Harun km page

እንኳን ለ1500ኛው የመውሊድ በዓል አደረሳችሁ፡፡

የታላላቆቻችንን በዓል የምናከብረው የእነርሱን አርአያ ለመከተል ምክንያት እንዲሆነን ነው፡፡ ምን እንደሠሩ? ምን እንዳስተማሩ? ምን እንደገጠማቸው? ፈተናዎችን እንዴት እንዳለፉ? ታሪካቸውን እያነሣን እንማርበታለን፡፡ የመውሊድንም በዓል ስናከብር የነቢዩ መሐመድን(ሰዐወ) ፈለግ እናጠናለን፣ ከሕይወታቸው እንማራለን፤ ፈተናን የተሻገሩበት መንገድ ለእኛ ብርታት ይሆነናል፡፡ አስተምህሯቸውን እያስታወስን ራሳችንን እንመዝንበታለን፡፡

የዘንድሮው በዓል የሚከበረው 2017ን በምናሰናብትበት ዋዜማ ላይ ነው፡፡ በዚህ ጊዜ “ከትዕግሥት እና ከዕውቀት በተሻለ ሊጣመሩ የሚገባቸው ነገሮች የሉም” ያሉትን የነቢዩን ቃል እናስታውሳለን፡፡ ያለንበት ጊዜ የኢትዮጵያ ማንሠራራት እውን የሆነበት ጊዜ መሆኑ ይታወቃል፡፡ ፈጣሪ የደከምንበትን ባርኮ የለመንነውን ሰጥቶናል፡፡ የኢትዮጵያ ብልጽግና የበለጠ እውን እንዲሆን ደግሞ ነቢዩ እንዳሉት ዕውቀትና ትዕግሥትን አጣምረን እንጓዛለን፡፡ ዕውቀት ብርሃን ሆኖ ይመራል፡፡ ትዕግሥት ደግሞ ፈተናዎችን በጽናት እንድንሻገር ያደርጋል፡፡ ይሄንንም ከነቢዩ መሐመድ(ሰዐወ) ተምረናል፡፡

“ዛፍ እየተከልክ የፍርድ ቀን ቢደርስ፣ ሳታቋርጥ ዛፍ መትከልህን ቀጥል” እንዳሉት፣ ፈተናዎች ቢበዙም፣ መሰናክሎች ቢደረደሩም እስከ ሕቅታ ድረስ ለሀገራችን እና ለሕዝባችን መልካም መሥራትን እንቀጥላለን፡፡ ከመልካም ሥራ የተሻለ በምድርና በሰማይ ሰውን የሚያስከብር ሕዝን የሚጠቅም ነገር ስለሌለ፡፡

ይሄንን የመውሊድ በዓል የሚያከብሩ ሙስሊም ወገኖቼ ሁሉ፣ መጪውን ዓመት በአላህ ዘንድ እጅግ ተወዳጅ በሆነው መልካም ሥራ እንዴት እንደምናሳልፈው በመዘጋጀት እንደሚያከብሩት ተስፋ አደርጋለሁ፡፡ 2018 የኢትዮጵያን ማንሠራራት በሁሉም ዘርፎች ይበልጥ የምናጸናበት ዓመት በመሆኑ፡፡

መልካም የመውሊድ በዓል ይሁን፡፡

ኢትዮጵያ በልጆቿ ጥረት ታፍራና ተከብራ ለዘላለም ትኑር!!
ፈጣሪ ኢትዮጵያና ሕዝቦቿን ይባርክ!
ነሐሴ 28 ቀን 2017 ዓ.ም

11ዱ የስኬታማ መሪዎች ሚናና መገለጫዎች
🔴🔴🔴🔴🔴🔴🔴🔴🔴🔴🔴🔴🔴
በአሕመዲን ጀበል
🌺🌺🌺🌺🌺🌺

መሪነት በኢስላም ከፍተኛ ተጠያቂነት ያለበት አደራ ነው። ኃላፊነትን በአግባቡ በመወጣት ረገድ ስኬታማ ከሆኑበት ደግሞ ለሚመሩት ሕዝብ ከፍተኛ ጥቅምና ልቅና ለመሪው ደግሞ ከበሬታ በቀጣይ ዓለም ደግሞ የላቀ ምንዳ ያስገኛል።

የመሪነት ደረጃውና ዘርፉ ቢለያይም፥ የሚመሩት ሕዝብ መብዛትና ማነስ ቢኖርም የመሪነትን ሚናን በሚገባ መረዳት ተገቢ ነው። በሀገር ዓቀፍ ደረጃ ከወረዳ እስከ ፌደራል ድረስ በ10ሺ የሚቆጠሩ መሪዎችን በመላ ሀገሪቱ ለመምረጥ ቀኑ ተቃርቧል። ከዚህ ጋር በተያያዘ በዛሬው ጽሁፌ ለእጩ ተመራጮችም ሆነ ለመራጩ ሕዝበ ሙስሊም ስለስኬታማ መሪዎች ሚናና ባህሪያት ግንዛቤ ለመፍጠር ያግዝ ዘንድ በመጠኑ እንዳስሳለን። መልዕክቱ ተደራሽ እንዲሆን ሼር፥ ላይክና ኮመንት ያድርጉ።መልካም ንባብ!

