BDL construction

რემონტის ფასები საქართველოში (2026 წლის სრული გზამკვლევი)

აღიარე, რემონტის ხსენებაზე პირველი, რაც თავში მოგდის, დაუსრულებელი ხარჯები და ხელოსნებთან „ომია“. ყველას გვინდა, რომ ბინა მალე და ლამაზად მოეწყოს, მაგრამ სანამ ცემენტის პირველ ტომარას იყიდი, მთავარი კითხვა გაწუხებს: როგორია რემონტის ფასები დღეს და რეალურად რა დაგიჯდება ეს ყველაფერი?

2026 წლის ჩვენი გზამკვლევი სპეციალურად მათთვის შეიქმნა, ვისაც რემონტისთვის ზუსტი ფასები და მარტივი ინსტრუქციები სჭირდება. გთავაზობთ პრაქტიკულ რჩევებს იმისთვის, რომ რემონტი არა თავის ტკივილი, არამედ მარტივად სამართავი პროცესი იყოს.

ბინის რემონტის პროცესი და სამშენებლო მასალები
Photo by Rene Terp: https://www.pexels.com/photo/house-renovation-3990359/
განსაზღვრე რემონტის ტიპი

სანამ ფულს დათვლი, უნდა გადაწყვიტო, როგორი რემონტი გინდა. საქართველოში ფასები (ხელობა + მასალა) პირობითად ასე ნაწილდება:

ეკონომ რემონტი (500 – 650₾ კვ. მ.): სუფთა, მოწესრიგებული ბინა ზედმეტი ფუფუნების გარეშე. აქცენტი კეთდება პრაქტიკულ, ბიუჯეტურ მასალებზე.
სტანდარტული რემონტი (850 – 1100₾ კვ. მ.): ოქროს შუალედი. აქცენტი ხარისხიან ევროპულ მასალებსა და ელექტრობის მეტ წერტილზე კეთდება.
პრემიუმ რემონტი (1500₾-დან ზემოთ): ინტერიერის დიზაინერის მომსახურება, ბრენდული სანტექნიკა და რთული დეკორატიული ელემენტები.
შავი, თეთრი თუ მწვანე კარკასი – საიდან ვიწყებთ?

სანამ უშუალოდ რემონტის ფასს გამოითვლი, უნდა იცოდე, რა მდგომარეობაშია შენი ბინა. საქართველოში დეველოპერები სამ ძირითად კონდიციას გვთავაზობენ, რაც რემონტის ბიუჯეტს რადიკალურად ცვლის:

შავი კარკასი: ეს არის ბინის „ჩონჩხი“. დაგხვდება მხოლოდ გარე კედლები, კარ-ფანჯარა და ბინამდე შეყვანილი კომუნიკაციები (წყალი, დენი). აქ რემონტი ნულიდან იწყება – ტიხრების აშენებით, ლესვითა და გაყვანილობით. შესაბამისად, რემონტის ფასი აქ ყველაზე მაღალია.
თეთრი კარკასი: ყველაზე პოპულარული კონდიციაა. კედლები უკვე გალესილია, იატაკი მოჭიმულია (ე.წ. სტიაჟკა), ელექტრობა და სანტექნიკა კი წერტილებამდეა მიყვანილი. ბინაში მხოლოდ კოსმეტიკური სამუშაოების (კედლების „დაშპაკვლა“, გახეხვა, შეღებვა, იატაკის დაგება) შესრულებაა საჭირო.
მწვანე კარკასი: ეს არის „თეთრი კარკასი“, რომელსაც დამატებული აქვს გათბობის მილები და ზოგჯერ, კონდიცირების სისტემაც. რადგან ბინა თითქმის დასრულებულია, რემონტისთვის აქ ყველაზე ნაკლები დრო და ფინანსები დაგჭირდება.
რემონტის ფასები 50 კვ. მ. ბინის მაგალითზე

წარმოვიდგინოთ საშუალო 50 კვ.მ ბინა, რომელიც „თეთრი კარკასის“ მდგომარეობაშია. აი, როგორ გადანაწილდება ხარჯები:

