Economic information

ناامیدي د انسان د ژوند تر ټولو درنه شیبه ده. داسې وخت راځي چې هره دروازه تړلې ښکاري، هره هیله مړه شوې احساسېږي او راتلونکی له تیارو ډک ښکاري. انسان فکر کوي چې نور د مبارزې توان نه لري او د ژوند ټولې خوښۍ ترې لرې شوې دي. خو حقیقت دا دی چې ناامیدي د حقیقت انځور نه، بلکې د سختو حالاتو لنډمهاله احساس دی.

ژوند تل یو ډول نه وي. لکه څنګه چې شپه د تل لپاره نه پاتې کېږي او له هرې تیارې وروسته لمر راخېژي، همداسې د ژوند ستونزې هم تلپاتې نه وي. هغه کسان چې نن بریالي ښکاري، ډېری یې پرون له ناکامیو، اوښکو او سختیو سره مخ شوي وو. همدا ستونزې وې چې هغوی یې پیاوړي کړل او د بریا تر دروازې یې ورسول.

که نن دې زړه مات وي، که هیلې دې کمزورې شوې وي او که داسې احساس کوې چې هېڅوک دې نه درک کوي، بیا هم خپل باور مه بایله. هره اوښکه، هره ناکامي او هره سخته ورځ یو درس لري. صبر، هڅه او هیله هغه رڼا ده چې انسان له تیارو راوباسي.

هېڅکله ځان کمزوری مه ګڼئ. ته تر خپلو ستونزو ډېر پیاوړی یې. نننۍ سختۍ به سبا یوازې یوه خاطره وي، او هغه ورځې به راورسي چې د نن له صبر او مبارزې به ویاړې. نو تر ټولو سختو شېبو کې هم هیله ژوندۍ وساته، ځکه تر ټولو ښکلي بدلونونه ډېر وخت له تر ټولو سختو ورځو وروسته راځي.

دنګ چنار د ستورو له مداره پرېوت"
څښتن تعالی دې وبښي. 😭😭😭

د کانکور بریالیو ته د زړه له کومې مبارکي!

ټولو هغو زده‌کوونکو ته چې د کانکور په ازموینه کې بریالي شوي، د زړه له کومې مبارکي وایم. ستاسو دا بریا د زیار، هڅې او نه ستړې کېدونکې ارادې ښکاره بېلګه ده.

هیله ده چې په لوړو زده‌کړو کې هم همداسې بریاوې ترلاسه کړئ، خپل هېواد ته د علم، اخلاقو او خدمت بېلګه وګرځئ، او خپلې کورنۍ او ټولنې ته ویاړ ور وبښئ.

همدارنګه هغو کسانو ته چې سږکال بریالي نه شول، هیله له لاسه مه ورکوئ. ناکامي د پای مانا نه لري، بلکې د لا ډېرو هڅو او راتلونکې بریا لپاره یو نوی پیل دی.

بریا مو مبارک، راتلونکی مو روښانه!