1) መሪነት እረኝነት(ጠባቂነት) ነው
🔺🔺🔺🔺🔺🔺🔺🔺🔺🔺

የአላህ መልዕክተኛ(ሰዐወ) እንደገለጹት ስልጣን፥ ሹመት ወይም መሪነት አደራ(አማና) ነው። አቡዘር(ረዐ) እንዳስተላለፈው የአላህ መልዕክተኛ (ሰዐወ) «እርሷ(ኃላፊነት) አደራ ነች።» ( وَإِنَّهَا أَمَانَةُ)(ሙስሊም የዘገቡት)። መሪነት በምትመራው ሕዝብ ሀብቶች፥ ጉዳዮች፥ ሁኔታና የወደፊት እጣፈንታ ላይ ኀላፊነት መውሰድ ነው። መሪ ኃላፊነትን በአግባቡ ስለመወጣቱ ይጠየቅበታል ። ከዐብዱላህ ኢብኑ ዑመር(ረዐ) በተላለፈ ዘገባ የአላህ መልዕክተኛ(ሰዐወ) እንዲህ ብለዋል፦

كلُّكم راعٍ وكلُّكم مسؤولٌ عن رعيتِهِ فالأميرُ الذي على الناسِ راعٍ عليهم وهو مسؤولٌ عنهم

«ሁላችሁም ጠባቂዎች ናችሁ። ከጠበቃችሁት ትጠየቃላችሁ። በሰዎች ላይ መሪ የተደረገ ሰው በሕዝቡ ጉዳይ ከጠበቀው ይጠየቃል።» (ቡኻሪ፥ ሙስሊም፥ አቡዳውድና ቲርሚዚ የዘገቡት)

መሪነት ብልጫ ሳይሆን ተጠያቂነት ነው።መሪ ለእያንዳንዱ ተግባሩና ዉሳኔዎቹ ነገ አላህ ፊት ቆሞ እንደሚጠየቅ እያወቀና እያሰበ፥ ላደረጋቸው እና ሳያደርግ ለቀራቸው ድርጊቶች ምን ምላሽ እንደሚሰጥ ራሱን ዝግጁ እያደረገ የመሪነት ሚናውን ሊወጣ ይገበዋል።

2) ራስን ለደካሞችና ባለጉዳዮች ክፍት ማድረግ
💢💢💢💢💢💢💢💢💢💢💢💢💢

መሪዎች ለሚመሩት ሕዝብ በተለይ ደግሞ ለደካሞችና ለባለጉዳዮች በራቸው ክፍት መሆን አለበት።ሁሉንም ጉዳዮች ራሳቸው ማናገርና መፍታት ቢሳናቸው እንኳ ችግሮችን የመፍታት ሚና የተሰጣቸው አካላት በትክክል እየፈቱ ስለ መሆናቸው ማረጋገጥ ይገባቸዋል። ከዚያ አልፎ ለሚመጣ አቤቶታን ለመቀበልም ዝግጁነት ሊኖራቸው ይገባል።

መሪዎች ባለጉዳዮችና ደካሞች ሊያገኙዋቸው በማይችሉበት ሁኔታ ዉስጥ ራሳቸውን መደበቅ አይገባቸውም። ሙዓዝ ኢብኑ ጀበል(ረዐ) በተላለፈ ዘገባ የአላህ መልዕክተኛ(ሰዐወ) እንዲህ ብለዋል፦
من وَلِيَ من أمرِ المسلمين شيئًا ، فاحتجَب عن أُولي الضَّعفِ والحاجةِ ؛ احتجب اللهُ عنه يومَ القيامةِ
«በሙስሊሞች ጉዳዮች በአንዳች ስፍራ ላይ ተሹሞ ራሱን ከደካሞችና ከባለጉዳዮች የጋረደ (የተደበቀ) ሰው አላህ በእለተ ትንሳኤ ከዚያ ሰው ራሱን ይጋርዳል።»(አሕመድና ጠበራኒ የዘገቡት)

3) ፍትህን ማስፈን
♦♦♦♦♦♦

ፍትህ የትክክለኛ አመራርነት ቁልፍ መሠረት ነው። ፍትህን ማስፈን በአላህ ዘንድ ዉዴታን በሕዝቡ ዘንድ ደግሞ አመኔታን ያጎናጽፋል። መሪዎች በአመራራቸው ላይ ከአስተሳሰብ ቡድንተኝነት፥ ከብሄርና ከወንዜ ወገንተኝነት በራቀ መልኩ ከአድሎ የራቀና በፍትህ መሠረት ላይ የተንተራሰ የዉሳኔ አሰጣጥ ስርዓትን መከተል ይገባቸዋል።