ხარჯის ტიპი საშუალო ბიუჯეტი (₾)
შავი მასალა (ქვიშა, ცემენტი, გაჯი, წებო) 3,500 – 4,500 ₾
იატაკის საფარი (ლამინატი/პლინტუსი) 2,200 – 3,000 ₾
აბაზანის მოპირკეთება (ფილა/სანტექნიკა) 4,000 – 6,000 ₾
ელექტრობა (კაბელები, ჩამრთველები) 1,200 – 1,800 ₾
ხელოსნების ანაზღაურება 8,000 – 11,000 ₾
ჯამი (საშუალოდ) 18,900 – 26,300 ₾
რემონტის ფასები საქართველოში - გარემონტებული ბინა
Photo by Max Vakhtbovych: https://www.pexels.com/photo/stylish-living-room-in-light-apartment-5998120/
მასალების ფასები

ბიუჯეტის დათვლისას მნიშვნელოვანია ძირითადი მასალების მიმდინარე ფასების ცოდნა. გთავაზობთ ფასების მიმოხილვას ისეთი წამყვანი ჰიპერმარკეტების მიხედვით, როგორიცაა „გორგია“, „დომინო“ და „ციტადელი“:

ცემენტი (25 კგ): 10 – 12₾. (მაგალითად, ჰაიდელბერგის ცემენტი ბაზარზე დიდი ნდობით სარგებლობს).
გაჯი/სალესი ნარევი (25 კგ): 7 – 9₾.
წებოცემენტი (25 კგ): 12 – 18₾. (ამ მასალაზე ეკონომიას არ გირჩევთ: ხარისხიანი წებოცემენტი იმის გარანტიაა, რომ ფილა დროთა განმავლობაში იატაკს არ მოსცილდება).
თაბაშირ-მუყაო (გიფსო): 15.50 – 19.00₾.
იატაკის ლამინატი (კვ. მ.): 30 – 50₾. (ოპტიმალური არჩევანია 33-ე კლასი: ის გათვლილია მაღალ დატვირთვაზე და გაცილებით გამძლეა ნაკაწრების მიმართ).
გაითვალისწინე, რომ მასალების ხარისხი პირდაპირ აისახება იმაზე, თუ როგორი იქნება რემონტის საბოლოო ფასი.

ხელოსნების ტარიფები და რემონტის ფასი მომსახურების მიხედვით

ხელოსანი შენი რემონტის მთავარი გმირია (ან ანტიგმირი). აქ მოცემული საშუალო ფასები ხელოსნების ქართული პლატფორმებიდანაა აღებული:

იატაკის მოჭიმვა (სტიაჟკა): 12 – 15₾ (კვ.მ.)
კედლების ლესვა: 15 – 20₾ (კვ.მ.)
კაფელ-მეტლახის დაგება: 40 – 55₾ (კვ.მ.)
ელექტრობის წერტილი: 20 – 25₾ (1 წერტილი)
სანტექნიკის წერტილი: 90 – 110₾ (1 წერტილი)
სამღებრო სამუშაოები: 18 – 22₾ (კვ.მ.)
მეგობრული რჩევა: სანამ ხელოსანს თანხას გადაუხდი, აიღე თარაზო და კედლის კუთხეები შეამოწმე. ეს განსაკუთრებით მნიშვნელოვანია იქ, სადაც სამზარეულოს ავეჯი უნდა დამონტაჟდეს. თუ კუთხე ზუსტად 90-გრადუსიანი არ არის, კარადა კედელს მჭიდროდ ვერ მიეკვრება და დარჩენილი ღრიჭო მუდმივ დისკომფორტს შეგიქმნის.

რემონტის ფარული ხარჯები:

ბიუჯეტის დათვლისას აუცილებლად გაითვალისწინე ეს პუნქტები, რათა პროცესის შუაგულში უფულოდ არ დარჩე:

მასალების ატანა: თუ ლიფტი არ მუშაობს (ან მასალა ლიფტში არ ეტევა), სართულზე ატანა კილოგრამების მიხედვით იანგარიშება. 50 კვ.მ. ბინისთვის ხარჯი შეიძლება 300-500 ლარი იყოს.
ნაგვის გატანა: სარემონტო ნაგვის ტომრები, მუშები და სპეციალური მანქანის დაქირავება საშუალოდ 150-300₾ ჯდება ერთ გასვლაზე.
სახარჯი მასალები: ფუნჯები, ლილვაკები, წებოვანი ლენტები (სკოჩი), პარკები იატაკის დასაფარად – ჯამში ამ წვრილმანებზე შესაძლოა 300-500₾ დაიხარჯოს.
სარეზერვო ფონდი: ყოველთვის გადადე ბიუჯეტის 10-15% გაუთვალისწინებელი შემთხვევებისთვის.
სანამ რემონტს დაიწყებ – რა უნდა იცოდე კანონზე?

