Caba Express

📌 للناس لي راهي تحوس على التعليمة الكاملة الخاصة بقانون الاستيراد المصغر (الكابة)
🔗 تلقاو الرابط كامل في أول تعليق

🔴 جديد الاستيراد المصغر (كابة) 🔴

السلام عليكم ليكيب ✋
كاين بزاف ناس راهم يسقسيو على الرخصة العامة لممارسة نشاط الاستيراد المصغر …
اليوم نحب نشارككم خبر مهم: الرخصة بداو يمدوها رسمياً عبر موقع المقاول الذاتي ✅

📌 حسب بعض الأخبار:

كاين لي خرجتلهم الرخصة ديجا 👌

و كاين لي مزال تخرجلهم بالعقل 🕐

🔔 هذي مجرد بداية، وكاين مستجدات كثيرة قادمة في الأيام الجاية…
لهذا تابعونا بش مايفوتكم حتى خبر جديد 🚀

اليوم عندنا تجربة احد متابعي الصفحة و اعضاء القروب في الغاء بطاقة المقاول لظروف شخصية :

السلام عليكم ورحمة الله وبركاته،
لأسباب وظروف شخصية قمتُ بإلغاء بطاقة المقاول الذاتي بعد أكثر من عام ونصف (منذ مارس 2024). ونظراً لكثرة التساؤلات وقلة المعلومات حول هذا الموضوع، حبيت نشارك معكم الخطوات بالتفصيل (دعوة خير فقط إخوتي):

1. تسوية الوضعية المالية
لازم تكون مخلص جميع مستحقاتك ومسوي وضعيتك لدى:
كازنوس: 24.000 دج سنوياً
مصلحة الضرائب: 10.000 دج سنوياً
ملاحظة: حتى لو كنت مسجل يوم واحد فقط، لازم تدفع المستحقات كاملة.

2. الحصول على شهادة التسوية
تخرج Attestation de mise à jour de situation من كازنوس (تقدر تطلبها من منصة Damancom).

3. تقديم طلب الإلغاء عبر المنصة
تدخل إلى منصة المقاول الذاتي (anae dz) وتقدم طلب إلغاء، مع إرفاق شهادة Attestation de mise à jour de situation الصادرة عن كازنوس.

4. تحميل طلب الإلغاء
ستظهر لك وثيقة بعنوان Demande de résiliation de l’inscription (بصيغة PDF)، تقوم بتحميلها وطباعتها.

5. إرسال الملف
ضع في ظرف كل مما يلي:
طلب إلغاء الاشتراك (Demande de résiliation)
نسخة من Mise à jour de situation Casnos
بطاقة المقاول الذاتي

ثم أرسل الظرف عبر رسالة مضمونة (lettre recommandée) إلى العنوان التالي:
وزارة اقتصاد المعرفة والمؤسسات الناشئة والمؤسسات المصغرة، عمارة 46، شارع محمد الخامس، الجزائر العاصمة، 16000، الجزائر.

6. الحصول على شهادة الشطب
بعد حوالي أسبوع إلى 10 أيام، ستلاحظ أن البطاقة لم تعد مفعلة في المنصة، وتظهر لك شهادة شطب من السجل الوطني للمقاول الذاتي.
قم بتحميلها وطباعتها (نسختين).
سلّم نسخة إلى كازنوس من أجل الشطب لديهم، واطلب Attestation de non-affiliation.
قدم نسخة ثانية إلى مصلحة الضرائب مرفقة بوصل الدفع للسنة الجارية (Quittance).

وبهذا تكون قد سويت وضعيتك وألغيت اشتراكك بشكل نهائي.

و السلام عليكم ورحمة الله وبركاته.

✈️ خط جديد ومباشر من الجزائر إلى غوانزو!

الخط الجديد نحو غوانزو (الصين) أصبح متاحًا عبر الخطوط الجوية الجزائرية، ابتداءً من 96.000 دج فقط للرحلة المباشرة!

🔥 وعلاوة على ذلك، كاين عرض تخفيض 30% على جميع الدرجات و على جميع رحلات الخارجية!
✅ فترة الحجز: من 21 أوت إلى 4 سبتمبر 2025
✅ فترة السفر: من 1 سبتمبر 2025 حتى 28 مارس 2026

📌 وش يعني لك هذا كشخص يخدم كابة؟
✔️ أسعار أقل = مصاريف سفر أقل
✔️ إمكانية جلب سلعة مباشرة من المصدر

👉 هل تشوف هذي فرصة لتوسيع نشاطك التجاري؟ شاركنا رأيك

هل هذا بداية عهد جديد؟ ولا مجرد حل مؤقت؟

وزارة التجارة والمالية خرجو بقرار جديد 🔥: 📌 كل السلع لي كانت عالقة قبل 3 أوت، راح تخرج من الموانئ والمطارات والمناطق الجمركية
📌 ترخيص استثنائي، مهما كان نوع السلعة

✅ بزاف تجار وناس تستورد، فرحوا بهذي الخطوة بعد معانات طويلة مع حجز السلع لكن السؤال يطرح نفسو:

📣 هل هذا قرار يدل بلي الجزائر راهي داخلة في إصلاحات حقيقية؟
ولا مجرد حل مؤقت لأزمة قديمة؟

🔽 قولولنا في التعليقات:
هل تشوفوه انفراج؟ ولا مجرد حل مؤقت؟




#الجمارك
#الموانئ


#الكابة
#البيروقراطية

جديد من أوروبا: نظام رقمي جديد رايح يبدّل قواعد السفر 🔁
📆 ابتداءً من 12 أكتوبر ، الاتحاد الأوروبي رايح يطبّق نظام جديد لمراقبة الحدود اسمو:
"نظام الدخول/الخروج – EES"
📍 يعني ماكاش أكثر ختم يدوي على الباسبور!