በሕዝቡ ስም ያገኙትን ስልጣን፥ የሚወስኑበትን ሀብትና ጉዳይ መፈጸምን ግልጽነትና ተጠያቂነት በተሞላበት አኳኃን ፍትሃዊ አሠራርና አመራርን በመተግባር ማዋል ይገባቸዋል።

ከአቡሁረይራህ(ረዐ) በተላለፈ ዘገባ ላይ አላህ በእለተ ትንሳኤ በጥላው ስር ከሚያደርጋቸው መካከል ፍትሃዊ መሪ አንዱ መሆኑን የአላህ መልዕክተኛ(ሰዐወ) እንዲህ በማለት ገልጸዋል፦
قالَ رسُولُ اللَّه ﷺ: سَبْعَةٌ يُظِلُّهُمُ اللَّهُ في ظِلِّهِ يَوْمَ لا ظِلَّ إلَّا ظِلُّهُ: إِمامٌ عادِلٌ،
«በእለተ ትንሳኤ የአላህ ጥላ እንጂ ሌላ ጥላ በሌለበት ጊዜ አላህ ሰባት ሰዎችን በርሱ ጥላ ሥር ያደርጋቸዋል። ፍትሃዊ መሪ…» (ቡኻሪና ሙስሊም የዘገቡት)

4) መሪነት ለሕዝቡ ጋሻና መከታ መሆን ነው
💥💥💥💥💥💥💥💥💥💥💥💥💥

መሪነት የሚመሩትን ሕዝብ ከጉዳት መከላከልና በሕዝቡ ላይ የሚደርስን ጥቃት የመመከት ሚናን መወጣት ነው። ጥሩ መሪ ለሕዝቦቹ መከታና አለኝታ ነው። ጋሻ በርሱ ለተከለለው ሰው ወደርሱ የሚሰነዘር ጥቃትን መክቶ እንደሚመልሰው መሪም ሕዝቦቹ አደጋ፥ ጥቃት ወይንም አንዳች ችግር እንዳይደርስባቸው መከታ ሆኖ ይከላከልላቸዋል። እነርሱም ከርሱ ጀርባ ተሰልፈው በርሱ መሪነት የመጣውን ጥቃትና ትንኮሳን አብረው ይመክታሉ።

ከአቡሁረይራ(ረዐ) በተላለፈ ዘገባ የአላህ መልዕክተኛ (ሰዐወ) እንዲህ ብለዋል፦
إنَّما الإمامُ جنَّةٌ يقاتلُ بِهِ
«መሪ ማለት የሚዋጉበት ጋሻ ነው።»(አቡዳውድ የዘገቡት)

ከአቡሁረይራ(ረዐ) በተላለፈ የነሳኢ ሌላ ዘገባ ደግሞ የአላህ መልዕክተኛ(ሰዐወ) እንዲህ ብለዋል፦
إنما الإمامُ جُنَّةٌ، يٌقَاتَلُ مِن ورائِه، ويُتَّقَي به
«መሪ ማለት ከርሱ ጀርባ ተሰልፈው የሚዋጉበትና በርሱ ከለላ የሚፈለግበት ጋሻ ነው።»(ነሳኢ የዘገቡት)

መሪ በሕዝቦቹ ላይ አንዳች ጉዳት፥ አድሎ እና ዉጫዊ ጥቃት እንዳይገጥማቸው ዘብ ቆሞ የሚጠብቅ የሕዝቦቹ ጋሻና ከለላ ነው። ትክክለኛ መሪ የሕዝቦቹን ደህንነትና ክብርን ያስቀድማል። መሪ ከሕዝቦቹ ፊት ሆኖ የመጣባቸውን አደጋ ለመጋፈጥ ከፊት ይሰለፋል።ጋሻ በጦርነትና ዉጊያ ጥቃትን እንደሚመክተው እርሱም አደጋ ሲመጣም እንደ ጋሻ ከሕዘቡ ፊት ሆኖ ከሕዝቦቹ ላይ ጥቃትን ይመክታል።

5) የህዝቡን ችግር ለመፍታት ለመፍታትና ጥቅሙን ለማስጠበቅ መታገል
🎯🎯🎯🎯🎯🎯🎯🎯🎯🎯🎯🎯🎯

የስኬታማ መሪነት አንዱ መለኪያ በሕዝቦች ላይ የሚጋረጡትን ተግዳሮቶችንና ችግሮችን መፍታት መቻል ነው።ትክክለኛ መሪ ያለውን ስልጣን፥ የሚወስንባቸውን ሀብቶችንና የሚያዛቸውን ሰዎቹን በማሰማራት ችግሮን በአፋጣኝ በመፍታት ሚናውን ይወጣል። ከዜጎቹና ከወገኖቹ ችግሮች በፊት የራሱን ክብርና ዝና አያስቀድምም።

