BAALI MEDIA

Degmada Salaxaad waa magaalo facweyn oo leh taariikh, dhaqan iyo xadaarad soo jireen ah. Sawirradan quruxda badan ee laga soo qaaday waxay muujinayaan bilicda dabiiciga ah horumarka magaalada iyo nolasha quruxda badan ee ka dhex muuqata shacabka degmada

Salaxaad waa astaan ka tarjumaysa hidaha iyo horumarka deegaanka, waana magaalo mudan in la bogaadiyo laguna faano

📸 Sawir Qaade: Action Production

Wasaaradda Arrimaha Dibadda ee Itoobiya oo war-saxaafadeed soo saartay ayaa muujisay in xaaladda amni ee dalka, gaar ahaan dhanka xuduudaha, ay sii adkaanayso

Qoraalka wasaaradda wuxuu tilmaamayaa eedeymo is-dhaafsi iyo dhaqdhaqaaqyo militari oo ka jira xadka galbeed taas oo sare u qaaday walaaca laga qabo amni darrada sii fidaysa Arrintan ayaa muujinaysa in xaaladdu ay marayso heer xasaasi ah oo u baahan feejignaan dheeraad ah iyo xal degdeg ah.

Inkasta oo dowladda Itoobiya ay adkaynayso muhiimadda wadahadal iyo xabbad joojin, haddana xaaladda hadda jirta waxay iftiiminaysaa khatar suurtagal ah oo horseedi karta isku dhac weyn haddii aan si degdeg ah loo xakameyn.

Bulshada iyo daneeyayaasha kala duwan ayaa si dhow ula socda xaaladda, iyagoo rajaynaya in xal nabadeed laga gaaro xiisaddan sii kordhaysa

Wasiirka Wasaaradda Waxbarashada ee Dawlad Deegaanka Soomaalida Mudane Mahamed Sheekh Aadan iyo Wasaaradda Waxbarashada ee Itoobiya ayaa maanta kala saxiixday heshiis is-afgarad oo ku saabsan dhismaha dugsiyada barbaarinta.

Heshiiskan ayaa dhigaya in mashruuca ETOL uu maalgeliyo dhismaha 95 dugsi, halka xukuumaduna dhisi doonto 95 dugsi oo dheeri ah, taas oo tirada guud ka dhigaysa 190 dugsi oo cusub.

Mashruucan ayaa la filayaa inuu kor u qaado helitaanka waxbarashada h**e ee carruurta, isla markaana xoojiyo tayada waxbarashada heerka aas-aasiga ah.

Tallaabadan ayaa loo arkaa mid muhiim u ah horumarinta waxbarashada iyo dhismaha jiil aqoon leh oo mustaqbalka dalka wax ku biiriya