SST College - Ulhasnagar

(०९ जानेवारी २०१८) उल्हासनगर- पंतप्रधान नरेंद्र मोदी यांच्या डिजिटल इंडिया या महत्वाकांक्षी संकल्पनेअंतर्गत कॅशलेस अर्थव्यवस्थेला प्रोत्साहन देण्यासाठी उल्हासनगर टाऊन हॉल येथे भव्य मार्गदर्शन शिबीर आयोजित करण्यात आले होते. उल्हासनगर उपविभागीय अधिकारी, तहसीलदार उल्हासनगर,सिंधी कॉउंसिल ऑफ इंडिया आणि एसएसटी कला व वाणिज्य महाविद्यालय उल्हासनगर यांच्या संयुक्त विद्यमाने या भव्य कार्यक्रमाचे आयोजन करण्यात आले होते.
याप्रसंगी उल्हासनगर चे माजी आमदार कुमार आयलानी, तहसीलदार उत्तम कुंभार, एसएसटी महाविद्यालयाचे प्राचार्य डॉ. जे. सी. पुरस्वानी यांच्यासह प्रमुख वक्ता चंद्रशेखर ठाकूर इत्यादी मान्यवर उपस्थित होते. तसेच चंद्रशेखर ठाकूर यांनी उपस्थितांना पीपीटी प्रेझेंटेशनद्वारे सखोल मार्गदर्शन केले. त्याचप्रमाणे कॅशलेस अर्थव्यवस्था, डिजिटल इंडिया,ऑनलाईन व्यवहार आणि भिम ऍप इत्यादींबद्दलही व्याख्यान देण्यात आले. तसेच उल्हासनगर मध्ये कॅशलेस व्यवहारांना प्रोत्साहन देण्याऱ्या एसएसटी महाविद्यालयातील विद्यार्थ्यांचा सन्मानही करण्यात आला. राष्ट्रगीताने कार्यक्रमाची सांगता करण्यात आली. त्यांनंतर विद्यार्थ्यांना अल्पोहर देण्यात आला.