Vision Properties

ከማንም ጋር በውድድር ውስጥ አትሁን እና ሁልጊዜ ከትናንቱ ማንነትህ የተሻለ ለመሆን ሞክር።

=====✓✓✓===✓✓===✓✓✓=====✓✓✓=====✓✓✓=======

አንድ ትንሽ ልጅ አያቱን እንዲህ ሲል ጠየቀ፣
"አያቴ፣ የተሻለ ሰው እንድሆን የሚረዳኝ ምን ጠቃሚ ትምህርት ሊያስተምሩኝ ይችላሉ?"

አያቱ ለአፍታ ዝም ካሉ በኋላ እንዲህ አሉ፣
"ይህንን ተማር... በአለም ላይ ካሉ ሰዎች ሁሉ መወዳደር ያለብህ አንድ ሰው ብቻ ነው። ያ ሰው ደግሞ ብቸኛ ተወዳዳሪህ መሆን አለበት።"

ልጁ በጉጉት ጠየቀ፣
"በምድር ላይ ያ ሰው ማነው አያቴ?"

አያቱ መለሱ፣
"ልትገምት ትችላለህ?"

ልጁ፣
"አባቴ?"

አያቱ መለሱ፣
"አይደለም።"

"እናቴ?"

"አይደለም።"

"ወንድሜ?"

"አይደለም።"

"የቅርብ ጓደኛዬ?"

"አሁንም አይደለም።"

"የክፍል ጓደኛዬ?"

"በፍጹም።"

"እሺ፣ አሁን አውቄዋለሁ... የክፍል አስተማሪዬ?"

"በፍጹም አይደለም።"

በትክክል መገመት ያልቻለው ልጅ ከዚያም ጠየቀ፣
"ታዲያ ማነው?"

በዚያን ቅጽበት አያቱ በፍቅር ፈገግ አሉና እንዲህ አሉ፣
"አንተ ነህ... ከአንተ ውጪ ሌላ ማንም አይደለም። ብቸኛ ተወዳዳሪህ መሆን ያለበት አንተ፣ የትናንቱ አንተ ነህ። ይህንን ከተማርክ በኋላ፣ የተሻለ ሰው ትሆናለህ።"

ህይወት ውድድር ናት፣ ነገር ግን ከሌላ ሰው ጋር የሚደረግ ሩጫ አይደለችም። ይልቁንስ እውነተኛው ጉዞ ከራስህና ገና ካልተጠቀምክበት አቅምህ ጋር ብቻ ነው። ከሌሎች ጋር ያለማቋረጥ የምትወዳደር ከሆነ፣ እራስህን ከሌሎች ጋር ማወዳደር ስለምትጀምር ምሬት ይሰማሃል። እንደነሱ የተሻለ ባለመስራትህ የጥፋተኝነት ስሜት ይሰማሃል። ከተወሰነ ጊዜ በኋላ ደግሞ በሌሎች ላይ ቅናት ይይዝሃል። ከሌሎች ጋር ስትወዳደር፣ የአዕምሮ ሰላምህን ታጣለህ እና የሌላን ሰው መንገድ ትከተላለህ፤ ይህም ነፍስህን መቼም አያረካውም። በሌላ በኩል፣ ከራስህ ጋር መወዳደር መሻሻል የሚያስፈልግህን እንድታይና ቀድመህ በደንብ የሰራህበትን እንድታደንቅ ያደርግሃል። ከማንም ጋር በውድድር ውስጥ አትሁን እና ሁልጊዜ ከትናንቱ ማንነትህ የተሻለ ለመሆን ሞክር።

እወዳችኋለሁ!

22/08/2017 ዓ.ም)

ተዋነይ - Tewanay

Telegram: Contact @Nuwisdom