PEEt-EI

Filluan regjistrimet:

forms.office.com

Në kuadër të projektit “Jean Monnet Module” në fushën e Arsimit të Lartë, më 15 Dhjetor 2025 u organizua një leksion i hapur në modulin “Histori e Mendimit Ekonomik”, me pjesëmarrjen e studentëve të vitit të parë të programit BsC Financë në Fakultetin e Ekonomisë, Universiteti i Tiranës. Prof. Asoc. Dr. Leontiev Çuçi, mbajti këtë leksion me fokus kryesor rolin e ndërhyrjes shtetërore në ekonomi, veçanërisht në parandalimin dhe menaxhimin e krizave, si dhe rëndësia e politikave fiskale për të nxitur zhvillimin në kontekstin e integrimit evropian.

Projekti Jean Monnet në fushën e Arsimit të Lartë: Moduli “Histori e Mendimit Ekonomik” ka hyrë në vitin final të implementimit. Në kuadër të këtij projekti është zhvilluar një leksion I hapur me studentët e Fakultetit të Ekonomisë, Universiteti i Tiranës viti I 1, BsC në Financë Ky leksion u fokusua në: ” Rrugëtimin e Shqipërisë drejt BE. Tashmë më afêr se kurrë në familjen Europiane.
Në leksionin e mbajtur nga z. Kasmi, u theksua rruga e deritanishme e Shqipërisë drejt BE, hapat e ndjekura, progresi në kapitujt e “acquis”, metodologjia e zgjerimit, përparësitë e procesit të Berlinit, avantazhet/disavantazhet dhe përfitimet e Ballkanit të Hapur, marrëveshjet e arritura midis vendeve si dhe ti përgjigjet pyetjeve të ndryshme rreth mbylljes së kësaj nisme midis vendeve të Ballkanit.

Me studentët e vitit të parë të programit Msc Ekonomiks, Fakulteti i Ekonomisë, UT, prezantuam analiza dhe diskutime mbi objektivat e Agjendes 2030 të Zhvillimit të Qëndrueshëm (SDG). Studentêt të organizuar në grupe të vogla, hartuan "Policy Brief" duke u fokusuar ne një nga objektivat e SDG. Në diskutimet e tyre, ata trajtuan tematika me rëndësi si: politikat për një arsim cilësor, zero uri, jo varfëri, uji i pastër, barazi gjinore, paqe drejtësi dhe institucione të forta etj. Mendimi kritik dhe aftësitë kërkimore, case study, nxitën diskutime aktive duke sjellë një ndërthurje të vlefshme mes teorisë dhe praktikës. Ata sollën sugjerime të argumentuara mbi mënyrat për përmirësimin e eficiencës së politikave në Shqipëri. Aktiviteti u zhvillua në kuadër të projektit PEEt-EI.

Me studentët e vitit të tretë të programit BsC Ekonomiks, Fakulteti i Ekonomisë, UT, prezantuam analiza dhe diskutime mbi politikat monetare të Bashkimit Evropian dhe Shqipërisë. Në diskutimet e tyre, ata trajtuan tematika me rëndësi si roli i Bankës Qendrore, inflacioni, dhe ndikimi i normave të interesit në stabilitetin ekonomik. Mendimi kritik dhe aftësitë kërkimore, nxitën diskutime aktive duke sjellë një ndërthurje të vlefshme mes teorisë dhe praktikës. Ata sollën sugjerime të argumentuara mbi mënyrat për përmirësimin e eficiencës së politikës monetare në Shqipëri, duke theksuar rëndësinë e transparencës, koordinimit ndërinstitucional dhe përgatitjes për integrimin europian. Aktiviteti u zhvillua në kuadër të projektit PEEt-EI.

Dita e tretë e Shkollës Verore, e zhvilluar më 30 prill 2025, ishte e përqendruar në angazhimin aktiv të studentëve dhe thellimin e reflektimit mbi rolin e tyre në proceset e integrimit evropian të Shqipërisë. Aktivitetet e kësaj dite synuan të forconin aftësitë analitike dhe bashkëpunuese të pjesëmarrësve, duke i nxitur ata të shprehin pikëpamjet dhe idetë e tyre në mënyrë të argumentuar dhe krijuese. Gjatë kësaj dite u zhvilluan prezantimet e projekteve të përgatitura nga vetë studentët mbi temat e trajtuara gjatë shkollës verore. Projektet pasqyronin tema të ndryshme të lidhura me sfidat ekonomike, sociale dhe institucionale të integrimit evropian, duke propozuar zgjidhje të bazuara në praktikat më të mira evropiane. Pas vlerësimit të projekteve mbi bazën e qartësisë, kreativitetit dhe aplikueshmërisë së ideve të propozuara, u shpallën projektet më të spikatura dhe u ndanë certifikata pjesëmarrjeje. Shkolla verore u mbyll me një sesion përmbyllës reflektues, gjatë të cilit u shprehën komentet dhe përshtypjet nga pjesëmarrësit dhe organizatorët. Kjo ditë finale shërbeu jo vetëm si një përmbyllje e suksesshme e tre ditëve intensive, por edhe si një nxitje për të rinjtë që të vazhdojnë të angazhohen në mënyrë aktive në rrugën drejt një të ardhmeje evropiane për Shqipërinë.