ნებართვები (tas.ge): თუ მზიდი კედლის გამოკლებას, ფანჯრის ფორმის შეცვლას ან აივნის შემოერთებას აპირებ, ნებართვის გარეშე არ დაიწყო! მერიის ჯარიმები ბევრად ძვირი დაგიჯდება.
ხმაურის კანონი: ხმაურიანი სამუშაოები დასაშვებია 08:00-დან 23:00-მდე, თუმცა ამ დროსაც ზღვარი 35 დეციბელია. რადგან რემონტის ხმა ნორმას ხშირად აჭარბებს, პირველივე დარღვევაზე ფიზიკური პირი 150 ლარით დაჯარიმდება (გაფრთხილების გარეშე). საუკეთესო გამოსავალი მეზობლებთან წინასწარი შეთანხმება და ეთიკის დაცვაა.
ნაგვის ჩაყრა: სამშენებლო ნაგვის ჩვეულებრივ ბუნკერში ჩაყრა აკრძალულია და მკაცრად კონტროლდება.
რემონტის კალენდარი

რემონტისას ერთ-ერთი ყველაზე დიდი შეცდომა სამუშაოების არასწორი თანმიმდევრობაა. არ შეიძლება შპალერი გააკრა, როცა იატაკი ჯერ კიდევ სველია.

ეტაპი სამუშაო ხანგრძლივობა (საშუალოდ)
I ეტაპი დემონტაჟი, შიდა ტიხრების მოწყობა და გარე ფანჯრების ჩასმა (მნიშვნელოვანი გაფრთხილება: სანამ კედლის დანგრევას გადაწყვეტ, აუცილებლად დაადგინე, არის თუ არა ის მზიდი კონსტრუქცია. შიდა ტიხრების გადაადგილება ნებადართულია, თუმცა, მზიდ კედლებში ჩარევა სპეციალური პროექტისა და მერიის ნებართვის გარეშე კანონით ისჯება და საფრთხეს უქმნის შენს უსაფრთხოებას). 1 – 2 კვირა
II ეტაპი ელექტრობა და სანტექნიკის გაყვანა 1 – 2 კვირა
III ეტაპი კედლების ლესვა და იატაკის მოჭიმვა (სტიაჟკა) 2 – 4 კვირა (გაშრობის ჩათვლით)
IV ეტაპი სამღებრო სამუშაოები (შპაკლი) 2 – 3 კვირა
V ეტაპი კაფელ-მეტლახის დაგება 1 – 2 კვირა
VI ეტაპი სამალიარო სამუშაოები, იატაკის დაგება და შიდა კარების მონტაჟი 1 – 2 კვირა
7. რემონტის ოქროს წესები

ელექტრობა: სანამ კედლებს გაბურღავენ, ზუსტად განსაზღვრე, სად დადგამ საწოლს, ტელევიზორსა თუ სამუშაო მაგიდას. „ზედმეტი“ შტეფსელი არ არსებობს, დამაგრძელებლების ხვეულები კი ინტერიერსაც აფუჭებს და მოუხერხებელიცაა.
წყლისგან დაცვა (ჰიდროიზოლაცია): სველ წერტილებში ხარისხიან იზოლაციაზე თანხა არასდროს დაზოგო. ეს ყველაზე საიმედო საშუალებაა, რომ მეზობელი დატბორვას გადაარჩინო, საკუთარი თავი კი – ფილების აყრისა და მოულოდნელი ხარჯებისგან.
მრავალფეროვანი განათება: მხოლოდ ოთახის შუაგულში დაკიდებული ჭაღი საკმარისი არ არის. გამოიყენე კედლის სანათი, იატაკის სანათი ან წერტილოვანი განათება – ეს სივრცეს მეტ მყუდროებასა და ფუნქციურობას შესძენს.
მართი კუთხეების კონტროლი: განსაკუთრებული ყურადღება მიაქციე კუთხეებს იქ, სადაც ჩასაშენებელი ავეჯი უნდა დადგეს. თუ კუთხე ზუსტად 90-გრადუსიანი არ არის, კარადასა და კედელს შორის ღრიჭოები დარჩება.
მასალების მარაგი: ფილა თუ ლამინატი ყოველთვის 10%-ით მეტი იყიდე. სხვადასხვა პარტიის ფილები ფერით ხშირად განსხვავდება, მერე კი იმავე ტონის პოვნა რთულია.

