SASOL Solar Energy

هذا الجهاز راح ضحيه اليوم اثناء تجربه من التجارب الخطره...
فدوه الكم وخساره من جيبي ،واتعلمت منه معلومه واكتسبت خبره.
المهم بالمستقبل القريب من اصلحه راح انزل فيديو الاصلاح خطوه بخطوه مع طريقة الفحص العلميه ان شاء الله.

السلام عليكم ورحمة الله وبركاته....
الحمد لله اني عضو بالدعم التقني للعديد من الشركات المحترمه داخل العراق وراح انزل منشور بيه صور للكروبات اللي مشترك بيها...
اليوم اريد اراويكم صوره مع المهندس Lee من معمل Vami وهذا كان يعمل بمعمل كوسبور وبعدها طلع وسوه منتج Vami,هذه المحادثه بالضبط قبل سنه التقينه بشركة خيرات البحر وطلب رأيي بتعديل المنتج وكان قيد التصميم وطلبت منه اشياء بعضها طبقها وبعضها كال مكلفه منها حماية البطارية من عكس القطبيه واشياء ثانيه وطلبت منه التعديل على المنظم الشمسي لان اكو ثغرات ما عجبتني بالتصميم،اليوم منتج Vami دخل العراق وعندي واحد للمراجعه لكن راح تكون سريعه لان صديقي وسيم البروفيسور ما قصر وسواله كل الاختبارات.

🔴السلام عليكم ورحمة الله وبركاته.....
تجربة ال By pass:
اللي ما يعرف شنو ال By pass فبإختصار هو الاعتماد على الريلي الداخلي للانفيرتر للتحويل بين كهرباء الدوله والانفيرتر.
جربت 3 انفيرترات مختلفه لحد الان واحد بقدرة 8 كيلو واط والبقيه 12 كيلو واط،جربتهم على حمل 3.5-4 كيلو واط باستخدام سبلت 3 طن بيه كومبريسور(ضاغط) عادي ،التجربه كانت انه بالانفيرترات ال 3 فصلت الانفيرترات بسبب ال overload.
طبعا الانفيرترات بسبب حمايتها لم تتلف لذلك نصحت سابقا وارجع انصح اذا عندك احمال بيها ضواغط عاديه ركب ATS حتى تحافظ على الانفيرتر والجهاز نفسه.
وهذه المشكله تصير اسوء اذا المسافه بين الانفسرتر والاحمال طويله.
ملاحظه: الدين نصيحه وانا ما عندي ATS حتى ابيعه الك ولا شفت نوع معين من الانفيرترات يحل هذه المشكله حتى انصحك بيه وهذه تجارب عمليه ومصورها بالبيت لذلك نصيحه لوجه الله ركب ATS واذا شخص كال اني مركب by pass صار 5 سنوات فكلامه صح لكن اسأله مركب اجهزة تبريد طنين من النوع العادي؟ وكذلك اثناء التحويل راح تصير رجفه بماطور الثلاجه والمجمده اذا كان ضاغط نوع عادي مو انفيرتر واني مجرب اكثر من 20 شركة مختلفه مصنعه للانفيرترات.
شوكت استخدم ال by pass؟
اذا كانت اجهزتك كلها حديثه وفيها ضواغط انفيرتر ما عندك مشكله وتحتاج تكون احمالك محسوبه.