Friday

හීන කතරක ඇවිද යන්නට
මතක පුරවපු නේක දින ගැන
අපේ පෙම්වත් සොදුරු කවියේ
ලියපු බෝ තැන් තියෙනවා.

එහෙම කවිවල පේලි අතරේ
කොම්බු පාපිලි අතර තනිවුන
තව සුසුම්ලන කදුලු බින්දුත්
නැතුවා ම නොව තියෙනවා.

රිදුනු නොරිදුනු මතක මංපෙත
තවම තරුණද මහලු වැඩිවද
තෝරගන්නට නොහැකි සිතකින්
සිත සිතා අප ඉන්නවා.

තූරුණු පෙම්පොත පිටු අගිස්සෙන්
මුහුකුරා ගිය පෙරවදන ⁣මේ
ලිය ලියා තව ගලපලා මං
හඩනවාදෝත් හිතෙනවා.

අනත් සසරේ යුග සියක් දස
හමුව හිනැහුනු හැම වසන්තෙම
ඔබත් මං ලග මෙහෙම හුරතල්
වෙන්නැතියි තව සිතෙනවා.

නොනිමි කවියක පදත් පටලා
එතෙර වෙන්නට හිතත් තිබිලා
ඔබත් ඒවිද බල බලා මං
අ(සි)තින් අල්ලන් ඉන්නවා.


www.facebook.com/fridayemo
අපිත් එක්ක එකතු වෙලා ඔබේ නිදහස් සිතුවිලි බෙදාගන්න..!