KL63 News

ആവേശത്തിരയിളക്കി സാജു പോളിൻ്റെ പര്യടനം

ആവേശത്തിരയിളക്കി സാജു പോളിൻ്റെ പര്യടനം കാലടി പഞ്ചായത്തിൽ തുടങ്ങി. കത്തുന്ന വെയിലിനെ അവഗണിച്ച് നൂറ് കണക്കിന് ജനങളാണ് പാത പാതയോരങളിൽ സാജു പോളിനെ കാത്തു നിന്നത്. അങ്കമാലിയിൽ മാറ്റത്തിന് ജനങ്ങൾ ആഗ്രഹിക്കുന്നുവെന്നതിന് തെളിവായിരുന്നു കാലടി പഞ്ചായത്തിലെ ഓരോ സ്വീകരണ സ്വീകരണ കേന്ദ്രങ്ങളിലും തടിച്ച് കുടിയ ജനങ്ങൾ സാക്ഷാപ്പെടുത്തുന്നത്. ബൈക്കുകളുടെ അകമ്പടിയോടയായിരുന്നു സ്വീകരണ കേന്ദ്രങ്ങളിൽ നിന്നും സ്വീകരണ കേന്ദ്രങ്ങളിലേക്കുള്ള പര്യടനം. കാലടി പഞ്ചായത്തിലെ തോട്ടകം സ്നേഹ വേധിയിൽ തുടങ്ങിയ പര്യടനം കോൺഗ്രസ് സംസ്ഥാന സെക്രട്ടറിമാത്യൂസ് കോലഞ്ചേരി ഉദ്ഘാടനം ചെയ്തു. ബേബിക്കവല, പുളിയേലിപ്പടി, നെട്ടിനംപിള്ളി, മാണിക്കമംഗലം, മേക്കാലടി എന്നി സ്ഥലങ്ങളിൽ സ്വീകരണം ഏറ്റവാങ്ങി കാലടി ആശ്രമം കനാൽ റോഡിൽ സമാപിച്ചു.തുടർന്ന് വൈകീട്ട് അങ്കമാലി നഗരസഭയിലും പര്യടനം നടത്തി.

സാജു പോൾ ഇന്ന് നാമനിർദ്ദേശപത്രിക സമർപ്പിക്കും.

ഇന്ന് (മാർച്ച് 21) രാവിലെ 11 മണിയ്ക്ക് എൽ ഡി എഫ് സ്ഥാനാർഥി സാജു പോൾ സഹവരണാധികാരിയായ ആലുവ തഹസിൽദാർ മുമ്പാകെ നാമനിർദേശപത്രിക സമർപ്പിക്കും.
രാവിലെ കുറുപ്പംപടി വേങ്ങൂർ മാർ കൗമാ പള്ളിയിൽ പിതാവും മുൻ എം എൽ എ യുമായ പി ഐ പൗലോസിന്റെ കല്ലറയിൽ മെഴുകുതിരി കത്തിച്ച് പ്രാർത്ഥിച്ച ശേഷമാണ് അങ്കമാലിയിലെ തെരഞ്ഞെടുപ്പ് കമ്മിറ്റി ആഫീസിലേയ്ക്കും അവിടെനിന്ന് സഹപ്രവർത്തകരുമൊത്ത് ആലുവ സിവിൽ സ്റ്റേഷനിലേയ്ക്കും പുറപ്പെടുക

പോലീസിൻ്റെ കിഡ് ഗ്ലൗ പദ്ധതിക്ക് എറണാകുളം റൂറൽ ജില്ലയിൽ തുടക്കമായി.

സൈബർ രംഗത്തെ പതുങ്ങിയിരിക്കുന്ന ചതിക്കുഴികളിൽ വീഴാതിരിക്കാൻ കുട്ടികളെ പ്രാപ്തരാക്കുന്ന പോലീസിൻ്റെ കിഡ് ഗ്ലൗ പദ്ധതിക്ക് എറണാകുളം റൂറൽ ജില്ലയിൽ തുടക്കമായി. അങ്കമാലി വിശ്വജ്യോതി സ്ക്കൂളിൽ നടന്ന ചടങ്ങ് റൂറൽ ജില്ലാ പോലീസ് മേധാവി കെ.എസ് സുദർശൻ ഉദ്ഘാടനം ചെയ്തു. അഡീഷണൽ എസ്.പി വി.കെ രാജു മുഖ്യ പ്രഭാഷണം നടത്തി. കോഡിനേറ്റർ പി.എസ്.എം അഷറഫ് അധ്യക്ഷത വഹിച്ചു. സ്ക്കൂൾ അസോ: ഡയറക്ടർ ഫാദർ..എയ്ഞ്ചലോ ചക്കനാട്ട്, പ്രിൻസിപ്പാൾ റീനാ രാജേഷ്, വൈസ് പ്രിൻസിപ്പാൾ ഷാലി ജോസ് തുടങ്ങിയവർ പ്രസംഗിച്ചു. സൈബർ ഡോം എസ് .ഐ ഏ.ആർ ഷാജു, സൈബർ സെൽ എസ്.ഐ ബോബി കുര്യാക്കോസ്, അസി: സബ് ഇൻസ്പെക്ടർ പി.എം തൽഹത്ത് എന്നിവർ ക്ലാസുകൾ നയിച്ചു. ഒൺലൈൻ ഗെയിമുകൾ, സാമ്പത്തിക ഇടപാടുകൾ, സമൂഹമാധ്യമങ്ങളിലെ പ്രശ്നങ്ങൾ, തുടങ്ങിയവയെക്കുറിച്ച് വിദ്യാർത്ഥികൾക്ക് അവബോധം നൽകും. ഇതുവഴി നടക്കുന്ന തട്ടിപ്പുകൾ, സമൂഹമാധ്യമങ്ങൾ ഉപയോഗിക്കുമ്പോൾ ശ്രദ്ധിക്കേണ്ട കാര്യങ്ങൾ തുടങ്ങിയവയെക്കുറിച്ച് വിശദമായ ക്ലാസുകൾ നൽകും. സെമിനാറുകളും വീഡിയോ പ്രദർശനവും, ചർച്ചകളും ഇതിൻ്റെ ഭാഗമായി സംഘടിപ്പിക്കും. റൂറൽ ജില്ലയിലെ എല്ലാ സ്ക്കുളുകളിലേക്കും പദ്ധതി വ്യാപിപ്പിക്കും.