Sheger Media Network

Reeffi Miseensota 'Armii 26' Summii Nyaataatiin Lubbuun Isaanii Darbe Maatii Isaaniif Akka Hin Kennamne Ajajame.

Balaa summii nyaataa miseensota 'Armii 26' irra ga'e hordofee, reeffi loltootaa maatii isaaniif dabarfamee akka hin kennamne dhoorkamuu hordofee miseensota waraanaa fi jiraattota naannoo biratti dallansuu guddaa fi madda wal-dhabdee ta'eera.

Gocha kanaan ajajni waraanaa TPLF balaa ga'e dhoksuuf yaalaa jira jedhamee bal'inaan qeeqamaa jira. Maddoonni akka ibsanitti, reeffi loltootaa kabaja isaaniif osoo hin taane yakka raawwatame haguuguuf akka qabamu taasifamuun isaa miseensota waraanaa gidduutti miira gantummaa fi jibba guddaa facaaseera.

Reeffa namoota du'anii dhorkuun safuu aadaa fi mirga dhala namaa waliin kan wal-faallessu waan ta'eef gochi kun miseensota waraanaa gidduutti "hogganoonni TPLF lubbuu fi kabaja loltoota isaaniitiif dhimma hin qaban" miira jedhu uumeera.

Murtoon kun, balaa summii nyaataa ga'e waliin wal-qabatee, waraana keessatti rifannoo guddaa fi amantaa hogganoota olaanoo irratti qaban akka dhabamu taasisaa jira.

Yeroo ammaa kana, maatii fi miseensonni waraanaa reeffi akka gadhiifamee sirna awwaalchaa raawwatan gaafachuun hogganoota waraanaa TPLF waliin wal-dhabdee jabaa keessa akka jiran beekameera.