Moleghaf

Mouvman Libète, Egalite sou Chimen Fratènite tout Ayisyen (MOLEGHAF)

[email protected]

43, Riyèl Estimé, Fò Nasyonal

+55 21 99236-3118 / 3388-2326 / 4853-0423

Dimanch 26 Oktòb 2025

MOLEGHAF ap denonse ak tout fòs li nouvo agresyon enperyalis Etazini kont Venezwela. Nan tout total endepandans prezidan Nicolas Maduro, nou voye jete byen lwen nan fon labim nenpòt fòm entèvansyon militè, ekomonik, politik enperyalis Etazini nan peyi Venezwela, Kolonbi, Meksik ak nan tout Karayib la.

Prèske tout mond lan konstate deja, Etazini pa sispann mobilize gwo kantite fòs militè li yo pou anvayi Peyi nan Amerik latin, tankou Venezwela, Kolonbi, ak Karayib la, pi mal pase premye gè enperyalis yo nan dat 1914-1918. Men nan moman yo la, vrè sib yo se peyi ki kale youn nan pi gwo revolisyon pandan tout 20em syèk la, ki kontinye ap donnen, rasinen nan venn jenerasyon k ap vini yo, ki se Venezwela. Aprè bonbadman fòs lame Etazini yo te fè sou ti bato ki te gen plizyè venezwelyen ladann lan, prezidan sipremasis blan an, Donald Trump pa t ezite deklare yon deplwaman militè nan Karayib la, kote Washington fè voye anviwon 7 bato lagè nan lide swadizan pou konbat trafik dwòg. Mete sou sa, anpil move anons ta fè kwè genyen operasyon klandesten CIA, sou direksyon Prezidan Drakila Donald Trump nan tè kontinan amerik latin ak Karayib la. Mouche a akonpaye tout desizyon sa yo ak yon flonn sanksyon ekonomik, komesyal sou menm Peyi sa yo. Tout sa yo ap fèt nan lide pou deklanche gwo latwoublay ak vag mouvman pwotestasyon oubyen mobilizasyon nan mitan pèp yo kont Leta sosyalis k ap dirije peyi yo an, san gade tantativ pou sasinen prezidan ak pozisyon lagoch yo. Tout pèp nan peyi sa yo dwe kanpe kont tout dechènman awogan ak pwovokasyon enperyalis Etazini an sou otodetèminasyon ak souvrènte yo kòm nasyon.

An reyalite, agresyon enperyalis ameriken an manifeste pi dirèkteman nan Venezyela. Enperyalis ameriken an fè tout sa ki posib pou destabilize gouvènman Venezyela a. Li sipòte epi òganize fo pwoklamasyon yon fo prezidan, ki pa gen lejitimite klas ouvriyè ak pèp Venezyelyen an, avèk apwobasyon lòt ekstremis dwa ekstrèm nan rejyon an. Chak fwa administrasyon Trump la pran lidèchip Etazini, li ankouraje yon politik enpozisyon agrave pou deklanche yon vrè kriz ekonomik ak sosyal nan peyi a. Apre tout taktik rize yo te itilize pou detwi demokrasi popilè a lè yo te ranplase Maduro ak Juan Guaidó dwa ekstrèm nan, kounye a y ap deplwaye bato de gè nan zòn kotyè Venezyelyen yo, sou pretèks pou konbat trafik dwòg. Pou konprann sitiyasyon pèp Venezyelyen an ap fè fas, nou dwe retounen nan peryòd apre Dezyèm Gè Mondyal la, lè enperyalis ameriken an te mennen vrè lit li kont revolisyon nan Sovyetik la an 1991-92 ak kanpay swadizan lanmò kominis la (sa vle di, ke pa gen okenn altènativ a kapitalis) ke boujwazi a te mennen, avèk sipò refòmis atravè lemond. Se menm sitiyasyon kote enperyalis ameriken an ap konplote pou detwi tout chemen mouvman sosyalis yo te pran nan Amerik Latin nan ak Karayib la. Yo te sipòte ansyen prezidan ekstrèm dwat Bolsonaro kont Prezidan Lula, ak objektif pou fè yon koudeta. Yo te mete Prezidan Gustavo Petro nan yon pozisyon difisil nan plizyè okazyon, yo te atake Prezidan Claudia nan Meksik, e kounye a y ap atake sou tout fron pouvwa politik ki te sòti nan manifestasyon masif pèp Venezyelyen an.

Pozisyon nou nan MOLEGHAF se pou endepandans politik absoli nan tout rejyon Amerik Latin nan ak Karayib la. Yon endepandans politik ki pa kapitule oswa bese tèt devan represyon brital kapitalis la nan Venezyela. MOLEGHAF mande tout mouvman popilè, gochis ak anti-enperyalis pou yo kanpe an solidarite ak pèp Venezyelyen an e kont plan jenosid gouvènman ameriken an. Pèp Amerik Latin nan ak Karayib la dwe kontinye montre solidarite entènasyonal pou ankouraje mouvman reyèl kont entèferans Etazini.

