Revive Club
Share
Our Motto is to make sure that no one's left out. Pioneered by KMCT College of Engineering 2004-08 batch.
29/08/2019
പ്രളയബാധിതര്ക്ക് കൈത്താങ്ങാവാന് Revive Club പ്രവര്ത്തകരും കൈകോര്ത്തു.
കഴിഞ്ഞതവണത്തെ മഹാപ്രളയസമയത്ത് KMCT College of Engineering 2004-2008 ബാച്ചിലെ പൂര്വ്വ വിദ്യാര്ത്ഥികള് ഉള്പ്പെട്ട ഒരു whatsapp ഗ്രൂപ്പില് നടന്ന ചര്ച്ചയുടെ ഫലമായി സഹജീവികളെ ഞങ്ങളാല് കഴിയുന്ന വിധത്തില് സഹായിക്കാന് വേണ്ടി ധനസമാഹരണം നടത്തി. രണ്ടു ലക്ഷത്തിലധികം രൂപ ചെറിയ സമയം കൊണ്ട് സംഘടിപ്പിച്ച് ദുരിതാശ്വാസക്യാമ്പുകളിലും അതിനുശേഷമുള്ള അതിജീവനപ്രവര്ത്തനങ്ങളിലും സഹായം എത്തിച്ചിരുന്നു. ഈ പ്രവര്ത്തനത്തിന് ഒരു തുടര്ച്ച വേണമെന്ന ലക്ഷ്യത്തോടെയാണ് Revive Club എന്ന പേരില് ഒരു കൂട്ടായ്മ രൂപീകരിച്ചത്. ഈ കൂട്ടായ്മ നിലനിര്ത്താനും അതുവഴി ജീവകാരുണ്യപ്രവര്ത്തനങ്ങളിലൂടെ സമൂഹത്തില് ഞങ്ങളാല് കഴിയുന്ന ഇടപെടലുകള് നടത്താനുമാണ് ഉദ്ദേശിക്കുന്നത്.
കേരളത്തില് രണ്ടാം വര്ഷവും പ്രകൃതി ദുരന്തം നേരിടേണ്ടി വന്നത് വളരെ ആശങ്കാജനകമായ ഒന്നായിരുന്നു. പ്രളയവും പേമാരിയും ഉരുള്പൊട്ടലും ബാധിച്ച് വലിയ നാശനഷ്ടങ്ങളും ആളപായവും ഉണ്ടായി. ജീവഹാനി പോലുള്ള നഷ്ടങ്ങള് നികത്താനാവില്ലെങ്കിലും മറ്റെല്ലാവിധത്തിലും ദുരന്തത്തിന്റെ വ്യാപ്തി കുറക്കുന്നതില് കേരളം ഒറ്റക്കെട്ടായി നിന്നു. ഓരോ ഘട്ടത്തിലും സഹജീവികളോടുള്ള സ്നേഹവും കരുതലും എടുത്തുകാണിക്കുന്ന ഒട്ടനവധി പ്രതികരണങ്ങളായിരുന്നു പലരുടെയും ഭാഗത്തുനിന്നുണ്ടായത്. സ്വന്തം കടയില് കച്ചവടത്തിനായി വച്ചിട്ടുള്ള തുണികള് മൊത്തം കൊടുത്തവരും, മുഖ്യമന്ത്രിയുടെ ദുരിതാശ്വാസനിധിയിലേക്ക് സ്വന്തമായുള്ള സ്ഥലത്തിന്റെ പകുതി കൊടുത്തവരും, സ്വന്തം കുട്ടിയുടെ കരള് മാറ്റിവയ്ക്കുന്നതിലേക്കുള്ള പണം കൊടുത്ത അമ്മമാരും, സമ്പാദ്യമായുണ്ടായിരുന്ന നാണയതുട്ടുകള് കൊടുത്ത കുട്ടികളും, ഒരു മാസത്തെ വരുമാനം കൊടുത്തവരും, അങ്ങനെ പറഞ്ഞതീരാത്ത അത്രയും ആളുകളുടെ നന്മ നമുക്ക് കാണാന് കഴിഞ്ഞു. മല്സ്യത്തൊഴിലാളികളും, ഗവണ്മെന്റ് ഉദ്യോഗസ്ഥരും, പോലീസും, ഫയര് ഫോഴ്സും, ദുരന്തനിവാരണസേനയും, വനപാലകരും, KSEB ജീവനക്കാരും വിവിധ സംഘടനകളും സന്നദ്ധപ്രവര്ത്തകരും, യുവജനങ്ങളും തുടങ്ങീ നാനാവിധത്തില്പ്പെട്ട ആളുകള് ചേര്ന്ന് ദുരന്തത്തില് നിന്ന് കരകയറ്റാന് അക്ഷീണം പ്രവര്ത്തിച്ചു.
