CozmoSnacks

رنّينا عليكم و ضل يعطينا مشغول.. ليش؟ ؟
أنا بحكيلكم ليش..

-السلام عليكم.

-و عليكم السلام ورحمة الله اهلا وسهلا فيك.

-يعطيك العافية.

-الله يعافيك يا رب.. تفضل.

-فاتحين المطعم ؟!

- نعم فاتحين.. تفضل صديقي.

-اه لأنه قبل ساعة رنيت و كان التلفون مغلق!

-نعم صحيح لأنه بنفتح التلفون و بنبدأ إستلام أوردرات من الساعة 4 مساءً.
(مكتوب بالمنشور المثبت أعلى الصفحة كامل تفاصيل شغلنا من سنتين!)

- طيب قبل يومين رنيتلكم بعد ال 4 و برضه كان مغلق!!

- مزبوط ، لأنه الجمعة عطلة إلنا ، كاتبين بنظام شغلنا عالمنشور المثبت. تفضل صديقي!

- ممكن أطلب؟!!!
(لا انا فاتح التلفون أكنكن مع حضرتك)

- أكيد صديقي.. تفضل أأمر 😅

- شو بدك تطعمينا؟؟
(أكثر سؤال مستفز بالعالم 😂😂 يعني مطعم برغر شو بده يطعميك ؟ شمندرية بالجوز؟ ولا كافيار مع حلقات كاليماري؟! 🤣)

- صديقي احنا عنا أصناف برغر لحمة و برغر جاج ، بتقدر تشوفهم عالقائمة على صفحتنا..

- طيب انتا إحكيلي شو أزكى إشي ؟
(يلعن طمطم 😂)

-لحمة ولا جاج عبالك؟

-لحمة.

-خذ الرام بيف برغر، زاكية و عليها طلب..

- لا ما بدي رام بيف، اعطيني وحدة سموك ريد ميكس!
(بستدرج فيي تقول بدي أمشّي عليه الرام بيف البايت من مبارح 🤣🤣)

**و بتروح المكالمة 6 و 7 دقايق.. و الناس بترن بدها توصي و بتلاقي الخط مشغول
مهو لبين ما الأفندي يخلّص مقدّمة إبن خلدون و ينطق الجوهرة يوصينا 😂

دوامنا ببدأ من الساعة 4 مساءً إن شاء الله ❤️
* جماعة محور الكون.. المنشور للدعابة و تغيير الجو و لا يقصد فيه الإساءة لأي شخص، بنحبكم قد الدنيا 😁🥰

رقم 1 بمبيعات كوزموسناكس 🔥
سموك ريد ميكس برغر 😍