✅ وش رايح يتغيّر لجماعة الكابة والمسافرين بصفة عامة؟

🔹 الختم اليدوي رايح يتبدل بنظام إلكتروني فيه:

تسجيل معلوماتك الشخصية
البصمات
تاريخ الدخول والخروج

🔸 النظام رايح يتطبق تدريجياً على أغلب دول شنغن، ومع الوقت راح يولّي هو الوسيلة الوحيدة لمراقبة الحدود.

⚠️ التأثير على جماعة الكابة:

🔻 أي تجاوز في الإقامة (90 يوم) رايح يبان تلقائياً
🔻 النظام يراقب بدقة، يعني لازم تكون أمورك قانونية

✅ النقطة الإيجابية هي:

💼 جواز سفرك ما راحش يستهلك صفحاته بسرعة بالختم!
🔹 هذا يعني تقدر تدير تنقلات أكثر بنفس الجواز
🔹 مفيد خاصة للناس لي تسافر بزاف، وتدخل/تخرج بشكل منتظم

📲 تابعونا، نزيدو نجيبولكم كل جديد من أوروبا ونفسروه بطريقة بسيطة وواضحة.


#شنغن

ناس بزاف تسقسينا:
"نقدر ندير بطاقة مقاول ذاتي نشاط الاستيراد المصغر ونجيب السلعة من برا عن طريق الشحن ؟"
ولا "نبعثها مع واحد ويدخلها باسمي؟"

للأسف، الجواب هو: ❌ لا، هذا غير ممكن.

✅ حسب المرسوم الرئاسي،
الاستيراد المصغر لازم يكون شخصي، يعني صاحب البطاقة هو لي يهبط بنفسو ويجيب السلعة بيدو، سواء عبر المطار أو الميناء، وماشي بالشحن أو التوصيل.

📸 راح نزيدلكم صورة من المرسوم باش تشوفو بعينيكم.

⛔ أي طريقة أخرى تعتبر مخالفة و ممكن تسببلك مشاكل في حصولك على الرخصة في المستقبل.

📲 تابعونا للمزيد من التوضيحات والنصائح القانونية باش تخدم قانوني وتفهم كل خطوة.

الرخصة العامة… واش راه صاري؟

كاينين بزاف لي راهم يستناو في الجديد على الرخصة العامة، هذي الرخصة المهمة لي تصدر من مصالح وزارة التجارة الخارجية لي راح تخلي المقاولين وناس الكابة لي يبداو يخدمو قانونيا.

📜 حسب المرسوم الرئاسي الجديد، الرخصة العامة رايحة تكون وسيلة قانونية جديدة تخلي عمليات الاستيراد بتنظيم اكبر.

🔄 لكن لحد الآن، مازال مابانتش التفاصيل الكاملة لوقتاه يبدا استخراجها و راهي توصلنا كثير من لسئلة بخصوصها
"واش لازم ندير و وقتاه تبدا تتطبق؟ وش تشترط؟"

📲 خلي عينك على الصفحة، أول ما يخرج جديد رسمي نوصلوه ليك بالتفصيل وبطريقة مبسطة، باش تكون ديما سابق الناس.

#الجزائر

كاينين بزاف يجو يسقسونا على كود النشاط ومالقاوش كيفاه يخيروا النشاط المناسب للكابة في بطاقة المقاول الذاتي.

✅ كود النشاط الخاص بالاستيراد المصغر (الكابة) هو: 080101
ويجي تحت اسم:
نشاط الاستيراد المصغر – L'activité de micro-importation

📌 يعني كي تسجّل فالبطاقة، لازم تختار هذا النشاط باش تكون خدمتك قانونية وتستورد السلع بطريقة منظمة وبدون مشاكل.

📲 تابعونا، كل مرة نمدولكم معلومات عملية وموثوقة تخليكم تبدأو صح فمجال الكابة.

من وين نشري سلعة الكابة؟ 🇩🇪🇫🇷🇪🇸

سلسلة جديدة نشارككم فيها أفضل الأماكن وين تلقاو سلع مربحة وسهلة الاستيراد في إطار "الكابة القانونية" 💼✈️

🟣 الجزء الأول: مستحضرات التجميل في ألمانيا – 💄🇩🇪

اليوم نحكو على واحدة من أكثر السلع المطلوبة في السوق:

مواد التجميل – الكوسمتيك

🔸 وين تلقاها؟ في محلات DM Drogerie Markt
محل معروف على مستوى ألمانيا، فيه ماركة حصرية اسمها:

Balea – بياليه

✅ جودة ممتازة
✅ أسعار شعبية
✅ منتجات متنوعة (عناية بالبشرة، الشعر، الجسم...)

🛍️ الطلب عليها كبير بزاف فالجزائر، وخاصة للبنات والتجّار الصغار لي يبيعو في إنستغرام وتيك توك.

💡 كيفاش تربح أكثر؟

📲 حمل تطبيق DM
كاين كوبونات وتخفيضات دورية على مواد التجميل
✅ استغلّها باش تشري السلعة أرخص، وتربح فرق كبير وقت البيع في الجزائر.

📢 تابعنا باش نشارك معاك أي كوبون جديد يظهر 🔔
📍وما تنساش، الجزء الجاي راح يكون من مارسيليا، معشوقة الجزائريين ❤️
وين تلقى متاجر الجملة لشراء العطور والكوسمتيك مباشرة!

#مارسيليا

fb.me