ഇത്തവണത്തെ പ്രളയത്തില് ശാരദാമന്ദിരം KM-കോളനി നിവാസികള്ക്ക്(നല്ലളം, കോഴിക്കോട്) വലിയ ദുരിതമാണുണ്ടായത്.
വളരെ പാവപ്പെട്ട കുടുംബങ്ങള് അധിവസിക്കുന്ന പ്രദേശത്തിനടുത്താണ് കോഴിക്കോട് കോര്പറേഷനിലെ മാലിന്യം മൊത്തം നിക്ഷേപിക്കുന്നതും സംസ്കരിക്കുന്നതും. ഞെളിയന് പറമ്പില് നിന്ന് മലിനജലം മുഴുവന് കുത്തിയൊലിച്ച് വന്ന് ഈ ഭാഗത്തുള്ള വീടുകളിലെ വസ്ത്രങ്ങളും വീട്ടുപകരണങ്ങളും മുഴുവന് ഉപയോഗശൂന്യമായ അവസ്ഥയിലായിരുന്നു. രക്ഷാപ്രവര്ത്തനത്തിലും തുടര്ന്നുള്ള ശുചീകരണപ്രവര്ത്തനങ്ങളിലും, അതീജീവനം എല്ലാവര്ക്കും ഉറപ്പു വരുത്തുന്നതിലും വോയിസ് ഓഫ് ശാരദാമന്ദിരം എന്ന കൂട്ടായ്മ വളരെ വ്യക്തമായ ഏകോപനമാണ് നടത്തിയത്. വ്യക്തികളില് നിന്നും, സംഘടനകള് മുഖേനയും, സ്ഥാപനങ്ങളില് നിന്നും സഹായങ്ങള് ഉറപ്പുവരുത്താന് നടത്തിയ ഇടപെടലുകള് പ്രദേശവാസികള്ക്ക് വലിയ അനുഗ്രഹമായി.
കോഴിക്കോടിന്റെ സ്വന്തം കലക്ടര് ബ്രോ പ്രശാന്ത് സാറിന്റെ(മുന് കളക്ടര്) FB പോസ്റ്റാണ് ഞങ്ങളിലേക്ക് ഈ വാര്ത്ത എത്തിച്ചത്. പ്രദേശവാസിയായ ക്വിസ് മാസ്റ്റര് സ്നേഹജ് ശ്രീനിവാസ് സാര് വഴിയാണ് വോയ്സ് ഓഫ് ശാരദാമന്ദിരം എന്ന കൂട്ടായ്മയുടെ പ്രവര്ത്തകരെ സമീപിച്ചത്. അവരില് നിന്ന് പ്രദേശത്തെ ജനങ്ങളുടെ ഇപ്പോഴത്തെ അവസ്ഥയും അവിടേക്ക് ആവശ്യമുള്ള സാധനങ്ങളുടെ വിവരങ്ങളും ലഭിച്ചു. വോയിസ് ഓഫ് ശാരദാമന്ദിരത്തിന്റെ പ്രവര്ത്തകര് ആവശ്യപ്പെട്ട പ്രകാരം 150 ബെഡ്ഷീറ്റുകളാണ് Revive Club വാങ്ങിനല്കിയത്.