የወገኖቹን ችግሮችን መፍታት አቅም በቻለው ሁሉ የርሱ ተቀዳሚ ተግባሩ ነው። አቡ ሰዒድ አል-ኹድሪ(ረዐ) እንዳስተላለፈው የአላህ መልዕክተኛ(ሰዐወ) እንዲህ ብለዋል፦
مَن رَأَى مِنكُم مُنْكَرًا فَلْيُغَيِّرْهُ بيَدِهِ، فإنْ لَمْ يَسْتَطِعْ فَبِلِسانِهِ، فإنْ لَمْ يَسْتَطِعْ فَبِقَلْبِهِ، وذلكَ أضْعَفُ الإيمانِ.
«ከናንተ ዉስጥ እኩይ(መጥፎ ነገር) ያያ ሰው በእጁ(ስልጣኑ) ይለውጠው፤ በእጁ ማስወገድ የማይችል ከሆነ በምላሱ (ተናግሮ) ይለውጠው። በምላሱ መናገር የማይችል ከሆነም በልቡ ይጥላው። በልብ መጥላት ዝቅኛው የኢማን ደረጃ ነው።»(ሙስሊም የዘገቡት)

ከማዕቀል ኢብኑ የሳር(ረዐ) በተላለፈ ሀዲስ የአላህ መልዕክተኛ(ሰዐወ) እንዲህ ማለታቸውን መስማቱን አስተላልፏል፦

مَا مِنْ أَمِيرٍ يَلِي أَمْرَ الْمُسْلِمِينَ، ثُمَّ لَا يَجْهَدُ لَهُمْ، وَيَنْصَحُ، إِلَّا لَمْ يَدْخُلْ مَعَهُمُ الْجَنَّةَ،
«በሙስሊሞች ጉዳይ ላይ መሪነትን የሚሾም ሰው የለም፤ ለነርሱ የማይታገልላቸውና እነርሱን የማይመክራቸው የሆነ እንደሆነ ከነርሱ ጋር ጀነት የማይገባ ቢሆን እንጂ።»(ሙስሊም የዘገቡት)

6) ሰዎችን በመጥቀም ልቆ መገኘት
🌲🌲🌲🌲🌲🌲🌲🌲🌲🌲

የአንድ መሪነት ብቃት ሌላኛው መለኪያው ለሚመራቸው ወገኖቹ ጉዳትን በማስወገድ ባስገኘላቸው ጥቅም ነው።ፖለሲም ሆነ መመሪያዎችን የሚያወጣው ከሕዝቦቹ ተጠቃሚንት አንጻር ነው። መሪነት ከየትኛውም ዘርፍ ይልቅ ለሰው ልጆች ጥቅም ለማስገኘት ምቹ ስፍራ ነው። የሰው ልጆች የብልጫ ደረጃ የሚያገኙት የሰዎች ልጆችን በመጥቀም ከሌሎች ልቀው በመገኘት ነው። የአላህ መልዕክተኛ(ሰዐወ) እንዲህ ይላሉ፦
خير الناس أنفعهم للناس
«ከሰዎች ሁሉ በላጩ ይበልጥ ለሰዎች ጠቃሚ የሆነው ነው።» (ጠበራኒ በአውሰጥ ላይ የዘገቡትና አልባኒ ሰሂህ ሲሉ ያጸቁት)

መሪዎችም ሆኑ ተርታው ሕዝብ በአላህ ዘንድ የበለጠ ተወዳጅነትን የሚያገኙበት አንዱ መንገድ ከሌሎች የበለጠ የሰው ልጆችን በማገልገልና በመጥቀም ልቀው በመገኘት ነው።ይህንን የአላህ መልእክተኛ እንዲህ ይገልጹታል: -

«ከሰዎች ሁሉ አላህ ዘንድ ይበልጥ ተወዳጁ ለሰዎች ይበልጥ ጠቃሚ የሆነው ሰው ነው።» (ጠበራኒ)
أحب الناس إلى الله أنفعهم للناس

7) ለሕዝቡ ገርና መልካም መሆን
🔇🔇🔇🔇🔇🔇🔇🔇🔇🔇

ስኬታማ መሪ የሚባለው በመሪነት ሚናው ላይ ባሳየው አፈጻጸሙ የአላህን ምህረትና የሕዝቦቹን አመኔታ ማግኘት የቻለ ነው።ለዚህ ስኬት የሥራ ቦታንም ሆነ በአግልግሎት አሰጣጥ ላይ ያሉትን ማነቆዎችን በመፍታት አገልግሎትን የሚያሳልጡ ፖሊሲዎችንና ፕሮሲጀሮችን በተግባር ማዋልን ይጠይቃል። አሠራር፥ ሕጎችና መመሪያዎች መመዘን ያለባቸው ለሕዝቡ ከሚኖራቸው ጥቅምና ምቾት አንጻር እንጂ ከመሪዎች ፍላጎትና ስልጣን አንጻር ሊሆን አይገባም።

