhvillaun takime të ndryshme mes sektorëve të ndryshëm. Qëllimi i këtyre ndeshjeve ishte bashkpunimi i KVRL-së me institucionet relevante. Dhe krejt në fund të rinjët kanë përcjellur një film në ekran të madh tek Shtëpia e Kulturës.

Ambientalisat e Kaçanikut fillojnë të krijojnë nëngrupe të ndryshme ambientale në qytet dhe fshatra

Pas një suksesi të madh si grup rinor në Komunën e Kaçanikut, Ambientalistët e Rinjë që nga data 18.4.2012 kanë filluar organizimin e nëngrupeve ambientale nëpër të gjitha shkollat fillore dhe të mesme të Komunës së Kaçanikut, falë projektit “Së bashku për një mjedis të pastër” financuar nga organizata Innovations Lab Kosovo.
Disa antarë të këtij grupi nën shoqërimin e z. Fatmir Caka koordinator për rini në Kaçanik, kanë vizituar Gjminazin “Skenderbeu” dhe Shkollën Fillore “ Emin Duraku” në Kaçanik, ku edhe kanë përzgjedhur nxënësit të cilët do të jenë pjesë e nëngrupeve ambientale të shkollave përkatëse. Sipas koordinatores së këtij projekti znj. Fatlume Guri, në këtë takim, nxënësit u njoftuan me aktivitetet e deritashme të grupit “Ambientalistët e Rinjë” dhe format e bashkëpunimit me nëngrupet e krijuara.
Poashtu nxënësit shprehën brengat e tyre për ambientin në të cilin shkollohen dhe jetojnë.
Ky projekt do të zgjasë më shumë se dy muaj dhe gjatë kësaj periudhe parashihet që të krijohen nëngrupet e ambientalistëve nëpër te gjitha Shkollat Fillore dhe te Mesme të Komunës së Kaçanikut. Pas kësaj në fund planifikohet që të organizohet një debat dhe një ekspozitë me punimet në ese dhe pikturë nga nxënësit pjesmarrës.

Kacaniku bëhet pjesë e projektit “ Let’s do it Kosova- T a pastrojmë Kosovën”

Përfaqësues nga inciativa Ta pastrojmë Kosovën, kanë takuar sot një grup të rinjëve kacanikas, me qëllim të informimit fillestar për projektn “ Let’s do it Kosova”
Përpos tre përfaqësuesve nga kjo iniciativë, të pranishëm ishin Fatmir Caka- Kordinator për Rini në Kcanik, Arlind Hysa Kryetar i KVRL-së, Mirlinda Axhami Nenkryetare e KVRL-së si dhe disa të rinjë nga grupi Ambientalistët e rinj. Në këtë takim u diskutua lidhur me formën dhe mundësitë e organizimit sa më të mirë për një aksion gjithpërfshirës të pastrimit. Më datën 24 Maj 2012 është paraparë një aksion i përgjithsëm pastrimi në mbarë Kosovën. Në kuadër të kësaj edhe Kacaniku do të jetë pjesë e kësaj nisme që ka për qëllim krijimin e një mjedisi të pastër, ndërsa KVRL-ja dhe grupi Ambientalistët e Rinjë do të kenë barrën kryesore e organizimit në bashkpunim me të gjithë akterët e tjerë relevant.
Për të gjtha aktivitetet e tjera që kanë të bëjnë me formën e organizimit dhe informimin e vullnetarëve pjesmarrës në këto aktivitete do të jeni të njoftuar me kohë.