Nitin Chavan

22/01/2026

सासवड येथे पुरंदर उपविभागीय अधिकारी श्रीमती वर्षा लांडगे मॅडम पुरंदर तहसीलदार विक्रम राजपूत नायब तहसीलदार संदीप पाटील मंडल अधिकारी सुहास कांबळे व जय भैरवनाथ सामाजिक सेवाभावी संस्था व भैरव क्रांती सेना संस्थापक अध्यक्ष मा. विजय जाधव यांच्या नेतृत्वाखाली भटक्या-विमुक्त समाजासाठी जात प्रमाणपत्र व शिधापत्रिका अर्ज भरण्याचा उपक्रम संपन्न

जय भैरवनाथ सामाजिक सेवाभावी संस्था व भैरव क्रांती सेना यांच्या संयुक्त विद्यमाने संस्थापक अध्यक्ष मा. विजय जाधव यांच्या नेतृत्वाखाली व पुरंदर उपविभागीय अधिकारी मा वर्षा लांडगे मॅडम पुरंदर तहसीलदार विक्रम राजपूत माहित तहसीलदार संदीप पाटील सासवड मंडल अधिकारी सुहास कांबळे सासवड तलाठी श्री फरांदे यांच्या मार्गदर्शनाखाली सासवड येथील डॉ. बाबासाहेब आंबेडकर भवन येथे भटक्या-विमुक्त समाजातील नागरिकांसाठी जात प्रमाणपत्र व शिधापत्रिका (रेशन कार्ड) या विषयावर सविस्तर चर्चा तसेच अर्ज भरण्याचा उपक्रम यशस्वीरीत्या संपन्न झाला.
या उपक्रमामध्ये भटक्या-विमुक्त समाजातील १९ जातींच्या नागरिकांना जात प्रमाणपत्र व शिधापत्रिका मिळविण्याची प्रक्रिया, आवश्यक कागदपत्रे तसेच शासकीय नियमांची सविस्तर माहिती देण्यात आली. नागरिकांचे प्रत्यक्ष अर्ज भरून घेण्यात आले.

या कार्यक्रमास मंडल अधिकारी तसेच सासवड येथील तलाठी उपस्थित होते. त्यांनी उपस्थित नागरिकांच्या अडचणी जाणून घेत योग्य मार्गदर्शन केले व शासकीय पातळीवर आवश्यक सहकार्य करण्याचे आश्वासन दिले.

जय भैरवनाथ सामाजिक सेवाभावी संस्था व भैरव क्रांती सेना यांच्या वतीने राबविण्यात आलेल्या या उपक्रमामुळे भटक्या-विमुक्त समाजातील नागरिकांना शासकीय दाखले व विविध योजनांचा लाभ मिळण्यास मोठी मदत होणार असून उपस्थित नागरिकांनी या उपक्रमाचे स्वागत केले.

भटक्या-विमुक्त व वंचित समाजाच्या हक्कांसाठी व न्यायासाठी भविष्यातही अशा प्रकारचे लोकहिताचे उपक्रम सातत्याने राबविण्यात येतील, असे मत यावेळी संस्थापक अध्यक्ष मा. विजय जाधव यांनी व्यक्त केले.

यावेळी भैरव क्रांती सेनेचे राज्याचे प्रवक्ते नितीन चव्हाण प्रदेश सरचिटणीस गंगाराम शेगर दत्ता शिंदे संघटक मोहन शिंदे नंदीवाला समाजाचे नेते राणू शिंदे तात्या जाधव काशी कापडी समाजाचे नेते किशोर शिंदे जोशी समाजाचे नेते संजय गोंडे ज्येष्ठ मार्गदर्शक शिवाजी चव्हाण कार्यालय सचिव दिनेश गवळी बहुरूपी समाजाचे इरेश भारत आदी मान्यवर पदाधिकारी उपस्थित होते.

सहसंपादक - मोहन भीमराव शिंदे
भैरव क्रांती सेना
विजय जाधव

12/12/2025

पुरंदर तालुक्यातील वनपुरी–पंचक्रोशी परिसरात बिबट्याचे दर्शन🐆

प्रतिनिधि -
पुरंदर तालुक्यातील वनपुरी व पंचक्रोशी परिसरात बिबट्याचे दर्शन झाल्याची माहिती मिळाली आहे. विशेष म्हणजे लंकेश महामुनी यांचे वडील सकाळी शेतात गहू भिजवण्यासाठी गेले असताना त्यांना बिबट्याचे प्रत्यक्ष दर्शन झाले, अशी माहिती समोर आली आहे.