የብዙ መሪዎች ችግር ከሕዝቡ ይልቅ የራሳቸውን ጥቅም፥ በስልጣናቸው ለማገልገል ሳይሆን ለመገልግል በመሆኑ በሕዘቡ ላይ ነገሮችን የሚያጠባብቁ ሕጎችንና አሰራሮችን ተግባራዊ ይደርጋሉ። ኡሙል ሙዕሚኒን አዒሻ(ረዐ) ባስተላለፈችው ሀዲስ የአላህ መልዕክተኛ(ሰዐወ) እንዲህ ብለዋል፦

اللهُمَّ مَنْ ولِي من أمْرِ أُمَّتِي شيئًا فَشَقَّ عليهم فاشْقُقْ علَيهِ ، ومَنْ ولِيَ من أمرِ أُمَّتِي شيئًا فَرَفَقَ بِهمْ فارْفُقْ بِهِ

«አላህ ሆይ! ከሕዝቦቼ ጉዳዮች በአንዳች ነገር ላይ ተሹሞ በነርሱ ላይ የጨከነባቸውን ሰው አንተ ጨክንበት። በሕዝቦቼ ጉዳይ በአንዳች ስፍራ ላይ ተሹሞም ለነርሱ መልካም(ገር) የሆነላቸውን ሰው አንተ መልካም ሁንለት።»(ሙስሊም የዘገቡት)

8) ከአታላይነት የራቀ
📶📶📶📶📶📶

ሕዝብን ማታለል ብሎም መክዳት በሰውም ሆነ በአላህ ዘንድ እጅግ የከፋ ወንጀል ነው።መሪዎች በቃላቸው መገኘትና ቃል የገቡትን መሙላት ይጠበቅባቸዋል። መንታ ሚዛንና የተደበቁ አጀንዳዎችን ማስወገድ ይጠበቅባቸዋል። አስቻጋሪ ሁኔታ ዉስጥ ቢሆኑ እንኳ አላህ ካስቀመጣቸው ከፍ ያለ የመሪነት ስፍራ ላይ ሆነው የወራዳ ሰዎችን ባህሪ ማሳየት አይጠበቅባቸውም።

መሪዎች ከፍ ባለ የሥልጣን እርከን ተቀምጠው በትልቅ ደረጃ ሲታዩ የአታላይነት ባህሪ ኖሮባቸው ቁልቁል ወርደው ራሳቸውን ከጭቃ ጋር ከለወሱ ፍጻሜያቸው ቅርብና የከፋ ይሆናል። በዘመኑ የመሪዎች የዉድቀት ምክንያቶች አንዱና ዋነኛው አታላይነትን እንደስልት መያዛቸው ነው። ማታለልን እንደ ሕዝብ መግዣ ስልት በመመልካት በረቀቀ መንገድ እስከ መተግባር ደርሰዋል።

አታላይነት በዚህም ሆነ በቀጣይ ዓለም ለከፍተኛ ዉርደትና ዉድቀት ይዳርጋል። መዕቀል ኢብኑ የሳር(ረዐ) እንዳስተላለፈው የአላህ መልዕክተኛ (ሰዐወ) እንዲህ ብለዋል፦

ما مِنْ عبدٍ يسترْعيه اللهُ رعيَّةً ، يموتُ يومَ يموتُ ، وهوَ غاشٌّ لرعِيَّتِهِ ، إلَّا حرّمَ اللهُ عليْهِ الجنَّةَ
«ከባሪያዎች ዉስጥ አላህ ገዢ ያደረገው ሰው ሕዝቡን በማታለል ሁኔታ ላይ የሚሞት ከሆነ፥ አላህ በርሱ ላይ ገነትን እርም ያደርግበታል።» (ቡኻሪ፥ ሙስሊምና ሰሂህ አል-ጃሚእ ላይ የተዘገበ)

9) ከሙስና የጸዳ መሪ
🎁🎁🎁🎁🎁🎁🎁

አመራርነት አደራ ነው።ከአደራዎቹ አንዱ የሕዝቡን ሀብት፥ ንብረትና ስልጣንን በአግባቡ ለህዝቡ ዓላማ ብቻ ማዋል ነው። ከሕዝቡ ሀብት ለራስንና ወገን መጠቀም አልያም የያዙት ኃላፊነት ምክንያት የተለየ ጥቅም ማግኘትም አማናን ማጉዳል ነው። ሙስና ስርቆት ነው። ስኬታማ መሪ ራሱን፥ ተቋሙንና ሠራተኞቹን ከማናቸውም ያለመታመን ተግባራት ወይም ሙስና ያርቃል።

