Kafe.al

Pse Veliaj ka fatkeqësisht të drejtë?

Nga Kafe.al

Erion Veliaj sot është në qendër të një beteje politike dhe juridike që ka tërhequr vëmendjen e opinionit publik. Kundër tij janë ngritur akuza nga më të rëndat që mund të përballojë një zyrtar i zgjedhur në Republikën e Shqipërisë. Janë akuza që, nëse vetëm një pjesë e tyre provohet në gjykatë, e çojnë drejt një dënimi që mund të kalojë 15 vjet burg. Ky është realiteti penal i Veliajt.

Por përtej këtij realiteti të ashpër, ekziston një tjetër aspekt, më pak i dukshëm, por politikisht shumë i rëndësishëm: mënyra sesi po organizohet shkarkimi i tij. Dhe pikërisht këtu qëndron paradoksi: pavarësisht se çfarë mund të ketë bërë, Veliaj ka fatkeqësisht të drejtë kur ankohet për mënyrën sesi po i merret posti.

Në çdo demokraci, funksionarët e zgjedhur kanë një mbrojtje të dyfishtë: nga ligji dhe nga vota e qytetarëve. Një kryetar bashkie nuk është thjesht një drejtor administrate, por një zyrtar që ka marrë besimin e qindra mijëra qytetarëve. Për këtë arsye, shkarkimi i tij duhet të bëhet me kritere shumë të qarta dhe me respekt të plotë për ligjin.

Në rastin e Veliajt, ky standard nuk është respektuar. Ai ka munguar në detyrë për më shumë se tre muaj, gjë që sipas ligjit përbën bazë për shkarkim. Por ky shkarkim nuk ndodhi më 10 maj , datë kur mbushej afati ligjor. Ndodhi katër muaj më vonë, në fund të shtatorit, pas një mbledhjeje të thjeshtë partie ku vendimi u mor nga autokrati Edi Rama dhe iu imponua Këshillit Bashkiak.

Kjo vonesë, kjo zgjedhje selektive për ta përdorur ligjin kur i intereson politikës, është arsyeja pse Veliaj ka të drejtë të thotë se procesi është i padrejtë. Sepse nuk është më ligji që po e shkarkon, por një vendim politik i marrë në zyrat e selisë së PS-së.

Një element tjetër që tregon se Veliaj po luan një betejë më të madhe sesa ajo brenda Shqipërisë është letra që ai i dërgoi Këshillit Bashkiak për t’u dëgjuar ditën e shkarkimit. Nuk ishte një letër për të shpëtuar postin, sepse e dinte se rezultati ishte i paracaktuar. Ishte një letër për të krijuar bazën e një ankimi të ardhshëm në Gjykatën e Strasburgut.

Kjo nuk është hera e parë që Shqipëria përballet me vendime të Strasburgut që e nxjerrin zbuluar shtetin shqiptar. Çdo vendim i marrë jashtë kritereve të ligjit, çdo vendim i imponuar politikisht dhe jo procedurialisht, shndërrohet më pas në një kosto financiare dhe morale për vendin. Dhe në këtë rast, gjasat janë që Veliaj, sado i sulmuar në planin e brendshëm, të dalë fitimtar në betejën ndërkombëtare.

Një nga elementët më të dhimbshëm të këtij procesi është sjellja e këshilltarëve socialistë në Këshillin Bashkiak të Tiranës. Shumica prej tyre janë aty falë Veliajt: ai i ka zgjedhur, ai i ka futur në lista, ai u ka dhënë një karrierë politike. Sot, ata do të ulin kokën dhe do të votojnë kundër njeriut që i solli aty.

Ky është një tregues i një klase politike të djegur, pa integritet, pa ide, pa moral-fatkeqesisht ata jane shumica te rinj. Janë thjesht ushtarë që ecin sipas urdhrave të partisë, edhe kur e dinë që vendimi është i padrejtë. Ky fenomen nuk është i ri në politikën shqiptare, por rasti i Veliajt e bën më të dukshëm se kurrë më parë: Shqipëria ka prodhuar një elitë të re politike që nuk i del zot as vetes, as qytetarëve, por vetëm udhëheqësit autorkat.

