FlyCalicut

കുവൈറ്റ് - കോഴിക്കോട് എയർ ഇന്ത്യ എക്സ്പ്രസിന്റെ നേരിട്ടുള്ള സർവീസ് ജൂലൈ 3 മുതൽ

കുവൈത്ത് സിറ്റി: നാല് മാസത്തിലേറെ നീണ്ട ഇടവേളക്ക് ശേഷം കുവൈറ്റിൽ നിന്ന് കോഴിക്കോട് അന്താരാഷ്ട്ര വിമാനത്താവളത്തിലേക്കുള്ള എയർ ഇന്ത്യ എക്സ്പ്രസിന്റെ നേരിട്ടുള്ള വിമാന സർവീസ് വീണ്ടും ആരംഭിക്കുന്നു. ജൂലൈ 3 മുതലാണ് സർവീസ് പുനരാരംഭിക്കുന്നത്.
കഴിഞ്ഞ ഫെബ്രുവരിയിൽ സർവീസ് താൽക്കാലികമായി നിർത്തിവെച്ച സർവീസ് ഇപ്പോൾ കുവൈറ്റ് അന്താരാഷ്ട്ര വിമാനത്താവളത്തിലെ ടെർമിനൽ 4-ൽ നിന്ന് വിദേശ വിമാനക്കമ്പനികൾക്ക് വീണ്ടും സർവീസ് നടത്താൻ അനുമതി ലഭിച്ചതോടെയാണ് കോഴിക്കോട് റൂട്ടും പുനരാരംഭിക്കുന്നത്.

ആദ്യഘട്ടത്തിൽ ബുധൻ, വെള്ളി, ഞായർ ദിവസങ്ങളിലായിരിക്കും സർവീസ്. നിലവിലെ സമയക്രമം പ്രകാരം കോഴിക്കോട് നിന്ന് പുലർച്ചെ 2:25-ന് പുറപ്പെടുന്ന വിമാനം രാവിലെ 4:50-ന് കുവൈറ്റിലെത്തും. മടക്കയാത്രയിൽ കുവൈറ്റിൽ നിന്ന് രാവിലെ 5:50-ന് പുറപ്പെടുന്ന വിമാനം ഉച്ചയ്ക്ക് 1:35-ന് കോഴിക്കോട് അന്താരാഷ്ട്ര വിമാനത്താവളത്തിലെത്തും.

സ്‌പൈസ് ജെറ്റ് കോഴിക്കോട് നിന്നുള്ള സർവീസ് പുനരാരംഭിച്ചു, കോഴിക്കോട് നിന്നും ദുബായിലേക്കുള്ള സർവീസാണ് പുനരാരംഭിച്ചത്.

മസ്‌കത്ത്-അബൂദബി റൂട്ടിലുള്ള ഒമാൻ എയറിന്റെ പ്രതിദിന സർവീസ് ജൂലൈ ഒമ്പത് മുതൽ ആരംഭിക്കുമെന്ന് അധികൃതർ.

ഒമാൻ എയറിന്റെ 49-ാം ലക്ഷ്യസ്ഥാനമാണ് അബൂദബി.
ജിസിസിയിലെ പത്താം ലക്ഷ്യസ്ഥാനവുമാണിത്. മേഖലയിൽ പ്രാദേശിക കണക്റ്റിവിറ്റി, ടൂറിസം, വ്യാപാരം, നിക്ഷേപം എന്നിവ വർധിപ്പിക്കുന്നതിന്റെ ഭാഗമായാണ് നടപടി.

ത്വാഇഫിലേക്ക് ഒമാൻ എയർ ഈ വർഷം ജനുവരിയിൽ സർവീസ് ആരംഭിച്ചിരുന്നു. സിംഗപ്പൂർ, താഷ്‌കന്റ്, സോച്ചി തുടങ്ങിയിടങ്ങളിലേക്ക് സർവീസ് പ്രഖ്യാപിച്ചിട്ടുമുണ്ട്.

ദുബൈ-സലാല റൂട്ടിൽ ആദ്യ ഡയറക്ട് സർവീസ് ജൂലൈയിൽ ആരംഭിക്കാനിരിക്കുകയാണ്.