ബെഡുകളുടെയും ബെഡ്ഷീറ്റുകളുടെയും വിതരണത്തിന്റെ ഉല്ഘാടനം 25/08/2019ന്(ഞായറാഴ്ച) വൈകുന്നേരം ശാരദാമന്ദിരത്തിനടുത്ത് വച്ച് നടന്ന ചടങ്ങില് ബഹുമാനപ്പെട്ട MLA VKC മമ്മദ്കോയ നിര്വഹിച്ചു. ചടങ്ങില് വോയിസ് ഓഫ് ശാരദാമന്ദിരത്തിന്റെ ഭാരവാഹികളായ നജീബ്, ഫിറോസ്, റിവൈവ് ക്ലബ്ബിന്റെ സെക്രട്ടറി ശ്രീനാഥ് കെപി, കൗണ്സിലര് PC രാജന്, FSSന്റെ പ്രസിഡന്റ് ക്യാപ്റ്റന് അശ്വിന്, ഡോ: ഹാഫിസ് മുഹമ്മദ്, പ്രൊഫസര് ഉമ്മര്ഫാറൂഖ്, തുടങ്ങിയവര് സംസാരിച്ചു. Revive Clubനുവേണ്ടി സെക്രട്ടറി ശ്രീനാഥ് കെപി പ്രസിഡന്റ് സാംസണ്ണി, ജോയിന്റ് സെക്രട്ടറി അരുണ് മനോഹര്, മറ്റു മെമ്പര്മാര് തുടങ്ങിയവര് ചടങ്ങില് സംബന്ധിച്ചു. FSS ന്റെയും റിവൈവ് ക്ലബ്ബിന്റെയും സഹായവിതരണം സംയുക്തമായാണ് ഈ ചടങ്ങില്വച്ച് നടത്തിയത്.
ഇതുപോലെ സമൂഹത്തിലെ നാനാതുറകളില്പെട്ട ആളുകള് ഒറ്റക്കെട്ടായി നിന്നാല് എത് ദുരന്തത്തെയും നമുക്ക് നേരിടാം. ഈ ഐക്യവും സാഹോദര്യവും എന്നും നിലനില്ക്കട്ടെ.💪♥
29/04/2019
The moments we Relived.
20/04/2019
KMCT College of Engineering-ലെ 2004-08 ബാച്ച് വിദ്യാർഥികളുടെ കൂട്ടായ്മയായ Revive Club-ന്റെ നേതൃത്വത്തിൽ, Relogin 2K19 എന്ന പേരില് കോളേജില് വച്ച് 13/04/2019 ശനിയാഴ്ച ഒരു get together പ്രോഗ്രാം നടത്തുകയുണ്ടായി. ക്ലാസ്മേറ്റ്സിന്റെയും പഴയകാല ടീച്ചേഴ്സിന്റെയും പങ്കാളിത്തം കൊണ്ട് ഏറെ ശ്രദ്ധേയമായിരുന്നു പ്രോഗ്രാം.
കേരളത്തെ പിടിച്ചുലച്ച മഹാപ്രളയ സമയത്തെ അതിജീവന പ്രവർത്തനങ്ങളിൽ പങ്കാളികളായ KMCTയിലെ 2004 ബാച്ചിലെ ഒരു കൂട്ടം പൂർവ്വ വിദ്യാര്ത്ഥികളുടെ മനസ്സിലുദിച്ച ആശയമായിരുന്നു ജീവകാരുണ്യ പ്രവർത്തനങ്ങൾക്കായി ഒരു കൂട്ടായ്മ തുടങ്ങുക എന്നത്. അന്ന് ചെറിയ സമയം കൊണ്ട് 2 ലക്ഷത്തിലധികം രൂപ സമാഹരിക്കുകയും, ക്യാമ്പുകളിലേക്കും, പ്രളയം ബാധിച്ച വീടുകളിലേക്കുമുള്ള സഹായങ്ങൾ എത്തിക്കുകയും ചെയ്തു. ഇനിയും ഇത്തരം ജീവകാരുണ്യ പ്രവർത്തനങ്ങൾ തുടർന്നു കൊണ്ട് പോകണമെന്ന ആഗ്രഹമാണ് Revive Cub എന്ന പേരില് ഒരു കൂട്ടായ്മക്ക് രൂപം കൊടുക്കാനുണ്ടായ കാരണമായത്.
