Spring Alpha

နွေဦးဟာ … ပြင်းရှစွာ နာကျဥ်ခံစားမှုများကြားမှ … ခိုင်မာတဲ့ သံန္နဌာန်ချခဲ့ပါတယ်။

“ငါတို့ထိခိုက်နာကျဥ်ခံစားမှုမျိုး ....
နောက်မျိုးဆက်တို့ လုံးဝ မခံစားစေရဘူး …
ဒီမြေမှာ ဘယ်တော့မှ … ဘယ်လိုအာဏာရှင်မှ မပေါ်လာစေရဘူး…
နောက်လာမယ့်မျိုးဆက်တွေဟာ တိကျ ရေရာ သေချာပြီး အာမခံချက်ရှိတဲ့အနာဂါတ် နဲ့ ဂုဏ်သိက္ခာရှိစွာ အသက်ရှင်နေထိုင်ခွင့်ရရှိစေဘို့ နွေဦးဟာ ဘယ်အရာမဆို စွန့်လွှတ်ပေးဆပ်ရန် အသင့်ဖြစ်ရမယ်…”

နွေဦးကို နောင်လာမည့် မျိုးဆက် မှ သတိတရ ရှိအပ်ပါတယ် ။
နွေဦးဟာ နောင်လာမည့်မျိုးဆက် အတွက် စံပြထားစေဘို့ ဥပမာကောင်းများချန်ထားရန်အရေးကြီးပါတယ်။
ဒီနေ့ဟာ နွေဦးဖြစ်မယ်ဆိုလျှင် …. မနက်ဖြန်သည် မျိုးဆက်သစ် အယ်လ်ဖာ တို့ဖြစ်နေလိမ့်မယ် ။
ထို့်ကြောင့် … နွေဦးအယ်လ်ဖာသည် … ပစ္စုပ္ပန်၊ အနာဂါတ် နှင့် လွန်ခဲ့သော အတိတ်ကာလသို့ လှမ်းမျှော်ကြည့်ရာ (သို့) အနာဂါတ်မှ ပစ္စုပ္ပန်နှင့်အတိတ်သို့ စောင်းငဲ့ကြည့်ရာမှန်ပြောင်းတစ်လက်လည်းဖြစ်နိုင်တယ်။
ခေတ်တစ်ခေတ်ရဲ့ အဆိုးအကောင်း အပြောင်းအလဲမှန်သမျှဟာ အဲဒီ့ခေတ်ထဲမှာ ရှင်သန် နေထိုင်တဲ့သူတွေအားလုံးမှာ တာဝန်ရှိတယ်ဆိုတဲ့အသိနဲ့အတူ … နွေဦးအယ်လ်ဖာဟာ အသက်ရှင် ရပ်တည်တယ် ။
ဟုတ်တယ် … နွေဦးအယ်လ်ဖာ ဟာ ယဥ်ကျေးသောလူ့ကမ္ဘာကြီးတည်ဆောက်ရာတွင် နိုင်သလောက်ပါဝင်ကာ အခွင့်အလမ်းရှာဖွေရန် မျှော်လင့်ဝန်းရံရေးမဟုတ် … ဝင်ရုန်းရေးသာလျှင်ဖြစ်တယ်… ။