Malainaadu Media

ஈரானின் ஏவுகணை மற்றும் ட்ரோன் களஞ்சியங்கள் மீது அமெரிக்கா தாக்குதல்...!

அமெரிக்கா விமானப் படையினர், ஈரான் நாட்டின் ஏவுகணை மற்றும் ட்ரோன் (ஆளில்லா விமானம்) களஞ்சியங்களை இலக்கு வைத்து தொடர் வான்வழித் தாக்குதல்களை மேற்கொண்டுள்ளனர்.

வெளிநாட்டு ஊடகங்களின் தகவலின்படி, ஹோர்முஸ் நீரிணை பகுதியில் கப்பல் ஒன்றின் மீது ஈரான் தாக்குதல் நடத்தியதாகக் கூறப்படும் சம்பவத்திற்குப் பதிலடியாக இந்த இராணுவ நடவடிக்கை முன்னெடுக்கப்பட்டதாக தெரிவிக்கப்பட்டுள்ளது.

இந்த தாக்குதல்களில், ஈரானின் கடலோர ரேடார் கண்காணிப்பு மையங்களும் இலக்காகக் கொள்ளப்பட்டதாக தகவல்கள் வெளியாகியுள்ளன.

இந்த விவகாரம் தொடர்பாக டொனால்ட் ட்ரம்ப் தனது Truth Social சமூக வலைத்தளத்தில் வெளியிட்ட பதிவில், போர்நிறுத்த உடன்படிக்கையை ஈரான் மீண்டும் மீறியுள்ளதாக குற்றஞ்சாட்டியுள்ளார்.

மேலும், "அவர்கள் ஒருபோதும் பாடம் கற்றுக்கொள்ளப் போவதில்லை போல் தெரிகிறது. இனி அவர்களுடன் நியாயமான முறையில் நடந்துகொள்ள முடியாது" என அவர் குறிப்பிட்டுள்ளார்.

தற்போதைய நிலைமை தொடருமானால், முன்னர் தாம் தொடங்கிய இராணுவ நடவடிக்கையை முழுமையாக நிறைவு செய்ய வேண்டிய நிலை ஏற்படும் என்றும் ட்ரம்ப் எச்சரித்துள்ளார்.

அத்துடன், அத்தகைய சூழல் உருவானால், ஈரான் இஸ்லாமியக் குடியரசு கடுமையான விளைவுகளை எதிர்கொள்ள நேரிடும் என்றும் அவர் தனது பதிவில் மேலும் எச்சரிக்கை விடுத்துள்ளார்.

எம்முடன் இணைந்துகொள்ளுங்கள் 👇👇

⏩Facebook : https://www.facebook.com/Malainaadu

எமது Whatsapp குழுவில் இணைய 👇👇

https://chat.whatsapp.com/1bhq2JxP4aFH1Luo02vyM2?mode=gi See less