Tajinder Rana

ਇਹ ਸਫ਼ਰ ਹਰ ਉਸ ਇਨਸਾਨ ਦਾ ਹੈ ਜੋ ਪੰਜਾਬ ਵਿੱਚ ਇਮਾਨਦਾਰ ਬਦਲਾਅ ਦੀ ਉਮੀਦ ਰੱਖਦਾ ਹੈ। ਕਰੋੜਾਂ ਲੋਕਾਂ ਦੇ ਪਿਆਰ, ਵਿਸ਼ਵਾਸ ਅਤੇ ਅਸੀਸਾਂ ਨੇ ਸਾਨੂੰ ਮਜ਼ਬੂਤ ਬਣਾਇਆ ਹੈ। ਜਦੋਂ ਜੜ੍ਹਾਂ ਲੋਕਾਂ ਦੇ ਭਰੋਸੇ ਨਾਲ ਸਿੰਜੀਆਂ ਹੋਣ, ਤਾਂ ਵੱਡੇ ਤੋਂ ਵੱਡਾ ਤੂਫ਼ਾਨ ਵੀ ਕੁਝ ਨਹੀਂ ਵਿਗਾੜ ਸਕਦਾ। ਲੋਕਾਂ ਦੇ ਵਿਸ਼ਵਾਸ ਦਾ ਇਹ ਕਾਫ਼ਲਾ ਹੁਣ ਹੋਰ ਮਜ਼ਬੂਤੀ ਨਾਲ ਅੱਗੇ ਵੱਧ ਰਿਹਾ ਹੈ..

ਗੁਰੂਆਂ-ਪੀਰਾਂ ਦੀ ਬਖ਼ਸ਼ੀ ਹੋਈ, ਸੋਨੇ ਵਰਗੀ ਉਪਜਾਊ ਮਿੱਟੀ ਅਤੇ ਮਿਹਨਤੀ ਲੋਕਾਂ ਵਾਲੀ ਪੰਜਾਬ ਦੀ ਧਰਤੀ ਦੁਨੀਆ ਦੀ ਕਿਸੇ ਵੀ ਧਰਤੀ ਨਾਲੋਂ ਘੱਟ ਨਹੀਂ। ਆਪਣੀ ਮਿੱਟੀ ਨਾਲ ਜੁੜ ਕੇ ਮਾਣ ਨਾਲ ਕਿਰਤ ਕਰੋ। ਤੁਹਾਡੀ ਆਪਣੀ ਸਰਕਾਰ ਨੌਕਰੀਆਂ, ਰੁਜ਼ਗਾਰ ਅਤੇ ਲੋਕ-ਭਲਾਈ ਦੀਆਂ ਸੁਵਿਧਾਵਾਂ ਰਾਹੀਂ ਪੰਜਾਬ ਨੂੰ ਮੁੜ ਖੁਸ਼ਹਾਲ ਤੇ ਰੰਗਲਾ ਬਣਾਉਣ ਲਈ ਦਿਨ-ਰਾਤ ਕੰਮ ਕਰ ਰਹੀ ਹੈ।

ਜਦੋਂ ਵੀ ਦੇਸ਼ 'ਤੇ ਸੰਕਟ ਆਇਆ, ਪੰਜਾਬ ਹਮੇਸ਼ਾ ਹਿੱਕ ਤਾਣ ਕੇ ਅੱਗੇ ਖੜ੍ਹਿਆ ਹੈ। ਹਰੀ ਕ੍ਰਾਂਤੀ ਨਾਲ ਦੇਸ਼ ਦਾ ਢਿੱਡ ਭਰਨ ਵਾਲਾ ਅਤੇ ਆਜ਼ਾਦੀ ਲਈ ਸਭ ਤੋਂ ਵੱਧ ਕੁਰਬਾਨੀਆਂ ਦੇਣ ਵਾਲਾ ਪੰਜਾਬ ਕਦੇ ਵੀ ਝੁਕਿਆ ਨਹੀਂ। ਦੇਸ਼ ਲਈ ਜਾਨ ਵਾਰਨ ਵਾਲੇ ਯੋਧਿਆਂ ਦੀ ਇਸ ਧਰਤੀ 'ਤੇ ਸਾਨੂੰ ਮਾਣ ਹੈ। ਸਾਡਾ 'ਰੰਗਲਾ ਪੰਜਾਬ' ਹਮੇਸ਼ਾ ਹੱਸਦਾ-ਵੱਸਦਾ ਰਹੇ।
ਇਨਕਲਾਬ ਜ਼ਿੰਦਾਬਾਦ!

