Gaming With Hash

Squid games බැලුවත ලමයී

අද මේ කියන්න යන්නේ ගොඩක් අය අහලා නැති, ඒත් අහන්නම ඕන කතාවක් ගැන. ඔය ගම් වල ඉන්න සමහර , මිඩ්වයිෆ්ලටත් වඩා දන්න ගැහැණු උදවිය කියනවා ඔයාලට ඇහිලා ඇති පොඩි බබෙක්ට තේ ටිකක් දුන්නම මොකද වෙන්නේ, අනේ තේ උගුරක් දෙන්න, එහෙමත් නැත්නම් කෝපි ටිකක් දුන්නහම මොකද වෙන්නේ වගේ දේවල්.

හැබැයි ඉතින් මාරම සාමාන්‍යකරණය වෙලා චූටි බබෙක් තේ ටිකක් බොන එක මාරම ආතල් එකට අරගෙන වැඩ කරන එක ඒ තරම් හොඳ දෙයක් නම් නෙමෙයි. ඒ තරම් නෙමෙයි කොහෙත්ම හොඳ දෙයක් නෙමෙයි. ඒ මෙන්න මේවා නිසා.

ඉස්සර කාලේ අපේ බබාලට අපි නම් තේ දුන්නා, ඉහෙන් බහින බහින රෝගයක් නෑ කියල ගම්මැදි මිඩ්වයිෆ්ලා කිව්වට, සමහර ලෙඩ රෝග පිටට පේන්නෙ නැහැ.

ඉතින් අලුත් පරීක්ෂණ වලින් හොයාගෙන තියෙන විදිහට චූටිම බබෙක්ට විතරක් නෙමෙයි වයස අවුරුදු 12 අඩු කිසිම දරුවෙක්ට තේ, කෝපි වැනි කැෆේන් අඩංගු පානයන් ලබාදීම කොහෙත්ම සුදුසු නැහැ.

ඒ ඇයි?

1. තේ සහ කෝපි වගේ කැෆේන් අඩංගු පානයන් දරුවන්ට ලබාදීමෙන් දරුවන්ගේ නින්දට බාධා ඇති වෙනවා. දරුවෙක්ට අවශ්‍ය සාමාන්‍ය නින්ද අඩුවෙලා ඊට සමගාමීව ඔවුන්ගේ වර්ධනයත් මානසික සහ ශාරීරික කියන දෙපැත්තෙන්ම අඩුවෙනවා.

2. දරුවන්ගේ සංවේදී බව වැඩිවෙනවා.
මෙවැනි පානයන් ලබාදීමෙන් ආතතිය, අවුල් සහගත සහ කලබලකාරී බව ඇති වෙනවා. ඒක දරුවන්ගේ වර්ධනයට වගේම ඉගෙනීමටත්, පෞරුෂ සංවර්ධනයටත් බලපානවා.

3. හෘද ස්පන්ධන වේගය සහ රුධිර පීඩනය වැඩි වෙනවා.

4. යකඩ අවශෝෂණයට බාධා කරනවා.
මෙන්න මේක සෑහෙන්න වැදගත් දෙයක්. ඔය කොච්චර කෑවත් බර වැඩිවෙන්නෙ නෑ කියන බබාලා තේ බොනවා නම් මේ ගැන චුට්ටක් සැලකිලිමත් වෙන්න.

මොකද, මේ කැෆේන් පානයන් ලබාදීම නිසා කෑම වල තියෙන යකඩ ශරීරයට අවශෝෂණය කරගැනීමට බාධා ඇතිි කරනවා. මේ තත්ත්වය වැඩි උනාම හිමොග්ලොබින් මට්ටම අඩුවෙලා රක්ත හීනතාවය ,යකඩ ඌනතාවය, වගේ ලෙඩ රෝග ඇතිවීමේ වැඩි අවධානමක් තියෙනවා.

5. ඉක්මනින් ඇබ්බැහි වන සුළු නිසා දෛනික පානයක් බවට පත්වෙන්න පුළුවන්.

6. ඒ වගේම කැෆේන් , ඩියුරටික් ලෙස ක්‍රියා කිරීම නිසා ළදරුවන්ගේ ශරීරයේ මුත්‍රා නිපදවීමේ වේගය වැඩි වෙලා , ඇගේ තියෙන අතිරික්ත ලවණ සහ තරලයන් මුත්‍රා සමග පිටවෙන්න පුළුවන්. අධික ලෙස මුත්‍රා පිටවීම නිසා ලදරුවන් තුළ විජලන තත්ත්වයකුත් ඇතිවෙන්න පුළුවන්.

ඉතින් ඔන්න චූටි බබාලට තේ ටිකක් දෙන්නකෝ, තේ ටිකක් දුන්නම මොකද වෙන්නේ, වගේ ඔයාගේ බබාට තේ පොවන්න එන උදවියට මෙන්න මේ ටික කියන්න.

උපුටා ගැනීමකි 🙏