Bidur Rai Foundation

आज दिनाङ्क 27/03/2026 को दिन बिदुर राई फाउन्डेसनको पहल अनि कालेबुङ नगरपालिका प्रशासक श्री रवि प्रधानको सहयोगमा स्थानीय दलमान गाउँ, छोटा भालुखोपमा निर्माणाधीन पर्यटक स्थलमा भालुखोप सुधार समितिको एक टोलीद्वारा पनि श्रमदान गरियो। भालुखोप सुधार समिति भालुखोप क्षेत्रमा रहेको 13 वटा विभिन्न समाजहरुको छाता संगठन हो जसको गठन विगत 2017 मा भएको थियो।
समिति सभापति श्री किरण गुरुङको अगुवाईमा रहेको टोलीले भालुखोप क्षेत्रमा बनिन गइरहेको पर्यटक स्थलले क्षेत्रको विकास सगँ सँगै पहिचान पनि बनिने भएकोले यस महत्वपूर्ण कार्यमा समितिको पनि दायित्व रहनु पर्ने महशुस गर्दै श्रमदान गरिएको हो। आजको श्रमदान कार्यमा पर्यटन स्थल परिसरमा निर्माण भइरहेको पौडी खेल्ने पोखरीमा श्रमदाताहरुले आफ्नो योगदान दिएका थिए। बिदुर राई फाउन्डेसनको तर्फबाट सुधार समितिका सम्पूर्ण टोलीलाई आन्तरिक ह्रदयबाट आभार व्यक्त गर्न चाहन्छौं। आज पुर्याएको योगदान निश्चय नै भोलिको दिनमा इतिहासको पानामा स्वर्ण अक्षरले लेखिनेछ।
゚viralfollowersシ゚
Kalimpong Municipality
Bhalukhop Sudhar Samity, Kalimpong