Tabe sian hami admin di halaman on tuhita manang didia pe maringan. Ia molo halamon tabaen asa boi nian hita rap marpungu nang pe diingananna be, paihut-ihut barita, lagu, akka lawak, umpasa, umpama, dohot naasing dope na marlapatan di habatahonta. Dipangido roha nami asa anggiat nian boi hita marsipasingotan tung pe adong akka nahumurang. Tiroi hamu hamu amang inang asa lam tudengganna halaman on
di joloan niari. Dirohanami, godang do hita naung masihol tu radio tikki naujui. Songoni nang hami pe, masihol hian do anggo paimahon sadihari diputar amang/inang par radio lagu na mansai lomo hian roha umbegesa. Alani i, di halaman on boi mahita mangido lagu (manga-request) nanaeng si patupaton ta di reel manang video. Boi sian komentar dipasahat manang sian inbox pe boi do amang inang. Jala molo diparrohahon roha nami di tikki naparpudion, tung mansai godang do hita halak Batak naso boi be marhata Batak, mar umpasa, manang mar umpama. Didok roha nami, dang naboi sisolsolanta i. Alai sian hami patupahon do hera sada program na manungguli manang makkabarhon manang marsileanan nabinoto tarsingot tu bahasa Batak, songoni nang umpasa nang umpama. Harap roha nami asa lam diingot hita be tarlumobi naumposo akka hata nauli hata nadenggan, singot-singot na pinukka ni sijolo-jolo tubu. Jala songon parpunguan nabalga on, molo adong akka barita tarsingot bencana manang akka namasa namambaen lungun manang gale rohata. Boi ma dipasahat tu hami asa anggiat boi rappak hita sude manangianghon. Imajo naboi hupajojor hami songon napataddahon halamanta on. Tung adong akka pandapot namambangun, mansai las do roha nami. Mauliate. Mardangka ma baringin, di mual Pulo Batu,
Horas tondi madingin, horas pir tondi matogu
Tiur dalan bolusan, tio aek dapotan
Dapot ma na ni luluan, jumpang ma na jinalahan