Viv otodetèminasyon ak Souvrènte Pèp Venezwelyen an !
Viv Solidarite ant Pèp Amerik Latin ak Karayib la kont politik enperyalis Etazini an !

David Oxygène, sekretè jeneral MOLEGHAF

Mouvman Libète, Egalite sou Chimen Fratènite tout Ayisyen
(MOLEGHAF)

[email protected]
43, Riyèl Estimé, Fò Nasyonal
+55 21 99236-3118 / 3388-2326 / 4853-0423

Lendi 8 septanm 2025

Non ak agresyon enperyalis kont Venezuela!

Jou ki te 3 sektanm, gouvènman nò ameriken an asasinen 11 moun nan lanmè karayib nan yon atak
nan bato kont Venezuela. N ap repete menm pawòl prezidan N. Maduro a « Venezuela ap
kontinye rete debou, fèm ak lafwa inebranlab nan viktwa. Viv Venezuela! Aba enperyalis
ameriken!»

Moleghaf denonse agresyon Etazini kont yon peyi ki granmoun tèt li epi ki fè listwa nan ameriken
latin nan. Enperyalis ameriken kontinye ap voye bato gè nan espas lanmè Venezuela epi pwomèt
lòt pwovokasyon. San okenn prèv, enperyalis ameriken akise gouvènman bolivaryen "
Nakotrafikan e teworis" yon gwo manti pou jistifye politik gè nan Amerik latin ak karayib. Atake
Venezuela se atake ak tout Ameriken latin lan. Li pa posib pou nou defann souverènte Brasil san
nou pa defann dwa granmoun Venezuela. Lè enperyalis ameriken prepare yon envazyon kont
karakas, li menase non sèlman klas travayè venezelyen men tou tout oprime ki nan rejyon an.
Moleghaf pote tout sipò ak Prezindan Nicolás Maduro epi rete solidè ak politik prezidan Nicolas
Maduro a. Moleghaf denonse ak tout fòs li Tout agresyon enperyalis nan karayib ak amerik latin!
Sèl mobilizasyon popilè, pwogresis ak revolisyonè ki kapab brize pwovokasyon ak atak enperyalis
ameriken an.

Defann Venezuela se defann batay tout pèp oprime yo kont enperyalis la.

Aba agresyon enperyalis kont Venezuela!

David Oxygène, Sekretè Jeneral MOLEGHAF

Vandredi 4 avril 2025, Pòtoprens Ayiti.

Si chak segonn nan lavi nou dwe repete yon kantite enfini fwa, n ap kole nan etènite tankou Jezi Kris sou kwa a. Ide sa a se yon bagay ki tèrib. Nan mond retou etènèl la, chak jès pote pwa yon responsablite ki pa ka soutni. Milan Kundera, l’insoutenable légèreté de l’être

Nan dat 31 mas 2025, yon gwo pye mapou tonbe. Yon gadyen dwa moun. Yon avoka wòdpòte. Yon kanmarad nou. Yon kanmarad ki te toujou la pou MOLEGHAF.

Depi 2009, Mèt Mario Joseph pa t janm sispann manifeste volonte li pou rete kanpe djougan ak MOLEGHAF. Nou p ap janm bliye kouman tout avoka nan Bureau des Avocats Internationaux (BAI) sou demann kanmarad la te mete yo dispoze ak disponib pou travay sou liberasyon sekretè jeneral la David Oxygène. Akonpayman Bureau des Avocats Internationaux (BAI) ak kanmarad nou Domini Resain aprè esnaypè Aryèl Anri te vize fizye l pandan li te chita anlè lakay li. Nan batay viktim kolera, pou rive sou dosye fanmi viktim masak ak maltretans fizik k ap viv jounen jodia nan kan aprè Bandi Viv Ansanm te fin pouse yo, mete yo deyò lakay yo. San konte, fòmasyon Lekòl Boukman ak konferans deba nou konn abityèlman reyalize nan biwo a. Pou n site sa yo sèlman.

Kanmarad Mèt Mario Joseph te konprann kesyon dwa moun nan paka yon koze selektif. Li pa t wè Biwo a nan yon linèt privatizasyon. Chak jou ki te konn pase, li t ap gade kouman vanse ak kesyon dwa moun nan lit li t ap mennen yo. Se sa ki fè, li te fèmen je l nan mache tèt kole ak MOLEGHAF. Jan anpil lòt kanmarad renmen di l, BAI se te zafè pa MOLEGHAF, afòs Mèt Mario Joseph te toujou kanpe djanm ak nou.

Tout kanmarad MOLEGHAF wete chapo pou salouwe deplasman w. Pandan n ap pwofite swete fanmi w ak lòt zanmi pwòch ou yo Kondoleyans epi anpil kouraj.

David Oxygène, Sekretè jeneral MOLEGHAF