ਦੁਨੀਆ ਦੀ ਅਸਲ ਬਾਦਸ਼ਾਹੀ ਉਨ੍ਹਾਂ ਲੋਕਾਂ ਕੋਲ ਹੈ, ਜੋ ਦੂਜਿਆਂ ਲਈ ਜਿਊਂਦੇ ਹਨ.. ਧੋਖੇ ਨਾਲ ਲੁੱਟਣ ਵਾਲਿਆਂ ਦਾ ਅੰਤ ਹਮੇਸ਼ਾ ਬੁਰਾ ਹੀ ਹੁੰਦਾ ਹੈ.. ਸਾਡਾ ਪੰਜਾਬ ਗੁਰੂਆਂ, ਪੀਰਾਂ ਤੇ ਫ਼ਕੀਰਾਂ ਦੀ ਧਰਤੀ ਹੈ, ਆਓ ਸੱਚ ਦੇ ਰਾਹ 'ਤੇ ਚੱਲਦਿਆਂ ਹਮੇਸ਼ਾ ਬੇਸਹਾਰਿਆਂ ਦਾ ਸਹਾਰਾ ਤੇ ਬੇਆਸਰਿਆਂ ਦਾ ਆਸਰਾ ਬਣੀਏ, ਇਹੀ ਸਾਡੀ ਅਸਲ ਦੇਸ਼-ਸੇਵਾ ਅਤੇ ਸੱਚਾ ਧਰਮ ਹੈ..

ਜਦੋਂ ਤੁਹਾਡੇ ਧੀਆਂ-ਪੁੱਤਰ ਇਮਤਿਹਾਨਾਂ ਵਿੱਚ ਮੱਲਾਂ ਮਾਰਦੇ ਹਨ, ਤਾਂ 'ਰੰਗਲੇ ਪੰਜਾਬ' ਦਾ ਸੁਪਨਾ ਸੱਚ ਹੁੰਦਾ ਦਿਖਾਈ ਦਿੰਦਾ ਹੈ.. ਤੁਹਾਡੀ ਸਰਕਾਰ ਦਾ ਟੀਚਾ ਇੱਕ ਅਜਿਹੀ ਸਿੱਖਿਅਤ ਕੌਮ ਸਿਰਜਣਾ ਹੈ, ਜੋ ਵਿਸ਼ਵ ਪੱਧਰ 'ਤੇ ਮਾਪਿਆਂ ਅਤੇ ਸੂਬੇ ਦਾ ਨਾਮ ਰੌਸ਼ਨ ਕਰੇ.. ਇਹ ਸਿੱਖਿਆ ਕ੍ਰਾਂਤੀ ਆਉਣ ਵਾਲੀਆਂ ਨਸਲਾਂ ਲਈ ਰਾਹ ਦਸੇਰਾ ਬਣੇਗੀ..

ਬੱਚਿਆਂ ਦਾ ਮਨ ਕੱਚੀ ਮਿੱਟੀ ਵਾਂਗ ਹੁੰਦਾ ਹੈ, ਜਿਸ ਨੂੰ ਜਿਵੇਂ ਚਾਹੀਏ ਉਸੇ ਰੂਪ ਵਿੱਚ ਢਾਲਿਆ ਜਾ ਸਕਦਾ ਹੈ। ਅਧਿਆਪਕ ਹੋਣ ਦੇ ਨਾਤੇ ਤੁਹਾਡੀ ਜ਼ਿੰਮੇਵਾਰੀ ਹੈ ਕਿ ਬੱਚਿਆਂ ਨੂੰ ਮਿਆਰੀ ਸਿੱਖਿਆ ਦੇ ਨਾਲ-ਨਾਲ ਸਹੀ ਦਿਸ਼ਾ ਵੀ ਦਿਓ। ਅਸੀਂ ਆਪਣੀ ਸਰਕਾਰ ਰਾਹੀਂ ਬੱਚਿਆਂ ਦੇ ਚੰਗੇ ਭਵਿੱਖ ਲਈ ਨੌਕਰੀਆਂ ਅਤੇ ਰੁਜ਼ਗਾਰ ਦੇ ਬੇਅੰਤ ਮੌਕੇ ਖੋਲ੍ਹੇ ਹਨ, ਤਾਂ ਜੋ ਉਹ ਆਪਣੀ ਕਾਬਲੀਅਤ ਦੇ ਬਲਬੂਤੇ ਜ਼ਿੰਦਗੀ ਵਿੱਚ ਅੱਗੇ ਵੱਧ ਸਕਣ।