Në kuadër të projektit “Jean Monnet Module” në fushën e Arsimit të Lartë: Moduli “Histori e Mendimit Ekonomik”, në Fakultetin e Ekonomisë në Universitetin e Tiranës, u zhvillua Shkolla Verore me temë “Shqipëria në rrugëtimin e saj drejt BE-së: Perspektivat dhe mundësitë për një të ardhme Evropiane”. Gjatë dy ditëve të para të këtij aktiviteti të organizuar në datat 28 - 30 prill 2025, pjesëmarrësit morën pjesë në sesione interaktive dhe diskutime të thelluara mbi integrimin evropian të Shqipërisë në disa prej sektorëve kyç të zhvillimit. U trajtuan tema që lidhen me sigurinë financiare, integrimin e tregjeve në Bashkimin Evropian, si dhe përafrimin e sektorit të bujqësisë me standardet evropiane në fushat e sigurisë ushqimore, mbrojtjes së mjedisit dhe cilësisë së produkteve. Aktivitetet u shoqëruan me diskutime të hapura dhe angazhime nga pjesëmarrësit mbi sfidat dhe mundësitë që paraqiten në këto fusha. Inovacioni dhe sipërmarrja ishin temat e trajtuara dhe përzgjedhura nga studentët për tu trajtuar. Studentët u njohën dhe me elementë të rëndësishëm të pronësisë intelektuale dhe industriale sipas legjislacionit të BE-së. Gjithashtu, pjesëmarrësit u përfshinë në aktivitete praktike dhe ndërvepruese, si dhe në diskutime mbi financimin e start-up-eve dhe sfidat që përballojnë inovatorët e rinj në Shqipëri.

Në kuadër të projektit “Jean Monnet Module” në fushën e Arsimit të Lartë, më 24 prill 2025 u organizua një leksion i hapur në modulin “Histori e Mendimit Ekonomik”, me pjesëmarrjen e studentëve të vitit të tretë të programit BsC Ekonomiks në Fakultetin e Ekonomisë, Universiteti i Tiranës. Prof. Asoc. Dr. Leontiev Çuçi, mbajti këtë leksion me fokus kryesor rolin e ndërhyrjes shtetërore në ekonomi, veçanërisht në parandalimin dhe menaxhimin e krizave, si dhe rëndësia e politikave fiskale për të nxitur zhvillimin në kontekstin e integrimit evropian. Gjatë leksionit u trajtuan gjithashtu edhe zhvillimet bashkëkohore në politikën ekonomike globale, me një fokus të veçantë mbi politikat tregtare të administratës Trump. U theksua se rikthimi i proteksionizmit, rritja e tarifave dhe sfidimi i rregullave të tregtisë së lirë përfaqësojnë një qasje alternative ndaj globalizimit dhe kanë ndikime të theksuara në rendin ekonomik ndërkombëtar, si dhe në modelin e rritjes së vendeve në zhvillim. Diskutimet nxorën në pah nevojën për të përshtatur politikat ekonomike kombëtare me realitetet e reja globale dhe për të gjetur një ekuilibër ndërmjet rolit të shtetit dhe forcave të tregut, në përputhje me standardet dhe kërkesat e Bashkimit Evropian.

Në kuadër të “Projekti Jean Monnet në fushën e Arsimit të Lartë: Moduli “Histori e Mendimit Ekonomik” është zhvilluar një leksion I hapur me studentët e Fakultetit të Ekonomisë, Universiteti i Tiranës viti I BsC në Administrim Biznes. Ky leksion u fokusua në: ” Rrugëtimin e Shqipërisë drejt BE.
Në leksionin e mbajtur nga z. Kasmi, u theksua rruga e deritanishme e Shqipërisë drejt BE, hapat e ndjekura, progresi në kapitujt e “acquis”, si dhe nê metodologjinë e zgjerimit.