Pyetja më e madhe është: çfarë duhet të bëjë opozita në Këshillin Bashkiak?

Në pamje të parë, është tundues që opozita të marrë pjesë dhe të votojë për shkarkimin e Veliajt. Kjo do të dukej si një fitore politike ndaj një kundërshtari të fortë. Por në të vërtetë, kjo është një grackë e Ramës.

Arsyet janë të qarta:

1. Shkelja e ligjit nga mazhoranca, Opozita e ka kërkuar shkarkimin prej muajsh, por ajo kërkesë u injorua. Të marrë pjesë tani në votim, do të thotë të legjitimojë shkeljen dhe selektivitetin e pushtetit.
2. Loja e Ramës , Kryeministri e ka projektuar këtë proces për të vrarë politikisht Veliajn dhe për të dalë vetë i pastër. Pjesëmarrja e opozitës do ta bënte këtë skemë më të besueshme.
3. Zgjedhjet e pjesshme, Opozita duhet të mendojë për të ardhmen. Zgjedhjet e pjesshme në Tiranë janë afër. Një përplasje e hapur mes Ramës dhe Veliajt do ta dëmtonte më shumë kryeministrin sesa ish-kryebashkiakun. Në këtë kuptim, opozita përfiton më shumë duke mos marrë pjesë, duke e lënë PS-në të fundosë vetë njeriun e saj.

Nëse opozita bojkoton, dërgon disa mesazhe të qarta tek i burgosuri qe ka ende njerëz jashtë, struktura dhe besnikë :
• Nuk bëhet pjesë e lojërave të Ramës.
• Nuk legjitimon një proces politikisht të manipuluar.
• Ruajon kapitalin e saj për zgjedhjet e ardhshme.

Veliaj është politikisht i rrenuar dhe juridikisht i fundosur. Por mënyra sesi po shkarkohet e bën barrën më të rëndë për Ramën sesa për të. Sepse në fund të ditës, historia do ta kujtojë këtë proces jo si “shkarkimi i Veliajt”, por si një akt i njëanshëm i kryeministrit që përdori pushtetin për të eliminuar një rival të brendshëm.

Veliaj mund të ketë bërë shkelje të rënda. Ai mund të jetë fajtor për shumë prej akuzave që rëndojnë mbi të. Por kjo nuk justifikon që shkarkimi i tij të bëhet jashtë ligjit, në mënyrë selektive dhe me vendim politik. Demokracia nuk funksionon kështu.

Nëse opozita është e mençur, duhet ta kuptojë këtë lojë dhe të mos bëhet pjesë e saj. Shkarkimi i Veliajt është i pashmangshëm. Por mënyra sesi ndodh ky shkarkim, do të përcaktojë jo vetëm fatin e tij, por edhe imazhin e demokracisë shqiptare qe po neperkembet nga nje autokrat.

Prandaj sot, në këtë ironi të madhe të historisë, Veliaj ka fatkeqësisht dhe dramatikisht të drejtë.

Luks në kohë krize: Lavazhi i Ballukut tre herë në javë, me para publike

Në një vend ku qytetarët numërojnë lekët për të mbushur Ministria e Infrastrukturës dhe Energjisë ka një tjetër prioritet: larjen e makinave të zyrtarëve të saj, mes tyre edhe një Audi A8, që – si për ironi – është makina që përdoret nga vetë ministrja Belinda Balluku.
Në dokumentet zyrtare të tenderit të fundit, të zhvilluar më 28 mars 2025, ministria ka shpallur një prokurim me vlerë rreth 10 mijë euro për "shërbim lavazhi dhe tapicerie" për 10 automjete zyrtare. Në dukje një shërbim rutinë. Në thelb, një tjetër shembull sesi luksit personal i hapet rruga me financa publike.