ግልጽነትና ተጠያቂነት ያለበት አሰራርን በተግባር ያውላል። ለማንኛውም ዓይነት ሙስና አንዳች ርህራሄና ትዕግስት አይኖረውም። ሙስና በቀጥታ ለራስ መስረቅ ብቻ ሳይሆን ለሌሎች ሥርቆት ሁኔታዎችን ማመቻቸት ወይን መመቸት፥ ወይም ስርቆቱ እየተፈጸመ መሆኑን እያወቁ መተውን ሁሉ ይጨምራል።ምክንያቱም በሌብነቱ እርሱም እንደመሪ ተጠያቂ ነውና።

የአላህ መልዕክተኛ(ሰዐወ) እንዲህ ይላሉ፦ «የሆነን ሥራ ቀጥረን በክፍያ ያሰራነው ሰው ደሞዙን ከከፈልነው በኋላ ሌላ (በራሱ) ገንዘብ የወሰደ ሰው ይህ ድርጊቱ ስርቆት(ሌብነት) ነው።» (ኢማም አሕመድ የዘገቡት)
مَن استعمَلناه على عملٍ فرزقناه رزقًا، فما أُخِذَ بعد ذلك فهو غلولٌ
ከአቢ ሁሜይድ አስ-ሰዓዲ በተላለፈውና በሰሂህ አል-ቡኻሪ በተዘገበው ዘገባ መሠረት የአላህ መልዕክተኛ(ሰዐወ) ኢብኑ አል-ኡትቢያህ የተሰኘ ሰሃባን ሰደቃ(ዘካን) በመሰብሰብ ላይ አሰማሩት። ገንዘቡን ሰብሰቦ ሲመለስና ሲያስረክብም «ይህ የናንተ ነው። ይህ ደግሞ ለኔ በስጦታ መልክ የተሰጠኝ ነው።» አለ። በዚህን ጊዜ የአላህ መልዕክተኛ (ሰዐወ) በሁኔታው ተናደዱ። ሕዝብ ሰብስበው ኹጥባ አደረጉ። እንዲህም አሉ፦

، فإني أستعمل رجالا منكم على أمور مما ولاني الله فيأتي أحدكم فيقول: هذا لكم وهذه هدية أهديت لي! فهلا جلس في بيت أبيه وبيت أمه حتى تأتيه هديته إن كان صادقا! فوالله لا يأخذ أحـدكم منها شـيئا إلا جاء الله يحمله يوم القيامة

«አላህ ከሰጠኝ ኃላፊነቶች መካካል ከናንተ ዉስጥ እኔ ሰዎችን በተለያየ ኃላፊነት ላይ መድቤ አሠራለሁ። ከናንተ መካክል አንዱ መጥቶ ፦ ይላል። እውነተኛ ከሆነ የእናቱና የአባቱ ቤት ተቀምጦ ስጦታው እስኪ መጣለት (እስኪሰጠው) አይጠብቅም ነበርን? በአላህ እምላለሁ አንዳችሁ ከገንዘቡ ቅንጣት አይወስድም በእለተ ትንሳኤ ያንኑ የወሰደውን አላህ አሸክሞት ቢያመጣው(ቢቀሰቅሰው) እንጂ።» አሉ።

10) ከአምባገነንነት የራቀ
💎💎💎💎💎💎💎💎

አንዳንድ ሰዎች አምባገነንንነት በስልጣን ላይ ያሉ ሰዎች ብቻ ችግር አድርገው ያያሉ። ስልጣን ላይ ያሉ ሰዎች የአምባገነንነት አመለከካከት ፥ እይታና ባህሪን በስልጣን ዘመናቸው በተግባር የተገለጠው ወደ ስልጣን ከመውጣታቸው በፊት ቀደም ብሎም በዉስጣቸው እርሾ በመኖሩ ነው። ብዙ ጊዜ አምባገነንነት ስልጣን ላይ ለመቆየት በሚደረጉ የተለያዩ ጥረቶች ጎልታ ይታያል።

አምባገነናዊ እይታና ባህሪ ያላቸው ሰዎች በአትኩሮት ከታዩ ወደ ስልጣን ሳይመጡ ጭምር ጥቂትም ቢሆንም የሚያሳዩዋቸው ባህሪያት አሉ። ስለመሪዎች እያወራን ስለሆነ እንጂ ስልጣን ላይ ለመውጣት የሚታገሉ ሰዎችም ጭምር የሚያሳዩዋቸው አምባገነናዊ ብህሪያት ይኖራሉ።

