Khuru Monastery

ད་རིས་གཟའ་ཚེས་དགེ་བའི་ཉིན་མར་དཔལ་འབྲུག་པ་རིན་པོ་ཆེ་མཐུ་ཆེན་ཆོས་ཀྱི་རྒྱལ་པོ་ངག་དབང་རྣམ་རྒྱལ་གྱི་སྐུ་གསུང་ཐུགས་རྟེན་ཁྱད་པར་ཅན་གྱི་ཚབ།། སྐུ་འདྲ་ཁམས་གསུམ་ཟིལ་གནོན་དང་སྐྱབས་རྗེ་རྡོ་སློབ་ཀྱི་དབུ་གཙོས་སློབ་ལྷན་རྒྱས་རྣམས་དང་དགེ་འདུན་འཕགས་ཚོགས་འདུས་པ་རྒྱ་མཚོ་རྣམས།། དབྱར་གྱི་བཞུགས་གནས་ལས་སླར་དགུན་གྱི་བཞུགས་སྤུངས་ཐང་ཁར་ཕེབས་སྐབས་སུ།། ཡུམ་འཕྲིན་ལས་ཆོས་སྒྲོན་མཆོག་དང་ཞིང་བཤེགས་དམ་པ་ཡབ་རྡོ་རྗེ་མཆོག་གི་ཐུགས་དགོངས་བཞིན་ཁུ་རུ་འོག་མིན་རྔ་ཡབ་ཆོས་གླིང་ལྷ་ཁང་ནང་གདན་འདྲེན་བཞུགས་ཡོད་མི་ལུ།།ལེགས་པའི་ཕྱོགས་སུ་རྟེན་འབྲེལ་བཟང་པོ་བསྒྲིགས་པའི་སྒོ་ལས་ང་བཅས་ནང་བཞུགས་ཡོད་པའི་བླ་སློབ་དགེ་འདུན་པ་རྣམས་དང་།། ཁུ་རུ་ཐང་ཁྲོམ་སྡེའི་ཚོང་པ་ཡོངས་ཀྱིས་དད་གུས་སྤྲོ་གསུམ་ཆེ་བའི་སྒོ་ལས་རྟེན་ཁྱད་པར་ཅན་དང་འཕགས་པའི་དགེ་འདུན་པ་རྣམས་ཀྱི་སྤྱན་སྔར།། བཞུགས་གྲལ་ཕུན་སུམ་ཚོགས་པའི་ལས་རིམ་དང་ཉིན་མའི་གསོལ་བ་དྲངས་བའི་སྐལ་བཟང་གི་སྒོ་སྐབས་ཐོབ་མི་ལུ་ཧ་ཅང་གི་དགའ་བ་ཚད་མེད་བྱུང་ཡོད།། དགེ་ལེགས་སུ་གྱུར་ཅིག།།

Welcome to khuru lhakhang ..have a great day everyone 🙏