2004ൽ KMCT കോളേജിൽ ജോയിൻ ചെയ്ത EC,AE,CS, IT എന്നീ ബ്രാഞ്ചുകളിൽ പഠിച്ചവരുടെ കൂട്ടായ്മയിൽ രൂപം കൊണ്ട Revive Club ഒരു മാസം കൊണ്ടാണ് Relogin 2K19 എന്ന പരിപാടിക്ക് വേണ്ടിയുള്ള പ്ലാനിംഗ് നടത്തിയത്. EC ബ്രാഞ്ചിലെ 84 പേരും CS,IT,AE ബ്രാഞ്ചുകളിലെ 24 പേരും രണ്ട് ക്ലാസുകളിലായി ആദ്യത്തെ രണ്ട് വര്ഷം ഒരുമിച്ചായിരുന്നു. അതേ ബന്ധം തന്നെ course കഴിയുന്നതു വരെയും പിന്നീട് Revive Club എന്ന ഈ കൂട്ടായ്മ രൂപീകരിക്കുന്ന ഘട്ടം വരെയും ഒറ്റക്കെട്ടായിട്ട് പോകുന്നു എന്നത് ഏറെ ആത്മവിശ്വാസം പകരുന്ന ഒരു കാര്യമാണ്.
പ്രോഗ്രാമിന്റെ ഉല്ഘാടനവും, Revive Clubന്റെ ലോഗോ ലോഞ്ചിംഗും, Cake കട്ടിംഗും, വീഡിയോ പ്രസന്റേഷനും, അനുഭവങ്ങള് പങ്കുവെക്കലും ഉള്പ്പടെ രാവിലെ മുതല് വൈകുന്നേരം വരെയുള്ള സെഷനായിരുന്നു നടന്നത്. പ്രോഗ്രാമിന്റെയും റിവൈവ് ക്ലബ്ബിന്റെയും ഔപചാരികമായ ഉല്ഘാടനം ബഹുമാനപ്പെട്ട പ്രിന്സിപ്പാള് രഞ്ജിത്ത് സാര് നിര്വ്വഹിച്ചു. ഇതുപോലുള്ള റീയുണിയനുകള് അത്യാവശ്യമാണെന്നും അതിന് പിന്നില് ജീവകാരുണ്യപ്രവര്ത്തനങ്ങള് കൂടി ചെയ്യാനായി ക്ലാസ്മേറ്റ്സിനെ എല്ലാവരെയും ഉള്പ്പെടുത്തിക്കൊണ്ട് Revive Club എന്നൊരു പ്ലാറ്റ്ഫോം രൂപീകരിച്ചത് ഈ കൂട്ടായ്മ ദീര്ഘകാലം മുന്നോട്ട് പോവാന് വലിയൊരു പ്രചോദനമാകുമെന്നും രഞ്ജിത്ത് സാര് അഭിപ്രായപ്പെട്ടു.
വൈസ് പ്രിന്സിപ്പാള് സാബിക് സാര്, HOD ജനാര്ദ്ദനന് സാര്, HOD സ്വരാദ് സാര് എന്നിവര് ആശംസയര്പ്പിച്ച് സംസാരിച്ചു. പ്രിയങ്ക അരുണ്മനോഹര് സ്വാഗതം പറഞ്ഞു, ചടങ്ങില് കണ്വീനര് ശ്രീനാഥ് കെപി അധ്യക്ഷനായി. Revive Club ന്റെ ഒഫീഷ്യല് ലോഗോ പ്രകാശനം HOD ജനാര്ദ്ദനന് സാര് നിര്വ്വഹിച്ചു. കോളേജിനടുത്തുള്ള ഒരു നിര്ധന കുടുംബത്തിനുള്ള സഹായവിതരണം സാബിക് സാര് നിര്വ്വഹിച്ചു. റിവൈവ് ക്ലബ്ബിന്റെ ചാരിറ്റി പ്രവര്ത്തനങ്ങളിലുള്ള തുടര്ച്ച ഞങ്ങളാല് കഴിയുന്നവിധത്തില് ഫലപ്രദമായി നടത്താന് കഴിയുമെന്ന് പ്രത്യാശിക്കുന്നു. ചടങ്ങില് ഷംസീര് അനീക്കല് ഔപചാരികമായി നന്ദി അറിയിച്ചു.
