PAKA-Participatory Development Knowledge Agency

📸 ອັບເດດບັນຍາກາດການຝຶກອົບຮົມ ຫົວຂໍ້: “ການເປັນຜູ້ອຳນວຍຄວາມສະດວກຊຸມຊົນ” ຂອງນ້ອງໆ ນັກພັດທະນາຊຸມຊົນແບບມີສ່ວນຮ່ວມ ຊຸດທີ 12 🌱

ການເປັນ “ຜູ້ອຳນວຍຄວາມສະດວກ” ແມ່ນອີກໜຶ່ງທັກສະສຳຄັນສຳລັບນັກພັດທະນາຊຸມຊົນ ເພາະການເຮັດວຽກກັບຊຸມຊົນ ແລະ ກຸ່ມເປົ້າໝາຍ ບໍ່ແມ່ນພຽງແຕ່ການໄປສອນ ຫຼື ບອກຂໍ້ມູນ ແຕ່ເປັນການຮັບຟັງ, ສ້າງການມີສ່ວນຮ່ວມ ແລະ ເປີດພື້ນທີ່ໃຫ້ທຸກຄົນໄດ້ຮ່ວມຄິດ ແລະ ຮ່ວມຕັດສິນໃຈ

ໃນການຝຶກຄັ້ງນີ້ ນ້ອງໆໄດ້ຝຶກທັກສະທີ່ສຳຄັນ ເຊັ່ນ
- ການສ້າງການມີສ່ວນຮ່ວມ
- ການຈັດກະບວນການຮຽນຮູ້
- ການເຮັດວຽກກັບຄົນທີ່ມີພື້ນຖານຄວາມຄິດທີ່ແຕກຕ່າງກັນ ແລະ ອື່ນໆ

ທັກສະເຫຼົ່ານີ້ ຈະຊ່ວຍໃຫ້ນ້ອງໆສາມາດເຂົ້າຫາຊຸມຊົນໄດ້ດີຂຶ້ນ, ສ້າງຄວາມໄວ້ວາງໃຈ ແລະ ສາມາດຮ່ວມກັບຊຸມຊົນໃນການຄົ້ນຫາແນວທາງພັດທະນາທີ່ເໝາະສົມໄດ້


#ສູນພັດທະນາການຮຽນຮູ້ແບບມີສ່ວນຮ່ວມ
#ນັກພັດທະນາຊຸມຊົນຊຸດ12

ສະບາຍດີປີໃໝ່ລາວ 🎉💦 ເນື່ອງໃນໂອກາດປີໃໝ່ລາວ ປະຈຳປີ 2026 ນີ້, ທີມງານ ສູນປາກກາ ພ້ອມກັບ ນັກພັດທະນາຊຸມຊົນ ແບບມີສ່ວນຮ່ວມ ຊຸດທີ 12 ຈັດພິທີບາສີສູ່ຂວັນ ເພື່ອສືບສານຮັກສາປະເພນີອັນດີງາມ ແລະ ເປັນການຮວບຮວມພະລັງໃຈ ສ້າງຄວາມອົບອຸ່ນ ແລະ ຄວາມສາມັກຄີໃນທີມງານ ພ້ອມທັງສົ່ງຄວາມປາຖະໜາດີໄປຍັງຄູ່ຮ່ວມງານ ແລະ ຊຸມຊົນທຸກພາກສ່ວນຂໍອວຍພອນໃຫ້ທຸກທ່ານ ແລະ ຄອບຄົວຈົ່ງມີແຕ່ຄວາມສຸກ ຄວາມສົມຫວັງ ສຸຂະພາບແຂງແຮງ ການງານກ້າວໜ້າ ປະສົບຜົນສຳເລັດ ແລະ ເຕັມໄປດ້ວຍໂຊກລາບ ແລະ ສິ່ງດີໆ ຕະຫຼອດປີໃໝ່ນີ້!

ພິທີບາສີສູ່ຂວັນ ເປັນອີກໜຶ່ງປະເພນີທີ່ສະທ້ອນເຖິງຄຸນຄ່າຂອງວັດທະນະທຳລາວ ທີ່ເນັ້ນໃຫ້ຄວາມສຳຄັນກັບການຮັກແພງ ການແບ່ງປັນ ແລະ ການອວຍພອນໃຫ້ແກ່ກັນ ເພື່ອເປັນສິລິມົງຄຸນໃນການເລີ່ມຕົ້ນປີໃໝ່.

——

Happy Lao New Year 🎉💦 On the occasion of Lao New Year 2026, PAKA team, together with the Participatory Community Development trainees (Batch 12), organized a Baci (Soukhouan) ceremony to preserve and celebrate this meaningful Lao tradition. This special moment brings people together to strengthen our spirit, create warmth, and build unity within the team, while also sending our best wishes to our partners and communities across all sectors. We would like to wish everyone and your families happiness, good health, success in your work, and fulfillment in all that you do. May this New Year be filled with good fortune, prosperity, and many positive opportunities throughout the year!

The Baci ceremony reflects the core values of Lao culture, love, sharing, and giving blessings to one another, bringing good luck and positivity as we begin the New Year together.