SOLE Fintech Fiji

Mai vakacavari na kena mai qaravi na koro e rua o Navoci kei Namotomoto. Ena vuku ni kena mai dola na nodra akaude ni Sole me rawa ni vakadrodroi mai kina na nodra lavo ni lisi mai na (TLTB).

Ka na tomani tale tiko na veiqaravi ena vo ni vei koro ena tolu na siga oqo ena vuku ga ni kena sagai me dola nodra akaude ni Sole me vakadrodroi mai kina no nodra i lavo.

Vinaka saka valevu

KORO KO SUVAVOU

Na Taba cakacaka ni Qele Maroroi (TLTB) e sa solia ki na Sole Fintech na veivakadonui me vei waseyaka na noda I lavo ni lisi na Kawa I Taukei.

E sa tavoci nanoa e Suvavou na kena dola na nodra akaude na lewe ni Koro.

Keitou marau ni tiko talega na Turaga na Tui Suva ena neitou vei vakararamataki.

E sa kerei mo ni tiko vaka lewe Levu ni nikua me rawa ni dola nomuni akaude ka me rawa ni vakau curumi mai kina nomuni I lavo ni lisi.

Vinaka saka vakalevu.

TUKUTUKU KABURAKI

VEI IRA NA TAUKEI NI QELE ENA KORO O SUVAVOU, LAMI, WAIQANAKI KEI KALOKOLEVU

Eso na lewe ni koro mai na va na koro oqo era sega ni taura rawa tiko na nodra i lavo ni lisi baleta ni sega tiko na nodra akaude ena baqe.
Me rawa ni ra tara na nodra I lavo ni lisi, na tabana ni qelemaroroi -na I Taukei Land Trust Board (TLTB) sa vakatara me ra dolava na nodra akaude ena Sole.
Sa na tekivu tiko na nodratou veiqaravi na Sole ena siga Lotulevu (30th April,20206) kei na siga Vakaraubuka (1st May 2026) e Lami Catholic Parish Hall ena 11.00am me dolavi kina na nodra akaude.
Na ka e gadrevi me dola kina na akaude ena Sole;
1. Talivoni vei kau yaki – Mobile Phone
2. Voter ID Card, Driver’s License, Joint Card se Pasipote (Dua ga veiratou)