First Hello World
Compartir
11/06/2026
Rama, jep dorëheqjen!
Shqipëria është e shqiptarëve, jo e pushtetit!
Zëri i qytetarëve nuk mund të blihet, nuk mund të trembet dhe nuk mund të heshtet. Shqipëria kërkon liri, drejtësi dhe një qeveri që i shërben popullit, jo vetes.
Dita e 11 e protestës : qytetarët mbushin bulevardin, rreshti nuk kishte fund
Dje shënoi ditën e 11-të të protestës qytetare, ku siç shihet edhe nga pamjet filmike, mijëra qytetarë mbushën sheshin dhe bulevardin në Tiranë, në një varg të gjatë që dukej se nuk mbaronte.
Pjesëmarrja masive rrëzon çdo përpjekje për ta minimizuar zërin e qytetarëve të lirë. Ndaj, i bëjmë thirrje kryeministrit Rama të mos dërgojë më Zeqinën për të “numëruar” protestuesit, sepse kur arsimi prodhon bindje dhe jo mendim kritik, faji nuk është vetëm i individit, por i sistemit që e ka formuar.
Sheshi flet vetë. Dhe dje foli më fort se çdo propagandë.
Protestat vazhdojnë. Sot, në orën 18:00, ju presim në shesh.
Për çlirimin nga pushtuesit e rinj.
Për çlirimin nga autokracia.
Për çlirimin nga oligarkët që po i marrin frymën këtij populli dhe këtij vendi.
Ky nuk është vetëm një tubim.
Është zëri i një Shqipërie që nuk pranon më të nënshtrohet.
Sot, ora 18:00. Në shesh.
Për liri. Për drejtësi. Për Shqipërinë.
11/06/2026
Ndërsa media jonë hesht, bota po flet për zërin e të rinjve
Ndërsa një pjesë e medias shqiptare, e kapur nga interesat e krimit, pushtetit dhe propagandës, zgjedh të heshtë për protestën qytetare, mediat ndërkombëtare nuk po e injorojnë dot zërin e rinisë shqiptare.
Të rinjtë janë kthyer në jehonën më të fortë të një Shqipërie që kërkon drejtësi, liri dhe dinjitet. Ata nuk po dalin në shesh për parti, por për të ardhmen e tyre, për vendin që duan të ndërtojnë dhe për një shtet që nuk duhet të mbahet peng nga korrupsioni.
Kur media vendase hesht, e vërteta gjen rrugë tjetër. Dhe sot, zëri i të rinjve shqiptarë po dëgjohet përtej kufijve.
Shqipëria e re po flet. Kush hesht sot, po mban anën e së vjetrës.
Haga clic aquí para reclamar su Entrada Patrocinada.
