JEC Liban - YCS Lebanon

"فَأَجَابَ وَقَالَ لَهُمْ: «مَنْ لَهُ ثَوْبَانِ فَلْيُعْطِ مَنْ لَيْسَ لَهُ، وَمَنْ لَهُ طَعَامٌ فَلْيَفْعَلْ هَكَذَا»." (لو 3: 11).

ترأس سيادة راعي أبرشية صيدا ودير القمر للروم الملكييّن الكاثوليك المطران إيلي بشارة الحداد الموقّر ‏القداس الإلهّي الاحتفالي بمناسبة تنصيب أمانة 2026-2028 وتعيين المرشديّة الرّوحي العامة الجديدة، عاونه المرشد الوطني الأب أغابيوس أبو سعد وذلك يوم الأحد الواقع في 14 كانون الأول 2025 في كاتدرائية القديس نيكولاوس-صيدا.

عيّن خلاله مسؤولو اللجان:
مرشد عام: الأب أغابيوس أبو سعدى.
أمين عام: إيميل عبدلله.
نائب أمين عام: فاليري جرجس.
أمانة السّر: تقلا جبران و ماتيوس الديك.
أمين صندوق: ايدي فرنسيس.
لجنة الإعلام: كريستا نصر و إلينور العشّي.
لجنة الصلاة: جميل اندراوس.
منسق لبنان قي الشرق الأوسط: شربل سيقلي.
مستشار: أليس فرحات.

أمانة صيدا: غاييل فرنسيس.
أمانة زحلة: فارس عزار.
أمانة صور: ماري مبيّض.
أمانة كسروان: كارن خوري.
عاش المسيح... ملكًا.

Meet Our Speaker: Charbel Saade
شربل الغالي،
وجودك بيناتنا قدّم خبرة حلوة وثقة بموضوع أمانة الصندوق من خلال خبرتك العميقة بهيدا المجال. قدرت ببساطة وتنظيم تفرجينا كيف الشفافية، الدقّة، والمتابعة اليومية هنّي أساس إدارة مالية صحّيحة داخل الـJEC، وكيف الأمانة المالية هي قبل كل شي مسؤولية ورسالة.

أسلوبك العملي وشرحك الواضح ساعدونا نفهم الخطوات الضرورية من تنظيم القيود، لمراقبة المصاريف، للتخطيط المالي يلي بيحافظ على استمرارية الخدمة. بيّنتلنا إنو الشغل المالي مش أرقام بس… بل ثقة، التزام، وضوح، واحترام للمسؤولية يلي بين إيدينا.
شكرًا على وقتك، وعلى كل نصيحة زرعتا فينا حتى يكون شغلنا بالـJEC مسؤول، دقيق، وشفّاف. وجودك بين عيلتنا قيمة مضافة نفتخر فيها.
عاش المسيح ملكًا!

Meet Our Speaker: Joe Younan
جو العزيز،
حديثَك عن الإعلام ودور صفحات التواصل الاجتماعي بالـJEC كان أكتر من مجرد شرح تقني… كان رؤية واضحة لرسالة، وصوت بدّو يحمل حقيقة الشبيبة بمحبة وصدق. قدرت بوضوح وبسلاسة تفسّر كيف ممكن للإعلام يكون مساحة صادقة للتعبير، وكيف كل منشور، صورة، أو كلمة بتشكّل فرصة نبني فيها تواصل حيّ داخل الشبيبة وبينها وبين العالم.

بأسلوبك المهضوم والدقيق، فتّحتلنا عيوننا على أهمية المسؤولية اللي منحملها وقت نكون واجهة لحركتنا. فرجيتنا إنو الإعلام مش بس إدارة صفحات، بل التزام، شفافية، ورسالة نابعين من قلب الإنجيل. وعلّمتنا كيف نشتغل بحرفيّة من دون ما نخسر البساطة والروح يلي بتميّز الـJEC.
وجودك بيناتنا هو قيمة حقيقية. اهتمامك، متابعتك الدائمة، وتحضيرك المتقن بيعطونا دفع نطوّر أكتر، نرتقي، ونكون قدّ المسؤولية. حضورك بشبيبتك مش بس دور… هو شغف عم ينعكس علينا كلنا.
شكرًا على وقتك، على تعبك، وعلى كل خبرة عم تشاركنا فيها لحتى يضلّ إعلام الـJEC صوت صادق، قوي، وفاعل.
منفتخر فيك كإعلامي متميز، ومنعتزّ إنّك من عيلتنا… عيلة الـ JEC.
عاش المسيح ملكًا!