Makina e ministres, mbi të gjithë

Sipas specifikimeve, Audi A8 që përdor ministrja ka një trajtim të veçantë. Ndërkohë që mjetet e tjera zyrtare lahen nga 2 deri në 10 herë në muaj, Audi i Ballukut kërkohet të lahet plot 12 herë çdo muaj – pra 3 herë në javë. Në një vit, kjo përkthehet në 144 larje për një veturë të vetme, me një ritëm që do ia kishin zili edhe klientët më të rregullt të një lavazhi luksoz.

Jo vetëm kaq. Lavazhi duhet të ndodhet brenda 2 km nga godina e Ministrisë, të punojë me dy turne, të jetë aktiv edhe të shtunave, të ketë të paktën katër punonjës, dhe të garantojë që asnjë makinë të mos presë më shumë se 30 minuta në radhë. Një listë kërkesash që më shumë i ngjan shërbimeve të një resorti 5 yje për automjete, sesa një nevoje të një institucioni shtetëror.

Tapiceri, orare strikte dhe zell për detaje

Në tender janë përfshirë edhe larjet e tapicerive për 10 mjete (3 vetura dhe 7 fuoristrada), ndërsa janë vendosur edhe orare të sakta për shërbimin – nga ora 07:00 deri në 09:00 – për çdo ditë të javës. Ky nivel kontrolli dhe organizimi mund të ishte për t’u duartrokitur... po të mos bëhej fjalë për larjen e makinave dhe jo shërbime bazike për qytetarët.

Ironikisht, teksa Shqipëria përballet me kriza sociale, mungesë investimesh në infrastrukturën rurale dhe shërbime publike në kolaps, ministria që duhet të merret me këto çështje është më e shqetësuar për të mos lënë makinat e saj të papastra.

Nga lavazhi te SPAK-u

Belinda Balluku, përveçse ministre e Infrastrukturës, është edhe zëvendëskryeministrja e vendit. Emri i saj është përmendur në dhjetëra denoncime publike për procedura të dyshimta tenderimi, ku dyshimet për përfitues të paracaktuar dhe shkelje ligjore janë kthyer në temë të përditshme në media. SPAK aktualisht ka në dorë disa kallëzime që lidhen me firmën e saj.

Në vend që të shërbejë si model i menaxhimit të kujdesshëm të parasë publike, ministria që ajo drejton po shfaqet gjithnjë e më shumë si një instrument për rehatinë e zyrtarëve të lartë. Me para që vijnë nga taksat e qytetarëve.

Gjykata e Posaçme e Apelit shtyn shqyrtimin e masës së sigurisë për Erion Veliajn

Seanca e Apelit për shqyrtimin e masës së sigurisë ndaj kryetarit të Bashkisë së Tiranës, Erion Veliaj, dhe të akuzuarve të tjerë u shty të martën pasdite, pasi mbrojtja kërkoi kohë për të shqyrtuar provat e reja të paraqitura nga SPAK.

Sipas përfaqësueses për të drejtën e informimit në Gjykatën e Posaçme të Apelit, Enida Demiraj, seanca do të vijojë të mërkurën në orën 12:30. Kjo shtyrje erdhi pas kërkesës së avokatëve, të cilët duhet të njihen me materialet e reja të dorëzuara si nga prokuroria, ashtu edhe nga mbrojtja e të pandehurve.

Ndërkohë, përpos provave të paraqitura nga SPAK, edhe avokatët e Veliajt dhe personave të tjerë të proceduar kanë dorëzuar materiale shtesë, duke kundërshtuar masat e sigurimit të vendosura më herët nga Gjykata e Shkallës së Parë. Ata argumentojnë se këto masa nuk janë të bazuara në ligj dhe kërkojnë lirimin e klientëve të tyre.

Erion Veliaj, i cili drejton Bashkinë e Tiranës që nga viti 2015 dhe është një nga figurat më të afërta të kryeministrit Edi Rama, u arrestua më 10 shkurt me akuzën e përfshirjes në një skemë korruptive që përfshinte kompani të lidhura me bashkëshorten e tij dhe biznesmenë të njohur. Prokuroria pretendon se transaksionet e përfshira në këtë aferë tejkalojnë vlerën e 1 milion eurove.