Teachers എല്ലാവരും ആശംസയര്പ്പിച്ച് സംസാരിച്ചു. Manu Sir, Biju Sir, Sumod Sir, Balan Sir, Nisar Sir, Gopan Sir, Ashraf Sir, Sandhya Mam, Sithara Mam, Sameera Mam, Sisily mam എന്നീ teachers വന്നിരുന്നു. പഴയകാലത്തെ രസകരമായ പല ഓര്മ്മകളും പങ്കുവച്ചു. അതുപോലെതന്നെ ക്ലാസ്മേറ്റ്സ് എല്ലാവരും കോളേജ് ജീവിതത്തിലെ മധുരസ്മരണകളും അനുഭവങ്ങളും പങ്കുവച്ചു. പ്രോഗ്രാമിനു വരാന് സാധിക്കാത്ത ഫ്രണ്ട്സിന്റെ ആശംസ അറിയിച്ചുകൊണ്ടുള്ള വീഡിയോസ് combine ചെയ്ത് പ്രദര്ശിപ്പിച്ചിരുന്നു. ഗ്രൂപ്പ് ഫോട്ടോ ആകര്ഷകമായ ഒരു ഘടകമായിരുന്നു. ഫാമിലി ഉള്പ്പെട്ട പ്രോഗ്രാം ആയിരുന്നെങ്കിലും വളരെ ചുരുക്കം ആളുകള് മാത്രമാണ് കുടുംബസമേതം വന്നത്. എല്ലാരും ചേര്ന്നുള്ള ഫോട്ടോ ആയപ്പൊ അത് കളര്ഫുള് ആയി. ഉച്ചഭക്ഷണം arrange ചെയ്തത് Cattering team വഴിയാണെങ്കിലും കാന്റീനില് വച്ചുതന്നെ കഴിക്കാന് കഴിഞ്ഞതും പഴയകാല ഓര്മ്മകളിലേക്കുള്ള ഒരു തിരിച്ചുപോക്കു കൂടിയായി.
നമ്മുടെ രണ്ട് ക്ലാസിലുമായി ഫസ്റ്റ് സെമസ്റ്റര് മുതല് എട്ടാമത്തെ സെമസ്റ്റര് വരെ പഠിപ്പിച്ച ഒരുവിധം ടീച്ചേഴ്സിനെയെല്ലാം ക്ഷണിച്ചിരുന്നു.(വളരെ ചുരുക്കം ചിലരുടെ contact number കിട്ടാത്ത ബുദ്ധിമുട്ട് ഉണ്ടായിരുന്നു). പലരും ഇത്രയും കാലത്തിന് ശേഷം ഓര്ത്തതു തന്നെ വലിയ സന്തോഷം പകരുന്ന കാര്യമാണെന്ന് അഭിപ്രായപ്പെട്ടു, വരാന് ഒരു നിര്വ്വാഹമില്ലാത്ത അവസ്ഥയുണ്ടായിരുന്നെങ്കിലും എല്ലാവിധ അനുഗ്രഹങ്ങളും ആശംസകളും അറിയിച്ചിരുന്നു. ഈ ഇവന്റിനു വേണ്ടി നേരിട്ട് വന്നും അല്ലാതെയും ഒരുപാട് support ചെയ്ത എല്ലാ അധ്യാപികാ അധ്യാപകര്ക്കും ഹൃദയംഗമമായ നന്ദി അറിയിക്കുന്നു.
നമ്മുടെ ക്ലാസ്മേറ്റ്സില് പലര്ക്കും ജോലി അല്ലെങ്കില് ഫാമിലി സംബന്ധമായ തിരക്കുകളും ലീവ് കിട്ടാനുള്ള ബുദ്ധിമുട്ടുകള് കൊണ്ടും പ്രോഗ്രാമിന് വരാന് സാധിച്ചില്ല. എന്നിരുന്നാലും ഈ പ്രോഗ്രാം വലിയ വിജയമാകാന് എല്ലാവരുടെയും ആശംസകളും, പ്രാര്ത്ഥനകളും, സപ്പോര്ട്ടും, അവരുടെ മനസും നമ്മളോടൊപ്പം ഉണ്ടായിരുന്നു. അടുത്ത തവണ എല്ലാവരെയും ഉള്പ്പെടുത്തിക്കൊണ്ട് ഇതിലും നന്നായിട്ടുള്ള ഒരു get together പ്രോഗ്രാം നടത്താന് നമുക്ക് ആത്മാര്ത്ഥമായി ശ്രമിക്കാം. Thank you all for the support.
Revive Club brings forth the much awaited and the big event Relogin 2K19.
Watch out for the gala Reunion of the year
Click here to claim your Sponsored Listing.
