HRnet

ხუთი მიზეზი, რომელთა გამოც რეზიუმეებს იწუნებენ:

1. პოზიციისთვის შეუსაბამო შინაარსი - ცოდნა, უნარები, სიტყვების შემოკლება, ჟარგონების გამოყენება, გრამატიკულად გაუმართავი სიტყვები და წინადადებები

2. ინფორმაციის ვრცლად გადმოცემა - სამუშაო, რომელიც არაფერს ამბობს თქვენს შესაძლებლობებზე ან კურსები/ტრენინგები, რომლებიც კონკრეტულ ვაკანსიასთან არაფერ კავშირშია

3. შესაძლებლობების გადაჭარბებულად შეფასება - ბევრი ზედსართავი სახელი, ყურადღება გაამახვილეთ მიღწევებზე, ფაქტებზე და არა იმაზე, რასაც თქვენი აზრით შეძლებთ

4. გადატვირთული, ზედმეტად გაფორმებული რეზიუმე - ფერადი ფურცლები, ეფექტები, განსხვავებული შრიფტი, შეუსაბამო ფოტო

5. დეტალების გამოტოვება - მაგალითად, წლების, ქრონოლოგიის არევა. დაიწყეთ გამოცდილების ჩამოთვლა ახლიდან ძველისკენ და არა პირიქით.
#რეზიუმე #დასაქმება #შეცდომები #კანდიდატები

რას ითხოვენ დამსაქმებლები??🤔

დამსაქმებლის მხრიდან მოთხოვნილი უნარები შეგვიძლია რამდენიმე კატეგორიად დავყოთ, პოზიციების შესაბამისად:

❗️პირველ კატეგორია - შაბლონური უნარები. პრიორიტეტული მოთხოვნები დამსაქმებლის მხრიდან ხშირად არის ისეთი ზოგადი უნარები, როგორიცაა: #კომუნიკაცია, #პასუხისმგებლობის მაღალი გრძნობა,
#პუნქტუალობა, #გუნდური მუშაობის უნარი, გამართული #ვერბალური/არავერბალური კომუნიკაცია, რაც ყველა პოზიციისთვის მნიშვნელოვანია და სხვადასხვა განცხადების ტექსტში ეს ჩამონათვალი თითქმის არ იცვლება.

‼️მეორე კატეგორიის უნარებში, რომელსაც უფრო მენეჯერულ პოზიციებს შევუსაბამებთ, მნიშვნელოვანია ისეთები, როგორიცაა: #ორგანიზებულობა, #დროის სწორად გადანაწილება, #დაგეგმვის უნარი, #ლოგიკური და #ანალიტიკური აზროვნების უნარი, სწორი #თვითპრეზენტაცია .

⁉️ ამ პიროვნულ უნარებთან ერთად, აუცილებელია აღვნიშნოთ სხვა კატეგორიის უნარ-ჩვევები როგორიცაა #კომპიუტერული პროგრამების და უცხო #ენების ცოდნა და გამართული #რეზიუმეს შედგენა.
ტექნოლოგიურ ეპოქაში არაა გასაკვირი ამ მოთხოვნის წამოყენება კანდიდატისადმი, ამიტომ კომპიუტერული პროგრამები თითქმის ყველა პოზიციაზე მოითხოვება. განსხვავებული მოთხოვნებია უკვე კონკრეტული ვაკანსიის მიხედვით, ცოდნის დონესთან დაკავშირებით.
რაც შეეხება უცხო ენების ცოდნას, ეს უმეტეს შემთხვევაში მოთხოვნაა, თუმცა, გააჩნია პოზიციას. არის პოზიციები, სადაც შეიძლება ენის ცოდნას ყურადღება არ მივაქციოთ, მაგალითად, თუ გვჭირდება ბუღალტერი არა საერთაშორისო კომპანიისთვის. მომსახურების სფეროში, რა თქმა უნდა, მნიშვნელოვანი მოთხოვნაა სასაუბრო დონეზე მაინც ენების ცოდნა. რაც შეეხება იმას, კონკრეტულად რა ენები მოითხოვება, ესენია პირველ რიგში ინგლისური და რუსული, გააჩნია კომპანიას რა მიმართულებით მუშაობს, რომელი ქვეყნიდან ჰყავს პარტნიორები და ა.შ.

#დამსაქმებლები #კანდიდატები #უნარები