Përveç Veliajt, në paraburgim ndodhet edhe biznesmeni Elman Adule, ndërsa bashkëshortja e Veliajt, Ajola Xoxa, dhe pesë biznesmenë të tjerë janë lënë në “detyrim paraqitjeje”. Mes tyre janë Shkëlqim Fusha (kompania “Fusha”), Gentian Sula (“Agi Kons”) dhe Fatmir Bektashi (“Kontakt”). Nën hetim ndodhet edhe deputetja socialiste Klotilda Bushka, e cila akuzohet për pengim të drejtësisë në këtë çështje.

Pas arrestimit të tij, Veliaj e cilësoi procesin si të motivuar politikisht, duke sulmuar prokurorin e çështjes, Olsi Dado, dhe gjyqtarin Erion Bani përmes postimeve në rrjetet sociale. Ai publikoi gjithashtu një transkript të cilin SPAK e konsideroi të manipuluar, duke e interpretuar si përpjekje për të diskredituar prokurorinë.

Arrestimi i kryebashkiakut të Tiranës shkaktoi reagime të ashpra politike. Kryeministri Edi Rama e ka quajtur vendimin një sulm të padrejtë dhe një akt të motivuar politikisht nga institucionet e drejtësisë. Nga ana tjetër, kreu i SPAK, Altin Dumani, ka theksuar se prokuroria po vepron në mënyrë të pavarur dhe se askush nuk është mbi ligjin.

Seanca e radhës pritet të zhvillohet nesër, ku do të diskutohet kërkesa e mbrojtjes për lirimin e Veliajt dhe qëndrimi i prokurorisë mbi provat e reja.

Media e quajtur Dritare TV që drejtohet nga Rudina Xhunga dhe Dritan Hila ka 4 ditë që hedh video "të qytetarëve" që flasin PRO Erion Veliajt.

E vërteta është se kjo media ka marrë 270 milionë lekë nga buxheti I Shtetit në formën e "projekteve" pra për Propagandë ndaj qeverisë.

Kjo nuk është dhe nuk mund të jetë kurrë gazetari.

Ish-kandidati i Partisë Demokratike, Jolio Dine, i cili garoi në zgjedhjet parlamentare të viteve 2017 dhe 2021 si përfaqësues i opozitës në Sarandë, ka përfunduar në kampin e kundërshtarit politik. Dine, që ka është gjithashtu anëtar i Këshillit Kombëtar të Demokratëve Euroatlantik, është emëruar Drejtor i Investimeve në Bashkinë e Sarandës, e drejtuar nga socialisti Oltion Çaçi.

Jolio Dine: Nga kandidat i PD-së në Sarandë te drejtor i Rilindjes - Kafe   Ish-kandidati i Partisë Demokratike, Jolio Dine, i cili garoi në zgjedhjet parlamentare të viteve 2017 dhe 2021 si përfaqësues i opozitës në Sarandë, ka përfunduar në kampin e kundërshtarit politik. Dine, që ka është gjithashtu anëtar i Këshillit Kombëtar të Demokratëve Euroatl...

Në një kohë kur Shqipëria është në prag të zgjedhjeve parlamentare, vendimi i Kryeministrit Edi Rama për të mbyllur TikTok-un në vendin tonë ka shkaktuar një valë kritikash dhe shqetësimesh për të drejtat e njeriut, lirinë e shprehjes dhe ndikimin që mund të ketë ky hap në procesin zgjedhor. Ky vendim, që Rama e shpalli më 21 dhjetor 2024, vjen vetëm pesë muaj para zgjedhjeve të përgjithshme, duke ngritur pyetje të forta mbi motivet politike të tij dhe ndikimin që mund të ketë në lirinë e informacionit dhe demokracinë në Shqipëri.

Nga TikTok-u në Censurë: Liria e Shprehjes në Rrezik - Kafe Nga Kafe.al Në një kohë kur Shqipëria është në prag të zgjedhjeve parlamentare, vendimi i Kryeministrit Edi Rama për të mbyllur TikTok-un në vendin tonë ka shkaktuar një valë kritikash dhe shqetësimesh për të drejtat e njeriut, lirinë e shprehjes dhe ndikimin që mund të ketë ky ...

