ALKIG - Albanische Kultusgemeinde

Në tetë vjetorin e ndarjes nga jeta e Mr. Muhidin Ahmetit ju rikujtojmë jetën dhe veprimtarinë e tij, permes dokumentareve. Mr. Muhidin Ahmeti nderroi jetë me 5 korrik 2018 në Wels dhe u varros me 7 korrik në Prizren. Allahu e mëshiroftë dhe e shpërbleft me xhenet.

Pjesa e parë

https://m.youtube.com/watch?v=Ezwdtkfm3qU&ra=m

Pjesa e dytë

https://m.youtube.com/watch?v=VsguB0F1kgQ&ra=m

Muhidin ef. Ahmeti - Hoxhë, studiues dhe edukator - Pjesa 1 Pjesa e parë e dokumentarit kushtuar jetës dhe veprës së Msc. Muhid...

U mbajt promovimi i librave të autorit Ilmi Tahiri në Vjenë

Mbrëmë, në një atmosferë të ngrohtë kulturore u mbajt promovimi i librave të autorit kosovar Ilmi Tahiri, i organizuar nga Unioni i Shqiptarëve Myslimanë në Austri.

Programin e udhëhoqi Munir Spahiu, ndërsa për jetën dhe veprimtarinë e autorit foli Besim Abdullahu, i cili paraqiti një pasqyrë të biografisë dhe kontributit të tij në letërsinë shqiptare.

Në emër të organizatorit, kryetari i Unionit të Shqiptarëve Myslimanëve në Austri, Vahidin Beluli, theksoi rëndësinë e promovimeve të tilla për ruajtjen dhe kultivimin e gjuhës, kulturës dhe identitetit kombëtar në diasporë, duke nënvizuar se libri mbetet një urë e rëndësishme lidhëse mes brezave dhe atdheut.

Më pas, autori Ilmi Tahiri shpalosi rrugëtimin e tij letrar, duke folur për krijimtarinë, motivet që e kanë frymëzuar dhe mesazhet që përcjellin veprat e tij.

Të pranishmit treguan interesim të madh për librat e autorit, morën pjesë në diskutime dhe blenë disa prej veprave të promovuara.

Në fund kryetari i Unionit i ndau një mirënjohje autorit, si dhe autori i dhuroj Unionit nga një ekzemplar të 7 veprave të tij poetike.

Falënderojmë autorin Ilmi Tahiri për praninë e tij, të gjithë pjesëmarrësit për interesimin e treguar, si dhe të gjithë ata që kontribuuan në organizimin e këtij aktiviteti kulturor.

Shpresojmë që edhe në të ardhmen të organizojmë veprimtari të ngjashme, të cilat pasurojnë jetën kulturore të komunitetit tonë në Austri.