አንዳንዶች ስልጣን ላይ ለመውጣት ሲሉ ትክክል ያልሆኑ፥ የሕዝቡን ጥቅም ወደጎን በማለት የራስን ፍላጎት ለማሳካት የሚደረጉ ትግሎች ጀርባም አምባገነናዊ ባህሪያት አሉ። ስልጣን ሳይኖራቸው መሰል ባህሪያትን የሚያሳዩ አካላት ስልጣን ላይ ሲወጡ አምባገነናዊ ባህሪያቸው ብዙም ሳይቆይ በተግባር ሊገለጥ ይችላል። አምባገነንነት ማለት ስልጣን አደራ፥ ለሕዝብ ጥቅም መቆምና ሕዝብን ማገልገል መሆኑ ቀርቶ መሪነት ለራስ ስልጣንና ጥቅም መቆም መገለጫ ነው።ይህ ደግሞ የአመራርነት አደራ ላይ ከፍተኛው የክህደት ደረጃ ማሳያ ነው። በሕዝብ ስም በያዙት ስልጣን ባለመብቱ ሕዝቡ ስለወኪሉ መጠየቅ እንኳ ሲነፈግ ማለት ነው።ይህ የፍትሃዊነት ተቃራኒነት ነው።

በዚህ ጉዳይ ላይ ከአቡሰኢድ አል-ኹድሪ(ረዐ) በተላለፈ ዘገባ የአላህ መልዕክተኛ(ሰዐወ) እንዲህ ብለዋል፦
أحبُّ النَّاسِ إلى اللهِ يومَ القيامةِ وأدناهم منه مجلسًا إمامٌ عادلٌ وأبغضُ النَّاسِ إلى الله تعالَى وأبعدُهم منه مجلسًا إمامٌ جائرٌ
«ከሰዎች መካካል ይበልጥ ተወዳጅ የሚሆኑትና ለአላህ ቅርብ የሚሆኑት ፍትሃዊ መሪዎች ናቸው። ከሰዎች መካካል ደግሞ ይበልጥ የሚጠሉትና ከአላህ የራቁ የሚሆኑት አምባገነን መሪዎች ናቸው።»(ቲርሚዚና በይሀቂ የዘገቡት)

11) ተወዳጅ መሪ መሆን
🌺🌺🌺🌺🌺🌺🌺

አንዳንድ አመራሮች ክፉ ተግባራቸውን አልያም ጠቃሚ ነገር ያለመስራታቸውን በመልካም ቃላት ለመከለል ሲተጉ ሌሎች ደግሞ በርካታ መልካም ተግባር እየሰሩ ሕዝቡ ዘንድ ሳይታወቅላቸው አንዳች እንዳልሰሩ ሊቆጠሩ ይችላሉ። ጤናማ አመራር በመሪና በተመሪው መካከል በሚኖር ግልጸኝነት ላይ በተሞረኮዘ መከባበር ላይ የተመሠረተ ነው።መሪው የእውነት ለህዝቦቹ ልዕልና ሲቆምና ይህንኑ በንግግሩም ሆነ በተግባሩ ሲያረጋግጥ ከህዝቡ ዘንድ አመኔታና ከበሬታን ይጎናጸፋል። ይህ ሲሆን መሪው ባሳየው መልካምነቱ በሕዝቡ ይወደዳል።መሪው ኃላፊነቱን በሚገባ በመወጣቱ በሕዝቡ ዘንድ ይወደዳል።

ያኔ አንዱ ለሌላው የማሰብ ሁኔታ በእጅጉ ይጎልብታል። በተቃራኒው ለሕዝባቸው አንዳች የሚፈይድ ነገር ያልሰሩና ለሕዝቡ ጥቅም ያልቆሙት ደግሞ በሕዝቡ ዘንድ ይጠላሉ።

መሪዎቹም ሚናቸውን ባለመወጣታቸው በሕዝቡ ለሚቀርብላቸው ጥያቄዎች በቂና አሳማኝ ምላሽ ስለማይኖራቸው መልሰው ሕዝቡን ይጠላሉ። የመልካም መሪ ቁልፍ መገለጫ በሕዝቡ ዘንድ መወደዳቸው ሲሆን የእኩያን መሪዎች ደግሞ በሕዝቡ ዘንድ መጠላታቸውና እነርሱም ሕዝቡን መጥላታቸው ነው።

ዐውፍ ኢብኑ ማሊክ (ረ.ዐ) እንዳስተላለፈው በዚህ ጉዳይ ላይ ነቢዩ ሙሐመድ (ሰ.ዐ.ወ) እንዲህ ብለዋል፦
خِيارُ أئمَّتِكُمُ الَّذينَ تحبُّونَهُم ويحبُّونَكُم وتُصلُّونَ علَيهِم ويصلُّونَ علَيكُم وشرارُ أئمَّتِكُمُ الَّذينَ تبغَضونَهُم ويبغَضونَكُم وتَلعنونَهُم ويَلعنونَكُم
“ከመሪዎቻችሁ መልካሞቹ የምትወዷቸውና የሚወዷችሁ፤ ዱዓ የምታደርጉላቸውና የሚያደርጉላችሁ ናቸው። ከመሪዎቻችሁ መጥፎዎቹ ደግም የምትጠሏቸውና የሚጠሏችሁ፤ የምትረግሟቸውና የሚረግሟችሁ ናቸው።” (ሙስሊም ዘግበውታል)