Fjalimi i kryeministrit të Shqipërisë, Edi Rama, në Prishtinë, gjatë seancës së përbashkët të Kuvendeve të Shqipërisë dhe Kosovës me 20 dhjetor ka ngjallur shumë reagime dhe kritika në lidhje me përmbajtjen e tij dhe tonin që ai ka përdorur ndaj qeverisë dhe institucioneve të Kosovës. Ky fjalim nxori edhe një herë në pah tensioned në mes të Tiranës dhe Prishtinës, dhe sipas shumë analistëve, ka nxjerrë në pah një qasje të ndarë dhe të ndërlikuar në marrëdhëniet mes dy shteteve.

Kur propaganda shkakton shpërthime diplomatike - Kafe Kafe.al Fjalimi i kryeministrit të Shqipërisë, Edi Rama, në Prishtinë, gjatë seancës së përbashkët të Kuvendeve të Shqipërisë dhe Kosovës me 20 dhjetor ka ngjallur shumë reagime dhe kritika në lidhje me përmbajtjen e tij dhe tonin që ai ka përdorur ndaj qeverisë dhe institucione...

Një situatë e paprecedent ka përshkallëzuar tensionet mes dy prej institucioneve më të larta të drejtësisë në Shqipëri javën që lam pas– Gjykatës Kushtetuese dhe Gjykatës së Lartë. Çështja e mandatit të Kryetares së Gjykatës Kushtetuese Holta Zaçaj ka nxjerrë në pah një debat mbi interpretimin e Kushtetutës dhe kompetencat midis këtyre dy institucioneve.

Mandatet që shuhen - Kafe Nga Kafe.al Një situatë e paprecedent ka përshkallëzuar tensionet mes dy prej institucioneve më të larta të drejtësisë në Shqipëri javën që lam pas– Gjykatës Kushtetuese dhe Gjykatës së Lartë. Çështja e mandatit të Kryetares së Gjykatës Kushtetuese Holta Zaçaj ka nxjerrë n....

Në një reagim të papritur me 724 fjalë Kryeminsitri Edi Rama bëri një reagim të pakërkuar ndaj kreut të grupit parlamentar Gazment Bardhit.

Bardhi e kishte ftuar Ramën të enjte e 5 dhjetorit në një interpelancë për çështjen “Agon Channel” por Rama reagoi për të vëllanë Olsi Rama.



Gjithsesi në vend që të japë prova dhe argument Rama përqëndrohet tek sulmi dhe akuzat! Më poshtë një analizë e hollësishme e deklaratës së kryeministrit Edi Rama.

Fshehja pas familjes: Rama eviton llogaridhënien përmes akuzave dhe manipulimeve - Kafe Nga Kafe.al   Në një reagim të papritur me 724 fjalë Kryeminsitri Edi Rama bëri një reagim të pakërkuar ndaj kreut të grupit parlamentar Gazment Bardhit. Bardhi e kishte ftuar Ramën të enjte e 5 dhjetorit në një interpelancë për çështjen “Agon Channel” por Rama reagoi për të ...

Megjithatë, reagimi i Ministrit të Brendshëm, Ervin Hoxha, pas kësaj ngjarje ka hapur një sërë pyetjesh mbi mënyrën se si ai dhe Policia e Shtetit kanë trajtuar informacionin dhe ka sjellë një sërë kritikash nga publiku, media dhe organizatat përkatëse.

Ministri Hoxha: Një lojë e rrezikshme me vdekjen dhe gënjeshtrat - Kafe Nga Kafe.al Në datën 18 nëntor 2024, një tragjedi e rëndë tronditi Tiranën, kur një nxënës i shkollës “Fan Noli”, 14-vjeçari Martin Cani, humbi jetën në një ngjarje të lidhur me një konflikt mes të rinjve. Ngjarja ka shokuar jo vetëm familjen e viktimës, por edhe gjithë shoq...