Pratima Publications

डॉ. बाबासाहेब आंबेडकरांच्या सतत पुनर्रचनाशील तत्त्वज्ञानातून एक इहवादी आणि विज्ञानस्वभावी विश्वसंस्कृती वेचून डॉ. यशवंत मनोहरांनी एक प्रवाही संस्कृतिसंविधान उभे केले आहे. या संस्कृतीला संपूर्ण जगाच्याच माणूसपणाचा तेजःपुंज चेहरा आहे. मानवी जीवनाच्या उन्नयनशील अस्तित्वाचे महासत्य असे या संस्कृतीचे चारित्र्य आहे. सतत उगवणारे जीवन जगू इच्छिणारांना हे महासत्यच जीवन म्हणून स्वीकारावे लागेल.
बाबासाहेबांच्या संस्कृतीचा बोधिवृक्ष दुःखांनी जळत्या संपूर्ण दुनियेच्या माथ्यावर मुक्तीची सावली घेऊन उभा आहे. विषमतेच्या आणि शोषणाच्या सर्वच कारस्थानांना संस्कृती म्हणणाऱ्या सर्व प्रथा या संस्कृतिसिद्धान्ताने मोडीत काढल्या आहेत. बाबासाहेबांचा हा पूर्ण इहवादी संस्कृतीचा महाप्रकल्प जगात अप्रतिमही आहे आणि अपूर्वही आहे. डॉ. मनोहरांच्या या पुस्तकामुळे बाबासाहेबांचे नव्या क्रांतिसंस्कृतीचे शिल्पकारपण जगापुढे प्रथमच येत आहे.
हा संस्कृतिसिद्धान्त बाबासाहेबांची अनन्य महत्ता जगापुढे मांडतो आहे. कारण या सिद्धान्ताने जाती, धर्म, वर्ग यांच्या अतीत पूर्णतः निरामय माणसाची आणि माणसांमधील सर्वहितैषी संबंधांची नवी रचना दुनियेला दिलेली आहे.हा संस्कृतिसिद्धान्त माणसाला दुनियेचा एकमेव सर्वेसर्वा मानतो. त्याच्या प्रकाशमार्गात येणाऱ्या अंधाराच्या सर्व प्रकारांचे निर्मूलन करतो. अत्तदीप माणसाची संस्कृती दुनियेला देणाऱ्या बाबासाहेबांच्या महाप्रज्ञेशी भेटायचे असेल त्यांच्यासाठी हे पुस्तक पासवर्ड ठरेल.

नवसंस्कृतीचे जनक डॉ. बाबासाहेब आंबेडकर
डॉ. यशवंत मनोहर
प्रतिमा पब्लिकेशन्स
पृष्ठ संख्या 227
किंमत 300
संपर्क : 097644 87272

यशवंत मनोहर यांचे बुद्धिवादी सौंदर्याचे संविधान हे पुस्तक म्हणजे सौंदर्याला आमूलाग्र क्रांती मानणारे महाकथन ! मानवी बुद्धीला पोपट करणारे चिद्वादासकट इतरही सर्वच पिंजरे नष्ट केल्यानंतरच असे सौंदर्य उगवते.

जीवनाला आणि साहित्याला नवनव्याने अन्वर्थक आणि जगण्यायोग्य करणारी सौंदर्यमूल्ये एकजीवच असतात. विद्रूपातीत प्रतिभाच असे सौंदर्य निर्मू शकतात. सौंदर्याचे हे तत्त्वज्ञान शाबीत करणाऱ्या कथनांनाच तत्त्वज्ञान म्हणता येते.

मानवी जीवनाच्याही आणि साहित्याच्याही प्रस्तुत सौंदर्यासाठी 'बुद्धिवादी सौंदर्याचे संविधान' हे पुस्तक 'सौंदर्य' या संकल्पनेची नव्याने व्याख्या करायला लावील.

बुद्धिवादी सौंदर्याचे संविधान
डॉ. यशवंत मनोहर
प्रतिमा पब्लिकेशन्स
संपर्क : 097644 87272
मुखपृष्ठ : रविमुकुल
किंमत : 1000/-