अचानक बिबट्या समोर आल्याने त्यांनी तत्काळ गावात ही माहिती दिली. यामुळे परिसरात दक्षता वाढवण्यात आली आहे.

घटनेनंतर वनविभागाच्या पथकाने तत्काळ घटनास्थळी धाव घेत परिसरात पिंजरे लावणे, हालचालींचा मागोवा घेणे आणि तपासणी करण्याचे काम सुरू केले आहे. कुंभारवळण हद्दीतही बिबट्याचे दर्शन झाल्याचे नागरिकांनी सांगितले आहे.

शेतकरी वर्गात खबरदारीचे वातावरण असून दिवसा शेतीला पाणी देण्यासाठी वीजपुरवठा सुरू करावा, अशी मागणीही नागरिकांकडून केली जात आहे.

वनविभागाकडून बिबट्याचा शोध सुरू असून हालचाल दिसताच तातडीने कळवण्याचे आवाहन नागरिकांना करण्यात आले आहे.

प्रतिनिधी : कालिदास उबाळे
Kalidas Ubale News Loknayak Sagar Davari

28/11/2025

जेजुरी येथे संविधान दिन मोठ्या उत्साहात साजरा

भव्य भीमरत्न पुरस्कार वितरण सोहळ्यात मान्यवरांचा सन्मान

जेजुरी :
येथील संविधान दिन अत्यंत उत्साहात आणि गौरवपूर्ण वातावरणात साजरा करण्यात आला. या निमित्ताने विविध क्षेत्रातील उल्लेखनीय कार्य करणाऱ्या मान्यवरांना संविधान व भीमरत्न पुरस्कार देऊन सन्मानित करण्यात आले.

हा भव्य पुरस्कार वितरण सोहळा 2025 व 76 वा संविधान दिन वर्धापन दिनानिमित्त आयोजित करण्यात आला होता. पुरस्कार वितरणाचा मान डॉ. यल्लप्पा साहेब जाधव (वैद्यकीय अधीक्षक, ससून रुग्णालय, पुणे) यांच्या हस्ते पार पडला.

कार्यक्रमास प्रमुख पाहुणे म्हणून डॉ. नारायण टाकसर आणि मुनीमजी शर्मा (संपादक, दैनिक भास्कर) उपस्थित होते. कार्यक्रमाचे अध्यक्ष राष्ट्रपती पुरस्कार विजेते प्राचार्य नंदकुमार सागर होते.

भीमरत्न विचारमंच यांच्या वतीने आयोजित या सोहळ्यास मार्गदर्शक म्हणून गौतमशेठ भीमराव भालेराव यांनी मार्गदर्शन केले.

कार्यकरणी अध्यक्ष आयु. कुलदीप जाधव, संस्थापक/सचिव आयु. पंढरीनाथ बा. जाधव, उपाध्यक्ष आयु. चक्रधर सोनवणे, शशिकांत भालेराव (खजिनदार), पंचशिला खैरे, बबन भोसले, नागनाथ झगडे, बळीराम सोनवणे (तालुकाध्यक्ष, रिपब्लिकन पार्टी ऑफ इंडिया (आठवले), पुरंदर) आणि कालिदास उबाळे (कार्याध्यक्ष, रिपाइं आठवले, पुरंदर) आदी सदस्य उपस्थित होते.

कार्यक्रमाच्या यशस्वी आयोजनाबद्दल उपस्थित सर्व मान्यवरांचे गौतमशेठ भीमराव भालेराव यांच्या वतीने आभार मानण्यात आले.

प्रतिनिधी : कालिदास उबाळे

News Loknayak
Kalidas Ubale
Uday Bagav

Claim ownership or report listing

Want your business to be the top-listed Media Company in Pune?
Click here to claim your Sponsored Listing.

Website

https://jagruklokmatsamachar.blogspot.com/

Address

Pune
412301

Nitin Chavan

Share

Category

Website

Address