Majida Mansour

دماغ الإنسان بطبيعته بيعطي أهمية أكبر للأشياء السلبية مقارنة بالإيجابية فلو عملت عشرة أشياء منيحة لحدا وغلطت مرة وحدة بس غالبا رح يركز على هالغلطة أكتر من كل الأشياء الحلوة والسبب إنو زمان الإنسان كان بحاجة ينتبه للمخاطر ليقدر يعيش فالأشياء السلبية كانت تهديد مباشر فبيخزنها الدماغ بشكل أقوى وكمان المشاعر السلبية متل الزعل والخيبة بتكون أتقل وبتدوم أطول من الفرح بس كمان مهم نعرف إنو الموضوع مش بس طبيعة الإنسان أوقات بيكون في توقعات عالية أو تراكمات من قبل أو لأن الغلطة كانت موجعة أكتر من كل الأشياء الحلوة فبيحس الواحد إنو هالغلطة غطت على الباقي رغم إنن بعدن موجودين