Photo by Max Vakhtbovych on Pexels Download this photo by Max Vakhtbovych for free on Pexels

https://www.instagram.com/bdl_georgia?igsh=MXd1b3h1YWJxdmdoaQ%3D%3D&utm_source=qr. add our page

Propertydealer Bdl Georgia (@bdl_georgia) • Instagram photos and videos 40 Followers, 13 Following, 11 Posts - See Instagram photos and videos from Propertydealer Bdl Georgia ()

✨ როდესაც ხარისხი თავად ლაპარაკობს! ✨

კლასიკური, მდიდრული სტილით შესრულებული ინტერიერი, სადაც ყოველი დეტალი ელეგანტურობას ასხივებს.
ოქროსფერი მოლდინგები, მარმარილოს ელემენტები და ბაროკოს სტილის ავეჯი ქმნის სამეფო ატმოსფეროს, რომელიც დროთაგამძლე სილამაზეს ასახავს. 👑

ეს უნიკალური რემონტი შესრულებულია BDL Georgia-ს მიერ — 5 წლის წინ შექმნილი ნამუშევარი, რომელიც დღემდე ინარჩუნებს პირვანდელ ბრწყინვალებას.

BDL Georgia x Crowne Plaza Mziuri Gardens
BDL Georgia — Crowne Plaza მახინჯაურის ოფიციალური პარტნიორი და პროექტის არქიტექტორი.
ჩვენს პორტფოლიოში შედის კიდევ ერთი პრემიუმ დონის სასტუმრო ნომერი — 30 მ² აპარტამენტი ცალკე საძინებლით, რომელიც აერთიანებს საერთაშორისო სტანდარტებს, ფუნქციურ დიზაინს და მაღალი დონის ესთეტიკას.

ეს არის ინვესტიცია, რომელიც აერთიანებს ბრენდულ სერვისს, კომფორტს და სანდო პარტნიორობას.

რატომ BDL Georgia?

სრული გამჭვირვალობა – ნულოვანი სიურპრიზები.
ჩვენთან თითოეული ეტაპი ხილულია — ემიგრანტებს შეუძლიათ ონლაინ რეჟიმში, პირდაპირ ეთერში ადევნონ თვალი რემონტის პროცესს.

ეტაპობრივი გადახდა – სრული კონტროლი ბიუჯეტზე.
გადახდა ხდება ეტაპობრივად, წინასწარ გაწერილი სამუშაო გრაფიკის შესაბამისად.

დიზაინერული ხედვა – მაქსიმალური სივრცის ათვისება.
ჩვენი დიზაინერები ზრუნავენ თითოეულ დეტალზე — ისე, რომ ბინა იყოს არა მხოლოდ ესთეტური, არამედ ფუნქციურად გამართული და სივრცით ოპტიმიზებული.

1-წლიანი გარანტია რემონტზე – ჩვენი პასუხისმგებლობა ხარისხზე.
ჩვენ ვდგავართ ჩვენს სამუშაოზე. ყოველი შესრულებული რემონტი მოყვება წერილობითი 12-თვიანი გარანტია, რაც დამატებით ამყარებს ნდობას და სტაბილურობას.

BDL Georgia — ინოვაციური მიდგომა, ევროპული სტანდარტები და შედეგზე ორიენტირებული პარტნიორობა.

მოგესალმებით,

BDL Georgia არის სარემონტო კომპანია, რომელიც წარმატებით საქმიანობს ბათუმსა და ქობულეთში. ჩვენი გამოცდილება წლების განმავლობაში დაგროვდა და ასახულია შესრულებული პროექტების ხარისხში.

ჩვენი გუნდი აერთიანებს პროფესიონალებს სხვადასხვა სფეროდან — ამერიკელი ინტერიერის დიზაინერი, უკრაინელი მხატვარ-მალიარები, და სხვა მაღალი კვალიფიკაციის მქონე სპეციალისტები.
ჩვენ ვმუშაობთ პროფესიული სტანდარტების შესაბამისად და ვამაყობთ იმით, რომ თითოეულ პროექტში ხარისხი და ესთეტიკა წამყვანი მნიშვნელობის მატარებელია.

ჩვენი მიზანია — სივრცეები გავხადოთ ფუნქციური, დახვეწილი და სრულად მორგებული თითოეული კლიენტის საჭიროებებზე.