አማና ነች!
🔥🔥🔥

እስካሁን እንደተለከትነው መሪነት ተጠያቂነት ያለበት ዘርፍ ነው። ያለ ብቃት ዘሎ የሚገባበት አይደለም! ይህን ስል መሪዎች እንዳይወጡ ለማቀብ አይደለም። እንዲያውም በርካታ አዳዲስ መሪዎች እንዲወጡ መትጋት ይጠበቅብናል።

የአንድ ማህበረሰብ እጣ ፈንታው የሚወሰነው ትናንትን የተረዱ፥ ለዛሬ ዘመን የሚመጥኑና ነገን አሻግረው መመልከት የሚችሉ ብቁ መሪዎችን በብዛትና በጥራት ማፍራት በመቻሉ ላይ ነው። እንደ ሕዝበ ሙስሊም በዚህ ረገድ እጅግ አስደንጋጭ በሆነ ጥልቅ እንቅልፍ ዉስጥ ያለን መሆኑ እሙን ነው።

በዚህ ምርጫም የምንመርጠው አመራር ቀድመን ለመሪነት እንዲሆኑ በማሰልጠንና በተግባራዊ ልምምድ ረገድ ተገቢውን ሥራዎች ሰርተን ካላዘጋጀናቸው ሰዎች መካካል መሆኑ ግልጽ ነው። ሆኖም በዚህ ምርጫ የምንመርጣቸው ሰዎች እስካሁን በዚህም ሆነ በሌሎች ጽሁፎች ሳነሳቸው የነበርኳቸውን ነጥቦች ግምት ዉስጥ በከተተ መልኩ የተሻለ ለምንላቸው ሰዎች አደራችንን እንድንሰጥ እየጠየቅኩ የዛሬውን ጽሑፎን በዚህ አበቃለሁ። መልካም ምርጫ!

WAAN HUNDUMAAFUU
ALHAMDULILLAAH

Jechoota_Hayyootaa
=================
1. Farda lagaan ga’uu ni dandeessa; garuu obaasuu hin dandeeessu (Ingilizoota).
2. Saroonni lama; lafee tokko irratti, waliif galanii hinbeekani! (Faraansayota)
3.Kan arrabni yaabee dhalchu, kormi yaabee hin dhalchu! (Oromoota)
4. Miilli sochoonaan afaan agabuu hin bulu! Afrikaanota)
5. Bareedinni fuudhaa fi heerumaaf wabii hin ta’u! (Ariyaanota)
6. Iddoo yeroo dulloomtu teessu, iddoo yeroo dargaggummaa kee turte agarsiisa (Gaa’elikaanota)
7. Osuma barnoonni galaana ta’uuyyuu, harroonni garuu daakuu hin danda’an (Gaa’elikaanota)
8. Eenyummaa akaakayyuu kootii hin beeku; ilm ilmasaa garuu maal ta’uuf akka jiru beekuuf nan dhama’a. (Abraham Linkon)
9. Kan abbaan of hin gargaarre carraan isa hin gargaaru. (Oromoota)
10. Kan dhaggeeffatu hubachuuf, jechoota muraasatu isa ga’a (Afrikaa kibbaa)
11. Kan hiriyaa isaarra harka kaa’atee deemu fageenyi karaa itti hin beekamu (Nayijeeriyaanota)
12. Qalqalloon duwwaa jirtu dhaabbachuu hin dandeessu! (Taanzaniyaa)
13. Bareeda kan jennuun bareedinaan osoo hin taane, kan nu gammachiisaniini (Xaaliyaanota)
14. Kan carraa qabu galaanatti osoo darbattanillee qurxummiitu afaanitti qabatee baha! (Araboota)
15. Karaa si baasu osoo hin beekiin, deemsa hin eegalin. (Ingilizoota)
16. Kan fedhu, kan raawwatu nama cimaadha; kan hawwu kan argachuu danda’u immoo, nama abshaala! (Ayerlaandota)
17. Dhugaan lubbuu magarsiti; sobni garuu ni tortorsiti. (Oromoota)

18.Akka ganamaa seetee, galgalas narra ejjadhukaa jette kosorruun Oromoota)
19.Taa’umsi dhagaa fi jechi haadha ormaa suuta lafee nama lixa! (Oromoota)
20.Yaanni bilchaataan balbala cufamaa ni saaqa! (Africaanota)

ALHAMDULILLAH
RAAMADAAN5
SOOMMANUU
EEGALLE🤲🤲🤲