PKVM Vidyavinodini Library

*പി.കെ. വേലായുധൻ മെമ്മോറിയൽ വിദ്യാവിനോദിനി ലൈബ്രറി*
അശോകപുരം
ആലുവ

*വിദ്യാവിനോദി യിൽ വിജ്ഞാന - വിനോദയാത്ര സംഘടിപ്പിച്ചു*

ആലുവ, അശോകപുരം പി.കെ. വേലായുധൻ മെമ്മോറിയൽ വിദ്യാവിനോദിനി ലൈബ്രറിയുടേയും, ബാലവേദിയുടേയും സംയുക്ത ആഭിമുഖ്യത്തിലുള്ള വായനാകളരിയുടെ ഭാഗമായി വിജ്ഞാന- വിനോദ യാത്ര സംഘടിപ്പിച്ചു. കേരള സംഗീത നാടക അക്കാദമി മുൻ വൈസ് ചെയർമാൻ സേവ്യർ പുൽപ്പാട്ട് യാത്രയുടെ ഫ്ലാഗ് ഓഫ് നിർവ്വഹിച്ചു. ബാലസാഹിത്യകാരൻ ഷാജി മാലിപ്പാറ , താലൂക്ക് ലൈബ്രറി കൗൺസിൽ പ്രസിഡൻ്റ് എസ് എ . എം കമാൽ, ലൈബ്രറി പ്രസിഡൻ്റ് കെ.എ. ഷാജിമോൻ , ലൈബ്രറിയൻ പി. എൻ. പ്രഭാകരൻ, ബാലവേദി രക്ഷാധികാരി ടി .എ .സിന്ധു, ബാലവേദി പ്രസിഡൻ്റ് ദേവനന്ദ , സെക്രട്ടറി ഫർഹാൻ യൂസഫ് എന്നിവർ ചടങ്ങിൽ സംസാരിക്കുകയും, യാത്രക്ക് നേതൃത്വം നൽകുകയും ചെയ്തു.
എസ്.ഒ.എസ് കുട്ടികളുടെ ഗ്രാമം, തുമ്പിച്ചാൽ, വട്ടച്ചാൽ , ശ്രീനാരായണ ഗിരി എന്നീ സ്ഥലങ്ങളിലേക്കാണ് യാത്ര സംഘടിപ്പിച്ചത്.

എസ്. ഒ. എസ് കുട്ടികളുടെ ഗ്രാമത്തിൽ അസി. വില്ലേജ് ഡയറക്‌ടർമാരായ ജോഷി മാതു, കൗൺസിലർ സവിത . വി.എസ്. എന്നിവരുടെ നേതൃത്വത്തിലും, തുമ്പിച്ചാലിൽ താലൂക്ക് ലൈബ്രറി കൗൺസിൽ എക്സി. കമ്മിറ്റി അംഗം പി.ഐ. സമീരണൻ, അംബ്ദേക്കർ സ്മാരക വായനശാല ബാലവേദി ഭാരവാഹികൾ, ശ്രീനാരായണ ഗിരിയിൽ ലൈബ്രറിയൻ റിസാന ഫാത്തിമ, കമ്മിറ്റി അംഗം ലീന ചന്ദ്രൻ എന്നിവരുടെ നേതൃത്വത്തിൽ യാത്രയെ സ്വീകരിച്ചു.