CASA

ദീപികയുടെ എംഡി ഫാദർ മൈക്കിൾ വെട്ടിക്കാട്ട് പറഞ്ഞത് എത്ര സത്യം !

ആരെയും ഭയമില്ല, നിലപാടുകളിൽ അണു വ്യത്യാസമില്ലാതെ മുന്നോട്ടുപോകും എന്ന് അദ്ദേഹം പറഞ്ഞത് ശരിതന്നെയാണ് ........ ദീപിക പത്രത്തിന് ഒരു മാറ്റവും വന്നിട്ടില്ല !

ദേശീയപാതയിൽ കായംകുളത്ത് വച്ച് ഉണ്ടായ വാഹന അപകടത്തിൽ പരിക്കേറ്റ കൊല്ലം സ്വദേശിയായ ഐടി ജീവനക്കാരിയെ രക്ഷാപ്രവർത്തകന്റെ റോളിൽ എത്തിയ കായംകുളത്തെ വ്യാപാരി വ്യവസായി ഏകോപന സമിതിയുടെ കായംകുളം യൂണിറ്റ് പ്രസിഡന്റായ വ്യക്തി റോഡിൽ വീണു കിടന്ന യുവതിയെ എടുത്തു ഉയർത്താൻ ശ്രമിക്കുന്നതിനിടയിൽ ലൈംഗിക അതിക്രമം കാണിച്ചിരുന്നു .......ഹോസ്പിറ്റലിൽ എത്തിച്ച പെൺകുട്ടിയെ എക്സ്-റേ എടുക്കുന്നതിനായി വസ്ത്രം ഊരി മാറ്റിയപ്പോൾ മാറിടത്തിലെ പാടുകൾ ശ്രദ്ധിച്ച് ആശുപത്രി അധികൃതർ ആണ് വിവരം തിരക്കി റിപ്പോർട്ട് ചെയ്തത്.

ഈ സംഭവം കേരളത്തെ ഞെട്ടിച്ചത് മാത്രമല്ല മനസ്സാക്ഷിയുള്ള ഏതൊരാൾക്കും മാനക്കേടും ഉണ്ടാക്കിയതാണ് !

കേരളത്തിലെ എല്ലാ മാധ്യമങ്ങളും ഈ ക്രൂരമായ സംഭവത്തെ പ്രാധാന്യത്തോടെ തന്നെ വാർത്തയാക്കിയിരുന്നു മലയാള മനോരമയും ദേശാഭിമാനിയും ഉൾപ്പെടെ എല്ലാ പത്രങ്ങളും ദൃശ്യമാധ്യമങ്ങളും ഈ സംഭവത്തിലെ പ്രതിയായ സിനിൽ സവാദിന്റെ പേരു വാർത്തയിൽ നൽകിയിരുന്നു, പല മാധ്യമങ്ങളും ആ ക്രൂരന്റെ ചിത്രവും പുറത്തുവിട്ടിരുന്നു.

എന്നാൽ ഇന്ദിരാഗാന്ധിയുടെ മുന്നിൽ പോലും നെഞ്ചുവിരിച്ച് നിന്ന് പാരമ്പര്യമുള്ള നമ്മുടെ ക്രിസ്ത്യൻ സെക്കുലർ ദിനപത്രം ദീപിക തങ്ങൾ നൽകിയ വാർത്തയിൽ ആ നരാധമന്റെ പേര് മറച്ചുവെക്കുകയായിരുന്നു........ പ്രതി ഇസ്ലാം മതസ്ഥനും കോൺഗ്രസിന്റെ പോഷക സംഘടനയായ വ്യാപാരി വ്യവസായി ഏകോപന സമിതിയുടെ കായംകുളം യൂണിറ്റ് പ്രസിഡന്റും ആയതിനാലാവാം ദീപിക ആ നരാധമന്റെ പേര് മറച്ചുവെച്ചത് എന്നുവേണം കരുതുവാൻ.

ഇതു സംബന്ധിച്ച് ദീപികയിൽ വിളിച്ച് അന്നു തന്നെ അന്വേഷിച്ചപ്പോൾ എഡിറ്റോറിയൽ ബോർഡിൽ ഇരുന്ന മഹാന്റെ മറുപടി ഒത്തിരി വാർത്തകൾ കൊടുക്കുന്നതിനാൽ ശ്രദ്ധിച്ചില്ല എന്നതായിരുന്നു ....... ക്രിസ്ത്യൻ സമുദായത്തിനുള്ളിൽ ദീപിക പത്രം നിരവധി ആരോപണങ്ങൾ നേരിട്ടു ഒറ്റപ്പെട്ടു നിൽക്കുന്ന ഈ സമയത്ത് ഇതൊക്കെ ശ്രദ്ധിക്കേണ്ടതായിരുന്നില്ലേ എന്ന് ചോദിച്ചപ്പോൾ "പത്രം ഒക്കെയാണ് ചിലപ്പോൾ അങ്ങനെയൊക്കെ ഉണ്ടാകും" എന്നതായിരുന്നു മറുപടി.

ദീപിക തുടർന്നുവന്ന നിലപാടുകളിൽ നിന്നും വ്യതിചലിക്കാതെ മുന്നോട്ടുപോവുകയാണ് സുഹൃത്തുക്കളെ ........ മുന്നോട്ടു പോവുകയാണ് !