مدی

وين عايشين؟!
بأي زمن ؟! (بالماضي او بالحاضر او المستقبل)
كيف عايشين ؟!
بافكار مين عايشين ؟!

عايشين حياة بتمثلنا او عم نمثل انه عايشين تحت رحمة ظرف هون و فكرة هونيك ؟!

لمن نحمل الماضي بوجعه ب كلمة من هون و موقف هونيك ولحظة خيبة ولحظة فشل بصير الماضي حاكمنا متل يلي حامل كيس كبييير مليان حجار ع ضهره وماشي ، بوقت هيدا الماضي وحجارته هنن لنتعلم منهم ونعمر اللحظة فيهم ، لهيك خلونا نعيش "اللحظة" بكل شي فيها ..
اما المستقبل ف لمن ناخد حجارة الماضي و غبرته ونكبهم بالمستقبل منكون بس عم نقضي ع اللحظة...
بلغة تانية المستقبل هو صنيعة اللحظة هاي مش الماضي وكل لحظة ممكن يتغير ولمن نعرف انه بعالم حاكم رب عظيم وفش مستحيل صناعة المستقبل بتصير نتيجة لافكارنا ف انتبهوا لافكاركم وعيشوا لحظتكم .