PrimeNet Yerevan

У многих есть идеи, но идея и бизнес — это не одно и то же.

Готовы начать свой бизнес? Проверьте себя Прежде чем начинать свой бизнес, стоит задуматься, зачем вы это делаете, и с какими трудностями придется столкнуться. Проверьте, готовы ли вы к стартапу или лучше поискать удачи в другой сфере?

Տարածված սխալները բանակցությունների ժամանակ

1. Տրամաբանել զրուցակցի փոխարեն
Հիմք ընդունելով մեր սեփական փորձը մենք նախապես պատկերացնում ենք, թե ինչպիսի պատկերացումներ ունի մեր ընդդիմախոսը: Ավելի ճիշտ է հարցեր տալ, իմանալ նրա կարծիքը, համապատասխան հետևություններ անել և բանակցությունները կառուցել հիմնվելով իրական պատկերի վրա:

2. Տեսնել բանակցություններում միայն ռացիոնալ կողմը: Բանակցությունների կողմերը կենդանի մարդիկ են, պետք է միշտ հիշել, որ դրական էմոցիաները ավելի հետաքրքիր կդարձնեն բանակցությունների ընթացքը, կօգնեն, որպեսզի հակառակ կողմը ավելի հեշտ ընդառաջի:

3. Բանակցություններ վարել սխալ մարդկանց հետ: Կարևոր է գործ ունենալ նրա հետ, ով որոշումներ է կայացնում: Եթե որոշումների ընդունումը դա կոմպլեքս գործընթաց է, ապա կարևոր է իմանալ, թե ով է պատասխանատու բանակցությունների տվյալ փուլում որոշում կայացնելու համար:

4. Չտեսնել կարևորը և դոփել տեղում: Պետք է միշտ հստակ իմանալ, թե ինչ արդյունք եք ակնկալում բանակցություններից: Արդարացնել սեփական անհաջողությունը բանակցություններում նրանով, որ պետք էր հանդիպել, շփվել, ինչ-որ մի բան ճշտել – դա նշանակում է դոփել տեղում: Բանակցություններից հետո պետք է միշտ գնահատել արդյունքը: Դուք ունեք դրական կամ բացասական պատասխան – դա արդյունք է, եթե ունեք «հնարավոր է» պատասխանը – դա արդյունք չէ:

5. Թույլ դիքորորշումով գնալ բանակցությունների: Որոնք են թույլ դիրքորոշումները: Ինձ սա պետք է ամեն գնով, ես բոլոր դեպքերում պետք է ունենամ դրական պատասխան – այս դորքորոշումները ձեզ թույլ են դարձնում և խոցելի:

6. Չտեսնել սեփական սխալները: Չի կարելի սեփական անհաջողությունները արդարացնել այնպիսի փաստարկներով, ինչպիսիք են – նրանք շատ հզոր են, նրանք են թելադրում պայմանները և այլն: Պետք է միշտ վերլուծել սեփական գործողությունները և հասկանալ, թե որ գործողությունները բերեցին բացասական արդյունքի:

7. Վիճել և ապացուցել: Վեճը դա պայքարի գործիք է, իսկ բանակցություններում կարևորը համագործակցությունն է: Սեփական տեսակետը պետք չէ ապացուցել, այլ պետք է հիմնավորել ճիշտ փաստարկներով: Պետք է նախապես մտածել փաստարկումը բանակցություններից առաջ: Իսկ փաստարկների հետևում կարգնած են փաստերը այլ ոչ ենթադրությունները:

8. Հակադարձել առարկություններին: Պետք չէ աշխատել առարկությունների հետ: Պետք է հասկանալ որոնք են դրանց պատճառները: Դրանք մի քանիսն են՝ չվստահելը, վախը, անվստահությունը: Եթե չկա վստահություն, օրինակ, ձեր կողմից ներկայացվող ապրանքի որակի հանդեպ, ապա անիմաստ է խոսել շահույթի մասին:

9. Հույսը դնել հրաշքների վրա և չունենալ բանակցությունների քարտեզ: Բանակցությունները դա գործընթաց է, որը պետք է կառավարել: Նախապատրաստման ժամանակի 90% պետք է ծախսել բանակցությունների քարտեզը ստեղծելու վրա: Դա հնարավորություն է տալիս գնահատել յուրաքանչյուր հաջորդ քայլը և հասնել ավելի լավ արդյունքի:

