PJM-Construction

12 Janvye 2010-12Janvye 2025
Jodia gen moun kap jene, genyen kap jete dlo, genyen tou se gwo rityèl konsa genyen tou kap fete...

Deja 15 lane depi gwo tranbleman te sekwe tè peyi Dayiti epi te pote ale anpil frè ak sè nou ak yon elatriye viktim san nou bliye anpil byen materyèl... brèf
Kisa ki te lakòz tout dega sa yo? Kisa ki te dwe fèt ki pa fèt? Kesyon yo anpil ...

Aprè tranbleman te fin pase, se te yon opòtinite san parèy poun te relanse nou nan jan nap konstwi, se te yon opòtinite poun te rekonstwi Peyi a. Se te yon opòtinite poun te relanse nou sou plan sosyal, sou plan ekonomik...
Men malgre tout opòtinite sa yo, anyen pa fèt. Se te pito gagòt nan tout sans, se te pito kèk gwoup moun malonèt ki te pwofite fè bè yo, se te pito yon bann fo ONG ki te pwofite blanchi lajan. 15 lane aprè moun yo konstwi pi mal ke avan. 15 lane apre pa gen anyen ki di sou koze ibanizasyon. 15 lane aprè moun yo toujou refize bay teknisyen konpetan travay pou yo. tankou yo bliye si Ayiti se yon peyi a risk sismik . Kote Leta? Malgre tout risk sismik ki gen sou peyi Dayiti, yo pa ansenye nan lekòl yo ki konpòteman pou moun genyen lè jan de katastwòf sa yo. Gen legliz menm ki kontinye ap plonje moun yo nan inyorans di yo se akonplisman tan an. Akonplisman an se pou Ayiti li ye sèlman? E lòt kote tè a souke pifò yo, e ki pa anrejistre tout dega sa yo?
Eske se yon lòt katastwòf nap tann poun pran konsyans?
Antouka yon lòt tranbleman ta pase a menm mayitid la sou peyi a lap koze plis dega ke 12 Janvye 2010, dezole si se konsa m dil. ..
Ann pa rete nan basen inyorans la, pran konsyans ke se yon enperatif poun konstwi parasismik. Sispann bay Tipòl, Tipyè, Tijan konstwi paske nou pretann nap depanse mwens.
Siw pat konnen banm diw sa, byen konstwi se yon envestisman tande zanmim

Tranbleman tè pa yon fatalite, se nou ki pou byen konstwi

Jean Mitterrey PETION Ing.C

Kòman nou ye , zanmi ak fanatik PJM-Construction yo?
Alèt Siklòn an Ayiti
Jan nou tout konnenl depi premye jen jouk rive mwa novanm Ayiti anba menas siklòn, li esansyèl pou pran mezi ki nesesè pou asire sekirite ou ak sekirite pwòch ou. Siklòn twopikal yo ka lakoz gwo domaj nan kay, enfrastrikti ak lavi nap mennen chak jou. Se domaj dirijan nou yo pa fè okenn prevansyon pou sa men yap veye kilè kap genyen gwo dega pou yo deklare eta dijans pou gwo lajan debloke pou yo kontinye plen pòch yo.. brèf. Sepandan, lè'w enfòme epi swiv konsèy sa yo, ou ka pran devan nan pwoteje lavi ou ak lavi moun ou renmen yo.
Men kèk konsèy esansyèl pou ede w prepare epi fè fas ak sitiyasyon kritik sa a: (nan foto yo ki anbaaa )

Randevou pou yon nouvo nimewo, epi pa bliye pataje pòs la pou plis moun ka jwenn konsèy yo, epi yon lòt bò wap tou ankouraje travay nap fè a ak ti jès saa.



Jean Mitterrey PETION Ing. Civil

12 Janvye 2010-12Janvye 2023
Jodia gen moun kap jene, genyen kap jete dlo, genyen tou se gwo rityèl konsa genyen tou kap fete...
Deja 13 lane depi gwo tranbleman te sekwe tè peyi Dayiti epi te pote ale anpil frè ak sè nou ak yon elatriye viktim... brèf
Aprè tranbleman te fin pase, se te yon opòtinite san parèy poun te relanse nou nan jan nap konstwi, se te yon opòtinite poun te rekonstwi Peyi a. Se te yon opòtinite poun te relanse nou sou plan sosyal, sou plan ekonomik...
Men malgre tout opòtinite sa yo, anyen pa fèt. Se te pito gagòt nan tout sans, se te pito kèk gwoup moun malonèt ki te pwofite fè bè yo, se te pito yon bann fo ONG ki te pwofite blanchi lajan. 13 lane aprè moun yo konstwi pi mal ke avan. 13 lane apre pa gen anyen ki di sou koze ibanizasyon. 13 lane aprè moun yo toujou refize bay teknisyen konpetan travay pou yo. tankou yo bliye si Ayiti se yon peyi a risk sismik . Kote Leta? Malgre tout risk sismik ki gen sou peyi Dayiti, yo pa ansenye nan lekòl yo ki konpòteman pou moun genyen lè jan de katastwòf. Gen legliz menm ki kontinye ap plonje moun yo nan inyorans di yo se akonplisman tan an. Akonplisman an se pou Ayiti li ye slèman? E lòt kote tè a souke pifò yo, e ki pa anrejistre tout dega sa yo?
Eske se yon lòt katastwòf nap tann poun pran konsyans?
Antouka yon lòt tranbleman ta pase a menm mayitid la sou peyi a lap koze plis dega ke 12 Janvye. ..
Ann pa rete nan basen inyorans la, pran konsyans ke se yon enperatif poun konstwi parasismik. Sispann bay Tipòl, Tipyè, Tijan konstwi paske nou pretann nap depanse mwens.
Siw pat konnen banm diw sa, byen konstwi se yon envestisman tande zanmim

Jean Mitterrey PETION Ing. C

Pa ezite kontakte nou pou travay paw la