Papupek Animation

CONAN FILM CHIN ( FALAM ) VERSION THU

CONAN film, Chin ( Falam) ttong ih kan lehcia-mi cu Part 8 nak tawite lawng post ding ka nei thlang. Hi Conan Film hi a sau zet ih Falam ttong ih kan leh hrih lo mi n**i 8 hours sung daih saupi a um lai.
Himi Film 2016 ah Falam ttong ih kan leh lai ih aw thawhtu pawl kha tu ah cun hmun dangdang ah kan um darh zo ih peh bet vivo ding hi a har zet. A zoh peihtu an tam zet ih ramdang ih um kan Laimi nauhak pawl in kan ttong an zirnak le an theihnak ding ih thil tha zet a si ti ah kan ruat.
Cuiruangah aw thawhtu pawl kha Facebook Messanger ihsin voice record tuah in leh bet vivo teh kan remcang pei maw ka rak sut hai ding ih kan rak tum phot ding.
Himi peh ding hin kei hi ka busy deuh ih duh vekin caan ka pe thei lo, Sponsor um lo cun aw thawhtu pawl laksawng pek ding ka remcang thei lo. Himi Conan film hi sum ngahnak ding ah Youtube ih post a ngah lo, a film neitu Japan pawlin Copy right an claim ruang ah facebook ih post men men lawng a ngah. Kan Lai ttong somnun vivo nak ding ruatin Facebook ih post rero men lawng a ngahmi a si ruangah peh vivo hi a har zet.
Facebook Messanger ihsin aw thawhkhawm ih Falam ttong ih let peh vivo dingin ka rak tum sin ding ih a remcang ding le ding lo cu hi mi ka page PAPUPEK ah hin thu ka run than sal ding.
Lungawi.