Կոշտ բանակցություններ

Գործնական բանակցությունների համընդհանուր կանոնները կիրառելի են այն դեպքերում, երբ քննարկվող խնդիրները վերաբերվում են պարզ իրավիճակների: Սակայն լինում է այնպես, որ բանակցության առարկան չլուծված կոնֆլիկտն է: Բանակցությունների ինչպիսի՞ ռազմավարություն ընտրել այս դեպքում:

Առաջինը. պետք է ցույց տաք, որ զինված եք և խաղում եք ձեր կանոններով:

Երկրորդը. եթե կոշտ բանակցություններն արդեն սկսվել են, պետք է կարողանալ փոխել իրադարձությունների ընթացքը, կոտրել այն սցենարը, որը ձեր օգտին չէ, ձգձգել բանակցությունները, գտնել կոնֆլիկտից դուրս գալու ելքերը:

Երրորդը. կոշտ բանակցություններում հաղթում է նա, ով ճկունություն է դրսևորում:

Չորրորդը. երբ վարում եք կոշտ բանակցություններ, պետք է հոգեբանորեն պատրաստ լինեք ծայրահեղ միջոցների: Իհարկե, կոշտ բանակցությունները դա վերջին քայլն է, որին պետք է դիմել:

Պետք է հիշեք նաև, որ եթե ամեն կերպ խուսափում եք կոշտ բանակցություններից, կան շատ մարդիկ, ովքեր կիրառում են դրանք ձեր հանդեպ: Որպես կանոն, մարդիկ չեն էլ նկատում, թե ինչպես է իրենց հանդեպ ճնշում գործադրվում:

Ցանկացած բիզնես հիմնված է մարդկանց միջև փոխհարաբերությունների վրա: Այդ պատճառով երկարատև և վստահելի հարաբերություններ ստեղծել ու պահպանելը շատ կարևոր է: Դա է սովորեցնում նեթվորքինգը, որի էությունը կայանում է օգտակար կապերի լայն ցանցի ստեղծման մեջ:

Նեթվորքինգի սկզբունքները

Նեթվորքինգը հիմնաված է այն գաղափարի վրա, թե ինչով կարող եք օգտակար լինել ուրիշին, քանի որ դիմացինի արժեքավոր լինելը ձեզ համար արդեն ակնհայտ է: Շրջապատին օգտակար լինելու ձեր անկեղծ ցանկությունը բումերանգով կվերադառնա, օրինակ, կարող եք համագործակցության առաջարկ ստանալ կամ կարևոր տեղեկատվություն, որը կօգնի ձեր գործին: Այս ամենից մի հետևություն՝ հայկական «եղունգ ունես գլուխդ քորի» ասվածը որպես նեթվորքինգի կանոն չի աշխատում: Ինչ է նեթվորքինգը, լավ երևում է այս կանոնից. միավորել գործընկերներին և ընկերներին փոխշահավետ է և հետաքրքիր: Կարևորը մարդկանց ճիշտ միմյանց ներկայացնելն է:
Այդպես, ծանոթանալով, նրանք միմյանց մասին նորություններ են իմանում, խոսում են ձեր և իրենց գաղափարների մասին: Ավելի քիչ ծախսերով և առավելագույն արդյունավետությամբ իրագործում են իրենց հնարավորությունները և ծրագրերը ընկերների և ծանոթների օգնությամբ:

Սովորեք լինել հաճելի զրուցակից և հիշեք, որ զրույցը ճիշտ վարելու դեպքում կոնֆլիկտային իրավիճակից էլ կարելի է օգուտ քաղել, իսկ ճգնաժամը կարող է հնարավորություն դառնալ կարիերայի կամ բիզնեսի զարգացման համար:

Ի՞նչ է նեթվորքինգն իրականում: Դա ծանոթություն չէ «պետքական» մադկանց հետ: Դա հարաբերությունների էթիկա է, որտեղ ամեն ոք իր էությամբ է հանդես գալիս: Դա կյանքի ոճ է, որտեղ շփումը ելակետ է հանդիսանում, ինքնազարգացման և ինքնակրթման միջոց: Նեթվորքինգը ավելի լայն է քան բիզնես-հարաբերություններ հասկացությունը: Որպես կենսակերպ այն կիրառելի է բոլոր սոցիալական խմբերի համար: